2 ImiLando 9:8 - iBhayibhili Elingcwele 1978

⁸ Kayibongwe iNkosi uNkulunkulu wakho ekuthandileyo, yakubeka ukuba ube yinkosi ebizweni leNkosi uNkulunkulu wakho. Ngoba uNkulunkulu uyabathanda abakoIsrayeli, uzakubaqinisa kuze kube nininini, ukubekile waba yinkosi yabo ukuba ubuse ngomthetho langokulunga.

IBhayibhili Elingcwele LesiNdebele

⁸ Udumo kuThixo uNkulunkulu wakho, obe lokuthokoza ngawe wakufaka esihlalweni sakhe sobukhosi ukuba ube yinkosi ubusele uThixo uNkulunkulu wakho. Ngenxa yothando lukaNkulunkulu wakho ngo-Israyeli, lokuzimisela ukubamela kuze kube nininini, ukubekile waba yinkosi phezu kwabo, ukuze ulondoloze ukwahlulela ngemfanelo langokulunga.”

2 ImiLando 9:8 ပူးပေါင်းရင်းမြစ်များ

2 USamuyeli 23:3

UNkulunkulu kaIsrayeli usekhulumile, iDwala likaIsrayeli likhulumile kimi lathi: Obusa abantu ngokulunga, abuse ngokumesaba uNkulunkulu,

2 USamuyeli 8:15

UDavida wambusake wonke uIsrayeli; wahlulela wenza ukulunga kubo bonke abantu bakhe.

1 AmaKhosi 10:9

Kayibongwe iNkosi uNkulunkulu wakho ekuthandileyo, yakubeka ukuba ubuse uIsrayeli. Ngoba iyamthanda uIsrayeli kokuphela, ikubekile waba yinkosi ukuze ubuse ngomthetho langokulunga.

1 AmaKhosi 3:28

Bonke abakoIsrayeli bezwa ngokwahlulela kwenkosi, bayesaba inkosi, ngoba babona ukuthi yayilokuhlakanipha kukaNkulunkulu kokuba yahlulele.

1 ImiLando 17:22

Wazimisela abantu bakho uIsrayeli ukuba babe ngabakho kuze kube nini lanini: wena Nkosi, waba nguNkulunkulu wabo.

1 ImiLando 28:5

Kuwo wonke amadodana ami, ngoba iNkosi yanginika amadodana amanengi, yakhetha uSolomoni indodana yami ukuba abe yinkosi koIsrayeli, umbuso weNkosi uNkulunkulu.

1 ImiLando 29:10

UDavida waseyibonga iNkosi phambi kwebandla lonke, wathi: Kawudunyiswe, wena Nkosi, Nkulunkulu kaIsrayeli ukhokho, kuze kube nininini.

1 ImiLando 29:20

UDavida wasesithi kulo lonke ibandla: Ibongeni iNkosi uNkulunkulu wenu. Lonke ibandla layibonga iNkosi, uNkulunkulu wabokhokho babo; bathi mbo ngobuso phansi, bekhonza iNkosi uNkulunkulu, behlonipha lenkosi uDavida.

1 ImiLando 29:23

USolomoni wasebusa embusweni weNkosi uNkulunkulu esikhundleni sikaDavida uyise, waphumelela, wonke uIsrayeli wamlalela.

2 ImiLando 13:8

Khathesi licabanga ukumelana lombuso weNkosi uNkulunkulu ophethwe ngamadodana kaDavida ngoba libanengi kakhulu, lilamathole egolide uJerobowamu alenzela wona ukuba abe ngonkulunkulu.

2 ImiLando 2:10

Ngizanika inceku zakho ezizagamula izihlahla ukudla, amasaka amabele azinkulungwane ezingamatshumi amathathu lambili, lamasaka ebhali azinkulungwane ezingamatshumi amathathu lambili, lamatanka ewayini angamakhulu amabili lamatshumi amathathu, lamatanka amafutha angamakhulu amabili lamatshumi amathathu.

2 ImiLando 2:11

UHuramu inkosi yaseTire waphendula ngencwadi ayithumela kuSolomoni wathi: Ngoba iNkosi uNkulunkulu ibathanda abantu bayo, ikwenzile waba yinkosi yabo.

2 ImiLando 9:7

Bayadela abafazi bakho. Ziyadela inceku zakho ezikusebenzelayo insuku zonke zizwe ukuhlakanipha kwakho.

2 ImiLando 9:9

Inkosikazi yaseSheba yasinika inkosi uSolomoni igolide elingamathalenta alikhulu lamatshumi amabili, lamakha amanengi kakhulu, lamatshe amahle. Kakuzanga kulethwe ngaphambili amakha amanengi njengala inkosikazi yaseSheba eyawanika inkosi uSolomoni.

AmaHubo 18:19

Yangikhuphela endaweni ebanzi, yangikhulula ngoba ibingithanda.

AmaHubo 22:8

besithi: Wathemba iNkosi; kayimkhulule, imophule, ngoba iyamthanda.

AmaHubo 72:2

Kayahlulele abantu bakho ngokulunga, lezihlupheki zakho ngemfanelo.

AmaHubo 99:4

Nkosi elamandla, ethanda ukwahlulela, umisile ubuqotho, wahlulela ngokulunga, wenza ukulunga kuJakobe.

Izaga 21:3

Ukwenza ukulunga lokufaneleyo kuyithokozisa iNkosi kakhulu kulemihlatshelo.

Izaga 29:4

Inkosi iqinisa ilizwe layo ngokulunga, kodwa inkosi elithelisayo kakhulu iyalichitha.

U-Isaya 42:1

INkosi ithi: Khangela inceku yami engiyisekelayo, okhethiweyo wami, othokoza ngaye umphefumulo wami; ngibekile umoya wami phezu kwakhe, ukuze alethele izizwe ukulunga.

U-Isaya 62:4

Kawusayikubizwa ngokuthi ngoTshiyiweyo, lelizwe lakini kalisayikuthiwa ngoLahliweyo; kodwa uzakubizwa ngokuthi yiNtokozo yami, lelizwe lakini ngokuthi ngoWendileyo; ngoba iNkosi iyathokoza ngawe, lelizwe lakini libe ngelayo.

U-Isaya 9:7

Umbuso wayo uzakuba mkhulu, lokuthula kakuyikuphela kuwo, lapho isihlezi esihlalweni sobukhosi sikaDavida. Izakuwumisa, iwuqinise ngokufaneleyo langokulunga, kusukela kulesisikhathi kuze kube nininini. Ukutshisekela kweNkosi yamabandla kuzakukwenza lokhu.

UDutheronomi 7:8

kodwa kungenxa yokulithanda kwayo langenxa yokusigcina kwayo isifungo eyasifunga kubokhokho benu, iNkosi yalikhupha ngesandla esilamandla, yalihlenga endaweni yobugqili lesandleni sikaFaro inkosi yaseGibithe.