2 ImiLando 7:17 - iBhayibhili Elingcwele 1978

¹⁷ Wenake, uba uhamba phambi kwami njengoyihlo uDavida, usenza konke engikulaye khona, ugcine izimiso zami lemithetho yami,

IBhayibhili Elingcwele LesiNdebele

¹⁷ Wena, nxa ungahamba phambi kwami njengalokhu okwenziwa nguyihlo uDavida, wenze konke engikulaya ngakho, ulandele izimiso lemithetho yami,

2 ImiLando 7:17 ပူးပေါင်းရင်းမြစ်များ

1 AmaKhosi 11:38

Uba ulalela konke engikulaya khona, uhambe ngendlela zami, wenze okulungileyo phambi kwami, ugcine izimiso zami lemilayo yami njengoDavida inceku yami, ngizakuba lawe, ngiwuqinise umbuso wakho njengokaDavida; ngizakukunika uIsrayeli,

1 AmaKhosi 2:3

ugcine umlayo weNkosi uNkulunkulu wakho, uhambe ngezindlela zayo, ugcine izimiso zayo lemithetho yayo lezilayezelo zayo, lamazwi ayo, njengokulotshiweyo emlayweni kaMose, ukuba uphumelele kukho konke okwenzayo lalapho uya khona,

1 AmaKhosi 3:14

Uba uhamba ngendlela zami, ugcina izimiso zami lemilayo yami njengoyihlo uDavida, ngizakuzandisa insuku zakho.

1 AmaKhosi 8:25

Ngakhoke, Nkosi, Nkulunkulu kaIsrayeli, gcina isithembiso owasenza lenceku yakho uDavida ubaba usithi: Kawuyikuswela muntu ozabusa abakoIsrayeli uba amadodana akho enanzelela ukuhamba kwawo phambi kwami njengawe.

1 ImiLando 28:9

Wenake, Solomoni mntanami, ubomazi uNkulunkulu kaIsrayeli, umkhonze ngenhliziyo yonke langengqondo evumayo; ngoba iNkosi iyazihlola zonke inhliziyo, iyawazi amacebo wonke lemicabango yonke. Uba wena uyidinga, izakuziveza kuwe; kodwa uba uyitshiya, izakukulahla kokuphela.

2 ImiLando 6:16

Ngakhoke, Nkosi, Nkulunkulu kaIsrayeli, gcina isithembiso owasenza lenceku yakho uDavida ubaba usithi: Kawuyikuswela muntu ozabusa abakoIsrayeli uba amadodana akho enanzelela ukuhamba kwawo phambi kwami, ehamba ngomlayo wami njengawe.

2 ImiLando 7:16

Sengiyikhethile ngayihlambulula lindlu ukuze ibizo lami lidunyiselwe khona kuze kube nininini, amehlo ami lenhliziyo yami kuzakuba kuyo isikhathi sonke.

2 ImiLando 7:18

ngizaqinisa umbuso wakho, njengesivumelwano engasenza loyihlo uDavida ngisithi: Kawuyikuswela muntu ozabusa uIsrayeli.

AmaHubo 105:45

ukuba bagcine izimiso zayo, bahambe ngemilayo yayo. Dumisani iNkosi!

AmaHubo 119:5

Kungathi zingaqondiswa indlela zami ukuba ngigcine izimiso zakho!

UHezekhiyeli 36:27

Ngizafaka umoya wami phakathi kwenu, ngilenze ukuba lihambe ngezimiso zami, lokuba linanzelele ukugcina imithetho yami.

UZakhariya 3:7

INkosi yamabandla ithi: Uba uzahamba endleleni zami, ugcine imilayo yami, uzaphatha indlu yami, ugcine lamaguma ami, ngizakukunika ilungelo lokungena phakathi kwabo abemiyo lapha.

UJohane 14:21

Olemilayo yami ayigcine, nguye ongithandayo; yena ongithandayo uzakuthandwa nguBaba, lami ngizakumthanda, ngizibonakalise kuye.

UJohane 15:10

Uba ligcina imilayo yami, lizakuhlala othandweni lwami, njengalokhu lami ngigcine imilayo kaBaba ngihlala othandweni lwakhe.

UDutheronomi 4:40

Ngakhoke lizagcina izimiso zayo lemilayo yayo engililaya yona lamhla, ukuba kulilungele lina labantwana benu emva kwenu, lokuba liphile isikhathi eside elizweni iNkosi uNkulunkulu wenu elinika lona kuze kube nini lanini.