2 ImiLando 9:21 - iBhayibhili Elingcwele 1978

²¹ Inkosi yayilemikolo emikhulu yokuthwala impahla olwandle eyayisiya eTarshishi lezinceku zikaHuramu; limikolo yokuthwala impahla yayibuya kanye ngeminyaka emithathu ithwele igolide lesiliva lempondo zendlovu lezindwangu lezinkawu.

IBhayibhili Elingcwele LesiNdebele

²¹ Inkosi yayilodibi lwemikhumbi yezokuthengiselana eyayigwedlwa ngabantu bakaHiramu. Yayiphenduka kanye ngemva kohambo lweminyaka emithathu, iphenduka ithwele igolide, isiliva lempondo zendlovu, inkawu lendwangu.

2 ImiLando 9:21 ပူးပေါင်းရင်းမြစ်များ

1 AmaKhosi 10:22

Inkosi yayilemikolo emikhulu yokuthwala impahla olwandle kanye lemikolo kaHiramu; limikolo yokuthwala impahla yayibuya kanye ngeminyaka emithathu ithwele igolide lesiliva lempondo zendlovu lezindwangu lezinkawu.

1 AmaKhosi 22:48

UJehoshafati wenza imikolo emikhulu yokuthwala impahla ukuyathwala igolide eOfiri; kodwa kayifikanga yephukela eEziyoni‐Geberi.

2 ImiLando 8:18

UHuramu wathumela kuye imikolo ephethwe zinduna zakhe, lenceku ezejwayele ulwandle, zaya eOfiri kanye lenceku zikaSolomoni, zalanda khona igolide elingamathalenta angamakhulu amane lamatshumi amahlanu, zaliletha enkosini uSolomoni.

2 ImiLando 9:20

Zonke inkezo zokunatha zenkosi uSolomoni zazenziwe ngegolide, lezitsha zonke zendlu ethiwa ngeyeGusu laseLebanoni zazenziwe ngegolide elihle; isiliva sasiyinto engasilutho ensukwini zikaSolomoni.

UJobe 39:13

Impiko zentshe zimfitshane, impiko zayo zilensiba ezilutshwana.

AmaHubo 72:10

Amakhosi aseTarshishi lawasezihlengeni azaletha izipho, amakhosi aseSheba laseSeba alethe izipho.

UJeremiya 10:9

Isiliva esikhandiweyo sivela eTarshishi, legolide livela eOfiri. Ukwenza izithombe kungumsebenzi wesisebenzi lowezandla zomkhandi, zigqokiswe okuluhlaza lokuyibubende; konke kungumsebenzi wezingcitshi.

UHezekhiyeli 27:12

ITarshishi lathengiselana lawe ngenxa yobunengi benotho yakho yenhlobo zonke, benana impahla yakho ngesiliva langensimbi langomnuso.

UHezekhiyeli 27:15

Abantu baseRodesi bathengiselana lawe, lamazwe amanengi angasolwandle ayezindawo zakho zokuthengisela; bakuhlawula ngempondo zendlovu, langesihlahla esithiwa yieboni.

UJona 1:3

Kodwa uJona wasuka waya eTarshishi ukuba abalekele iNkosi. Wehlela eJopha, wafumana khona umkolo oya eTarshishi; wakhupha imali yokukhwela, wakhwela kuwo ukuba ahambe labaya eTarshishi, abaleke eNkosini.