2 ImiLando 9:18 - iBhayibhili Elingcwele 1978

¹⁸ Izikhwelo eziyisithupha zesihlalo lesigcabha saso kwakunanyekwe ngegolide; emaceleni aso kulezindawo zokubeka ingalo, lezilwane ezimbili eceleni kwendawo zokubeka ingalo;

IBhayibhili Elingcwele LesiNdebele

¹⁸ Isihlalo sobukhosi sasilezinyathelo eziyisithupha njalo kulesenabelo segolide esasixhunywe kuso. Emaceleni esihlalo kwakulezeyamelo zengalo, yileso laleso kumi isilwane eceleni kwaso.

2 ImiLando 9:18 ပူးပေါင်းရင်းမြစ်များ

2 ImiLando 9:17

Yenza lesihlalo sobukhosi esikhulu ngempondo zendlovu, yasinameka ngegolide elihle.

2 ImiLando 9:19

kwakumi izilwane ezilitshumi lambili ezikhwelweni eziyisithupha, esinye isilwane singapha lesinye singale kwesikhwelo. Kakwenziwanga isihlalo sobukhosi esinjalo lakuwuphi omunye umbuso.

AmaNani 23:24

Khangela, nampa abantu abavukayo njengesilwane esisikazi, abaquthayo njengesilwane; kasilali singakadli impango, singakanathi igazi lababuleweyo.

AmaNani 24:9

Waqutha, walala phansi njengesilwane, njengesilwane esisikazi; ngubani olesibindi sokumvusa na? Kababusiswe bonke abakubusisayo, baqalekiswe bonke abakuqalekisayo!

Isambulo 5:5

Omunye wabadala wasesithi kimi: Ungakhali; ngoba sinqobile iSilwane sesizwe sakoJuda, iMpande kaDavida, ukuze siyivule lincwadi, siqhaqhe lezimpawu zayo eziyisikhombisa.