2 ImiLando 7:10 - iBhayibhili Elingcwele 1978

¹⁰ Enyangeni yesikhombisa, ngosuku lwamatshumi amabili lantathu lwenyanga, wabadabulela abantu, baya emizini yabo bethokoza bejabula ngokuhle iNkosi uNkulunkulu eyayikwenzele uDavida loSolomoni labantu bayo uIsrayeli.

IBhayibhili Elingcwele LesiNdebele

¹⁰ Ngosuku lwamatshumi amabili lantathu lwenyanga yesikhombisa wakhulula abantu ukuthi babuyele emakhaya abo bethokoza njalo bejabula ngenhliziyo ngenxa yezinto ezinhle uThixo ayezenzele uDavida loSolomoni kanye labantu bakhe bako-Israyeli.

2 ImiLando 7:10 ပူးပေါင်းရင်းမြစ်များ

1 AmaKhosi 8:66

Ngosuku lwesificaminwembili uSolomoni wabadabulela abantu; bambonga, baya emizini yabo bethokoza bejabula enhliziyweni ngakho konke okuhle iNkosi uNkulunkulu eyayikwenzele uDavida inceku yayo loIsrayeli abantu bayo.

2 ImiLando 29:36

UHezekiya labantu bonke bathokoza ngalokho uNkulunkulu abenzele khona, lokuthi kwenzakala masinyane.

2 ImiLando 30:26

Kwaba khona ukuthokoza okukhulu eJerusalema, ngoba kusukela esikhathini sikaSolomoni indodana kaDavida inkosi yakoIsrayeli kakuzanga kube khona eJerusalema okunje.

2 ImiLando 6:41

Sukake, Nkosi Nkulunkulu, uze endaweni yakho yokuphumula, wena lomtshokotsho wamandla akho. Abapristi bakho, Nkosi Nkulunkulu, kabambathe ukukhululwa, labathembekileyo bakho bathokoze ngokulunga kwakho.

2 ImiLando 7:11

USolomoni waqedake ukwakha ithempeli lokwakha indlu yakhe; konke ayelungise ukukwenza endlini yeNkosi lakweyakhe indlu kwaphela kuhle.

2 ImiLando 7:9

Ngosuku lwesificaminwembili benza inkonzo yokucina, ngoba ukwahlukaniselwa kwealtare kwenziwa insuku eziyisikhombisa, lomkhosi wenziwa insuku eziyisikhombisa.

UNehemiya 8:10

UEzra wasesithi kibo: Hambani kuhle, lidle inyama enonileyo, linathe iwayini elimnandi, labelane labo izabelo bonke abangelalutho; ngoba lolusuku lungcwele eNkosini yethu, kungabi khona ukudana, ngoba ukuthokoza ngeNkosi kungamandla enu.

AmaHubo 100:2

Ikhonzeni iNkosi ngokujabula, lize phambi kwayo ngokuhlabela.

AmaHubo 105:3

Jabulani ebizweni layo elingcwele; kazithokoze inhliziyo zabo abafuna iNkosi.

AmaHubo 106:5

ukuze ngibone impumelelo yabakhethiweyo bakho, ngithokoze ekuthokozeni kwesizwe sakho, ngiziqhenye kanye labantu bakho.

AmaHubo 32:11

Jabulani eNkosini, lithabe, lina abalungileyo; memezani, lithabe, lina lonke abaqotho enhliziyweni.

AmaHubo 92:4

Ngoba wena, Nkosi, ungithokozisile ngomsebenzi wakho; ngomsebenzi wezandla zakho ngiyahlabela ngokujabula.

U-Eksodasi 18:1

UJetro umpristi waseMidiyani, uyisezala kaMose, wezwa konke uNkulunkulu amenzele khona uMose labakoIsrayeli abantu bakhe, ukuthi iNkosi yayibakhuphile eGibithe.

UHezekhiyeli 45:25

Ngenyanga yesikhombisa, ngosuku lwetshumi lanhlanu lwenyanga, lasensukwini eziyisikhombisa zomkhosi uzanika okufananayo ngomnikelo wesono lomnikelo wokutshiswa lomnikelo wempuphu lamafutha.

Imisebenzi 16:34

Wasebesa endlini yakhe, wabeka ukudla phambi kwabo, wathokoza kanye lendlu yakhe yonke ngokukholwa kuNkulunkulu.

Imisebenzi 2:46

Insuku ngensuku bakhuthalela nganhliziyonye ukuhlangana ethempelini, behlephula isinkwa emakhaya abo, badla ukudla kwabo ngentokozo langenhliziyo emhlophe,

UDutheronomi 12:12

Lizakuthaba phambi kweNkosi uNkulunkulu wenu lina lamadodana enu lamadodakazi enu, lezinceku zenu lezincekukazi zenu, lamaLevi aphakathi kwemizi yenu ngoba engelasabelo selizwe phakathi kwenu.

UDutheronomi 12:18

kodwa lizakudlela lokho phambi kweNkosi uNkulunkulu wenu endaweni ezakuyikhetha, lina lamadodana enu lamadodakazi enu, inceku zenu lencekukazi zenu, lomLevi ophakathi kwemizi yenu, lithabe phambi kweNkosi uNkulunkulu wenu ngakho konke elikwenzayo.

UDutheronomi 12:7

lidle khona phambi kweNkosi uNkulunkulu wenu, lithokoze lina labendlu zenu ngakho konke elikwenzayo, iNkosi uNkulunkulu wenu elibusise ngakho.

UDutheronomi 16:11

Endaweni iNkosi ezakuyikhetha ukuba lidunyiselwe kiyo lizakuthokoza phambi kwayo lina lamadodana enu lamadodakazi enu, lenceku zenu lencekukazi zenu, lomLevi ohlala emizini yenu, lowezizweni, lentandane, lomfelwakazi, abahlala kini.

UDutheronomi 16:14

lithabe emkhosini lina lamadodana enu lamadodakazi enu, lenceku zenu lencekukazi zenu, lomLevi, lowezizweni, lentandane, lomfelwakazi, abahlala emizini yenu.

AbaseFiliphi 4:4

Thokozani eNkosini njalonjalo; ngiyaphinda ngithi: Thokozani.