2 ImiLando 8:14 - iBhayibhili Elingcwele 1978

¹⁴ Ngesimiso sikaDavida uyise wamisa izigaba zabapristi zenkonzo yabo, lezamaLevi zokuhlabelela izindumiso lokusiza abapristi njengokufunekayo ngalolo lalolosuku, lezabalindi bamasango kulelo lalelosango; ngoba wayetsho njalo uDavida umuntu kaNkulunkulu.

IBhayibhili Elingcwele LesiNdebele

¹⁴ Elandela isimiso sikayise uDavida wamisa izigaba zabaphristi ngezinkonzo zabo, njalo abaLevi bekhokhela ekudumiseni lokuphathisa abaphristi kusiya ngemfanelo yemihla ngemihla. Wakhetha abalindi bamasango ngezigaba ukulinda amasango ehlukeneyo ngoba yikho okwakutshiwo nguDavida umuntu kaNkulunkulu.

2 ImiLando 8:14 ပူးပေါင်းရင်းမြစ်များ

2 USamuyeli 23:2

uthi: Umoya weNkosi ukhuluma ngami, ilizwi layo lisolimini lwami.

1 AmaKhosi 13:1

Kwathi uJerobowamu emi phambi kwealtare ukutshisa impepha, kwafika umuntu kaNkulunkulu eBetheli evela koJuda ethunywa yilizwi leNkosi.

1 ImiLando 16:37

UDavida wasebatshiya oAsafi lezihlobo zakhe phambi komtshokotsho wesivumelwano seNkosi ukukhonza khona njalonjalo njengokudingekayo insuku ngensuku;

1 ImiLando 16:42

OHemani loJeduthuni babelezimpondo lezigubhu zokuhlabelela, lezinto zokutshayela uNkulunkulu. Amadodana kaJeduthuni abekwa esangweni.

1 ImiLando 23:1

Kwathi uDavida esemdala eseluphele wamisa uSolomoni indodana yakhe ukuba abe yinkosi koIsrayeli.

1 ImiLando 24:1

Nanzi izigaba zamadodana kaAroni. Amadodana kaAroni ayengoNadabi loAbihu loEleyazare loIthamari.

1 ImiLando 24:3

UDavida esizwa nguZadoki omunye wamadodana kaEleyazare, loAhimeleki omunye wamadodana kaIthamari, wabamisa ngezigaba zokwenza umsebenzi wabo.

1 ImiLando 25:1

UDavida lezinduna zempi bahlukanisela inkonzo abanye bamadodana kaAsafi lakaHemani lakaJeduthuni ukuprofetha besizwa yimihubhe lamachacho lezigubhu. Nanka amabizo alaba ababezakuphatha linkonzo;

1 ImiLando 26:1

Nanzi izigaba zabalindi bamasango. KwabakoKora kwakunguMeshelemiya indodana kaKore kaEbiyasafi.

1 ImiLando 28:19

UDavida wasesithi: Konke lokhu kwalotshwa ngesandla seNkosi; owami umsebenzi kube yikuchasisa umsebenzi wonke womfanekiso.

1 ImiLando 9:17

Abagcini bamasango babengoShaluma loAkubi loTalimoni loAhimani lezihlobo zabo; uShaluma wayeyinhloko yabo.

1 ImiLando 9:24

Abalindi bamasango babekhona ezinhlangothini zozine, ngasempumalanga langasentshonalanga langasenyakatho langaseningizimu.

2 ImiLando 23:19

Wabeka abalindi bamasango emasangweni ethempeli ukuze kungangeni muntu ongcoliswe loba yini.

2 ImiLando 23:4

Nanku elizakukwenza; lina bapristi lamaLevi, abesithathu benu abalinda ngeSabatha bazalinda amasango,

2 ImiLando 29:25

Wasebeka amaLevi ethempelini leNkosi elezigubhu lamachacho lemihubhe, njengokulaywa kukaDavida lokukaGadi umboni weNkosi lokukaNathani umprofethi; ngoba lumlayo wavela eNkosini ngabaprofethi bayo.

2 ImiLando 31:2

UHezekiya wasebeka abapristi lamaLevi ezikhundleni zabo, izigaba ngezigaba, wanika lowo lalowompristi lomLevi umsebenzi wakhe owokunikela umnikelo wokutshiswa lomnikelo wokuthula, lowokubongwa lokudumisa, lowokusebenza emasangweni ethempeli.

2 ImiLando 35:10

Kwathi inkonzo isilungisiwe, abapristi bema endaweni zabo, lamaLevi ngezigaba zawo, njengokutsho kwenkosi uJosiya.

2 ImiLando 35:15

Abahlabeleli abakoAsafi babesendaweni yabo njengomlayo kaDavida lokaAsafi lokaHemani lokaJeduthuni umboni wenkosi; abagcini bamasango babesemasangweni; kwakungadingeki ukuba batshiye umsebenzi wabo ngoba izihlobo zabo amaLevi abalungisela.

2 ImiLando 35:4

Lizilungise lina ngezindlu zenu langezigaba zenu, lenze njengokulotshiweyo nguDavida inkosi yakoIsrayeli languSolomoni indodana yakhe.

2 ImiLando 5:11

Kwathi lapho sebephuma abapristi endaweni engcwele — ngoba bonke abapristi ababekhona babezihlambulule bengalandelanga izigaba zabo —

2 ImiLando 8:15

Kaphambukanga kulokho inkosi uDavida eyayikutshilo mayelana labapristi lamaLevi lezindlu zenotho.

U-Ezra 6:18

Bamisa abapristi ngezigaba zabo, lamaLevi ngamaqembu awo, ukuphatha inkonzo kaNkulunkulu eJerusalema, njengokulotshiweyo ogwalweni lukaMose.

UNehemiya 12:24

Inhloko zamaLevi zazingoHashabiya loSherebiya loJeshuwa loBinuwi loKadimiyeli, labafowabo ababesima maqondana labo ukudumisa lokubonga, njengomlayo kaDavida umuntu kaNkulunkulu, behlabela benikezelana.

UNehemiya 12:25

OMathaniya loBakibukiya loObadiya loMeshulamu loTalimoni loAkubi babengabalindi bamasango belinda iziphala ezisemasangweni.

UNehemiya 12:36

lezihlobo zakhe oShemaya loAzareli loMilalayi loGilalayi loMahayi loNethaneli loJuda loHanani bephethe izinto zokukhaliswa zikaDavida umuntu kaNkulunkulu; uEzra umbhali wayehamba phambi kwabo.

ULukha 1:5

Ensukwini zikaHerodi inkosi yaseJudiya kwakukhona umpristi othiwa nguZekariya, owesigaba sikaAbija; wayelomkakhe owamadodakazi kaAroni, ibizo lakhe linguElizabethi.

ULukha 1:8

Kwathi lesenza inkonzo yobupristi phambi kukaNkulunkulu njengokumiswa kwesikhathi sesigaba sakibo,

Imisebenzi 13:22

Esemkhuphile wabamisela uDavida abe yinkosi yabo, afakaza ngaye ngokuthi: Ngimfumene uDavida indodana kaJese, engumuntu engimthandayo, ozakwenza konke engikuthandayo.

Imisebenzi 13:36

Ngoba uDavida eselenzile icebo likaNkulunkulu esizukulwaneni sakhe, wafa, waya kwabaphansi, wabona ukubola.

UDutheronomi 33:1

Nansi isibusiso uMose umuntu kaNkulunkulu abusisa ngaso abantu bakoIsrayeli engakafi.