2 ImiLando 9:7 - iBhayibhili Elingcwele 1978

⁷ Bayadela abafazi bakho. Ziyadela inceku zakho ezikusebenzelayo insuku zonke zizwe ukuhlakanipha kwakho.

IBhayibhili Elingcwele LesiNdebele

⁷ Yeka ukujabula kwabantu bakho! Yeka ziyadela izikhulu zakho, ezihlezi zimi phambi kwakho zizizwela inhlakanipho yakho!

2 ImiLando 9:7 ပူးပေါင်းရင်းမြစ်များ

1 AmaKhosi 10:8

Bayadela abafazi bakho. Ziyadela inceku zakho ezikusebenzelayo insuku zonke zizwe ukuhlakanipha kwakho.

2 ImiLando 9:6

kangiyikholwanga leyomibiko ngaze ngafika ngazibonela ngamehlo. Khangela, bengingatshelwanga ngitsho lengxenye nje yobukhulu bokuhlakanipha kwakho; wena umkhulu kulalokho engakuzwayo ngawe.

2 ImiLando 9:8

Kayibongwe iNkosi uNkulunkulu wakho ekuthandileyo, yakubeka ukuba ube yinkosi ebizweni leNkosi uNkulunkulu wakho. Ngoba uNkulunkulu uyabathanda abakoIsrayeli, uzakubaqinisa kuze kube nininini, ukubekile waba yinkosi yabo ukuba ubuse ngomthetho langokulunga.

AmaHubo 27:4

Into yinye engiyicela eNkosini engizakuyifunisisa, yikuba ngihlale endlini yeNkosi insuku zonke zokuphila kwami, ukuba ngibone ubuhle beNkosi, ngibuke ithempeli layo.

Izaga 10:21

Umlomo wolungileyo uyasiza abanengi, kodwa izithutha ziyafa ngokuswela ingqondo.

Izaga 13:20

Ohamba labahlakaniphileyo uyahlakanipha, kodwa ophelekezela izithutha uzakuhlupheka.

Izaga 3:14

ngoba ukuhlakanipha kuyaveza okunengi kulesiliva, lenzuzo enkulu kulegolide.

Izaga 3:3

Umusa lokuthembeka kakungakutshiyi, kodwa kubophele entanyeni yakho, ukugwale enhliziyweni yakho.

Izaga 8:34

Ubusisiwe umuntu ongizwayo, alinde insuku ngensuku ngasemasangweni ami, akhangele iminyango yami.

ULukha 11:28

Kodwa yena wathi: Yebo, kodwa ikakhulu babusisiwe abalizwayo ilizwi likaNkulunkulu, balilondoloze.

UDutheronomi 33:9

lowo owathi ngoyise lonina: Kangibananzanga; wabandlulula abafowabo, wafulathela abantwana bakhe. Balalela ilizwi lakho, bagcina isivumelwano sakho.