2 ImiLando 9:6 - iBhayibhili Elingcwele 1978

⁶ kangiyikholwanga leyomibiko ngaze ngafika ngazibonela ngamehlo. Khangela, bengingatshelwanga ngitsho lengxenye nje yobukhulu bokuhlakanipha kwakho; wena umkhulu kulalokho engakuzwayo ngawe.

IBhayibhili Elingcwele LesiNdebele

⁶ Ngibe ngingayikholwa leyo mbiko ngaze ngazibonela ngawami amehlo. Ngeqiniso, akufiki engxenyeni engikuzwileyo ngokujula kwenhlakanipho yakho; engikubonileyo kwedlula engakuzwayo ngawe ngokuphindwe kanengi.

2 ImiLando 9:6 ပူးပေါင်းရင်းမြစ်များ

1 AmaKhosi 10:7

kangiyikholwanga leyomibiko ngize ngafika ngazibonela ngamehlo ami. Khangela, bengingatshelwanga ngitsho lengxenye nje; ukuhlakanipha kwakho lokuphumelela kwakho kuyayedlula imibiko engayizwayo.

1 AmaKhosi 4:31

Ngoba wayehlakaniphile kulabo bonke abantu, wayehlakaniphile ukwedlula uEthani waseEzira loHemani loKalikoli loDarida amadodana kaMaholi; lodumo lwakhe lwagcwala ezizweni zonke ezazizingelezele.

1 AmaKhosi 4:34

Kwakufika abantu bevela ezizweni zonke ukuzwa ukuhlakanipha kukaSolomoni, bevela emakhosini wonke omhlaba ayezwe ngokuhlakanipha kwakhe.

2 ImiLando 9:5

Yathi enkosini: Yayiliqiniso imibiko engayizwa elizweni lami ngezindaba zakho langokuhlakanipha kwakho,

2 ImiLando 9:7

Bayadela abafazi bakho. Ziyadela inceku zakho ezikusebenzelayo insuku zonke zizwe ukuhlakanipha kwakho.

AmaHubo 31:19

Yeka ubukhulu bokulunga kwakho okubekele labo abakwesabayo, okwenzela phambi kwabantu labo abaphephela kuwe!

UZakhariya 9:17

Yeka ubuhle balo lokubukeka kwalo! Amabele azakhulisa izinsizwa, lewayini elitsha likhulise izintombi.

1 AbaseKhorinte 2:9

Kodwa kunjengoba kulotshiwe ukuthi: Lokho ilihlo elingakubonanga, lendlebe engakuzwanga, okunganakanwanga yingqondo yomuntu, uNkulunkulu ukulungisele abamthandayo.

1 UJohane 3:2

Bathandekayo, khathesi singabantwana bakaNkulunkulu; kakukabonakali esizakuba yikho, kodwa siyazi ukuthi, nxa esefikile, sizakuba njengaye, ngoba sizakumbona njengoba enjalo.