2 USamuyeli 1:12 - iBhayibhili Elingcwele 1978

¹² Balila, bakhala, bazila ukudla kwaze kwahlwa ngenxa kaSawuli, loJonathani indodana yakhe, labantu beNkosi uNkulunkulu, abakoIsrayeli, ababebulewe empini.

IBhayibhili Elingcwele LesiNdebele

¹² Babakhalela, babalilela, babazilela kwaze kwahlwa uSawuli lendodana yakhe uJonathani kanye lebutho likaThixo lendlu ka-Israyeli, ngoba babebulewe ngenkemba.

2 USamuyeli 1:12 ပူးပေါင်းရင်းမြစ်များ

2 USamuyeli 3:35

Bonke abantu basebesiza ukumncenga uDavida ukuba adle kusesemini; kodwa uDavida wafunga wathi: UNkulunkulu angihlanekele ngokwengezelelweyo uba ngithinta ukudla loba okunye nje lingakatshoni ilanga.

Izaga 24:17

Ungathokozi ngokuwa kwesitha sakho, ungajabuli ngokukhubeka kwaso;

UJeremiya 9:1

Kungathi ngabe ikhanda lami lingamanzi, lamehlo ami angumthombo wenyembezi, ukuba ngikhalele ababuleweyo ebantwini bami emini lebusuku.

uAmosi 6:6

benatha iwayini ngezinkamba, bazigcobe ngamagcobo amahle, kodwa kabadabukeli ukuchitheka kukaJosefa.

UMatewu 5:44

Kodwa mina ngithi kini: Thandani izitha zenu, libakhulekele abalizingelayo,

2 AbaseKhorinte 11:29

Ngubani obuthakathaka ngingabi buthakathaka lami na? Ngubani okhubekiswayo ngingavuthi ngokuthukuthela na?

1 UPhethro 3:8

Okokucina, wobani lanhliziyonye lonke, lizwelane, lithande abazalwane, libe lobubele lokuthobeka,

1 USamuyeli 31:13

Athatha amathambo abo, awambela ngaphansi kwesihlahla setamarisiki eJabeshi, azila ukudla insuku eziyisikhombisa.

1 USamuyeli 31:6

Wafake uSawuli, lamadodana akhe amathathu, lomphathi wezikhali zakhe, labo bonke abantu bakhe ngasuku lunye.