2 ImiLando 9:29 - iBhayibhili Elingcwele 1978

²⁹ Ezinye izenzo zikaSolomoni, kusukela ekuqaleni kuze kube sekucineni, zilotshiwe ezindabeni zomlando kaNathani umprofethi, lakusiprofethi sikaAhija waseShiloni, lasemibonweni kaIdo umboni emayelana loJerobowamu indodana kaNebati.

IBhayibhili Elingcwele LesiNdebele

²⁹ Ezinye izehlakalo ezenzakala ekubuseni kukaSolomoni kazilotshwanga yini kusukela ekuqaleni kuze kube sekucineni, ezindabeni zomlandu kaNathani umphrofethi, lasesiphrofethini sika-Ahija waseShilo, lasemibonweni ka-Ido umboni emayelana loJerobhowamu indodana kaNebhathi?

2 ImiLando 9:29 ပူးပေါင်းရင်းမြစ်များ

2 USamuyeli 12:1

INkosi yasithuma uNathani umprofethi kuDavida. Wafika wathi kuye: Kwakukhona amadoda amabili emzini othile, enye yayinothile, enye yayingumyanga.

2 USamuyeli 12:25

yathuma ilizwi ngoNathani umprofethi, yathi ngenxa yothando lwayo kabizwe ngokuthi nguJedidiya.

1 AmaKhosi 1:8

Kodwa uZadoki umpristi, loBenaya indodana kaJehoyada, loNathani umprofethi, loShimeyi loReyi, lamaqhawe kaDavida kabamlandelanga uAdonija.

1 AmaKhosi 11:26

UJerobowamu indodana kaNebati owakoEfrayimi waseZereda owayeyinceku kaSolomoni, unina kwakuthiwa nguZeruwa engumfelwakazi, laye wayivukela inkosi.

1 AmaKhosi 11:29

Ngolunye usuku uJerobowamu waphuma eJerusalema, umprofethi uAhija owaseShiloni wamfica endleleni. UAhija wayegqoke isigqoko esitsha; babebobabili egangeni.

1 AmaKhosi 14:2

UJerobowamu wathi kumkhake: Akusuke uzifihle ukuze kungaziwa ukuthi ungumkami, uye eShilo; kukhona lapho umprofethi uAhija owangitshela ukuthi ngizakuba yinkosi yalababantu,

1 ImiLando 29:29

Izenzo zenkosi uDavida ezokuqala lezokucina zilotshiwe engwalweni zezindaba zikaSamuweli umboni lengwalweni zezindaba zikaNathani umprofethi lengwalweni zezindaba zikaGadi umboni,

2 ImiLando 10:2

Kwathi uJerobowamu indodana kaNebati ekuzwa lokhu, wabuya evela eGibithe, ngoba wayelokhu eseGibithe lapho ayebalekele khona, ebalekela inkosi uSolomoni.

2 ImiLando 12:15

Indaba zikaRehobowamu, kusukela ekuqaleni kuze kube sekucineni, zilotshiwe ogwalweni lwezindaba zomprofethi uShemaya lezikaIdo umboni. Kwakuhlala kusiba khona ukulwa phakathi kukaRehobowamu loJerobowamu.

2 ImiLando 13:22

Ezinye indaba zikaAbija, ukuhamba lokwenza kwakhe, kulotshiwe ezindabeni zomprofethi uIdo.