2 USamuyeli 10:10 - iBhayibhili Elingcwele 1978

¹⁰ Abanye abaseleyo wabanikeza kuAbishayi umfowabo, owabahlela ukuba balwe lamaAmoni.

IBhayibhili Elingcwele LesiNdebele

¹⁰ Amanye amabutho ayesele wathi kawalawulwe ngu-Abhishayi umfowabo, wabahlela ukuthi bamelane lama-Amoni.

2 USamuyeli 10:10 ပူးပေါင်းရင်းမြစ်များ

2 USamuyeli 10:11

UJowabi wathi kuye: Uba amaSiriya engahlula, uzengisiza; uba amaAmoni ekwahlula, ngizakuza ukukusiza.

2 USamuyeli 10:9

Lapho uJowabi esebonile ukuba impondo zempi zimhanqile ngaphambili langemuva, wakhetha abanye kwabakhethiweyo koIsrayeli, wabahlela ukuba balwe lamaSiriya.

2 USamuyeli 18:2

Wahlukanisa amabutho aba yizigaba ezintathu, esinye isigaba saphathwa nguJowabi, lesinye saphathwa ngumfowabo kaJowabi, uAbishayi indodana kaZeruya, esesithathu saphathwa nguIthayi waseGiti. Inkosi yawazisa amabutho ukuba layo uqobo izaphuma impi.

2 USamuyeli 23:18

UAbishayi, umfowabo kaJowabi indodana kaZeruya, wayeyinduna yabangamatshumi amathathu. Wagiya ngomkhonto wakhe phezu kwabangamakhulu amathathu ayebabulele, wazizuzela ibizo phakathi kwalabo abangamatshumi amathathu.

1 ImiLando 18:12

UAbishayi indodana kaZeruya wabulala amaEdoma azinkulungwane ezilitshumi lesificaminwembili esihotsheni seTshwayi;

1 ImiLando 19:1

Kwathi emva kwalokho uNahashi inkosi yamaAmoni wafa, indodana yakhe yaba yinkosi esikhundleni sakhe.