2 ImiLando 6:5 - iBhayibhili Elingcwele 1978

⁵ Kusukela ekubakhupheni kwami abantu bami eGibithe kangikhethanga muzi ezizweni zonke zakoIsrayeli ukwakhela khona indlu yami, ukuba ibizo lami lidunyiselwe khona, kangikhethanga muntu ukuba ngumbusi wabantu bami bakoIsrayeli;

IBhayibhili Elingcwele LesiNdebele

⁵ ‘Kusukela ngelanga engakhupha ngalo abantu bami eGibhithe, akuladolobho engalikhethayo laloba kusiphi isizwana sako-Israyeli, ukuba iBizo lami lakhelwe ithempeli khona, njalo angikhethanga loba ngubani ukuba abe ngumkhokheli wabantu bami bako-Israyeli.

2 ImiLando 6:5 ပူးပေါင်းရင်းမြစ်များ

1 AmaKhosi 8:16

Kusukela ekubakhupheni kwami abakoIsrayeli eGibithe kangikhethanga muzi ezizweni zonke zakoIsrayeli ukwakhela khona indlu yami, ukuba ibizo lami lidunyiselwe khona, kodwa ngakhetha uDavida ukuphatha abantu bami uIsrayeli.

2 AmaKhosi 21:4

Wakha ama‐altare ethempelini, indlu iNkosi eyakhuluma ngayo yathi: EJerusalema ibizo lami lizadunyiselwa khona.

1 ImiLando 17:5

Ngoba kangizanga ngihlale endlini kusukela osukwini engakhupha ngalo uIsrayeli kuze kube lamhla, kodwa ngahlala ethenteni ngihamba kundawo ngendawo.

2 ImiLando 12:13

Inkosi uRehobowamu yaqinisa amandla ayo eJerusalema, yaqhubeka ibusa. Yayisileminyaka engamatshumi amane lanye lapho iqalisa ukubusa, yabusa iminyaka elitshumi lesikhombisa eJerusalema, umuzi iNkosi uNkulunkulu eyayiwukhethile phakathi kwazo zonke izizwe zakoIsrayeli ukuba ibizo layo lidunyiselwe khona. Ibizo likanina lalinguNahama umAmoni.

2 ImiLando 20:8

Bahlala kilo, bakwakhela wena indawo engcwele ibe ngeyebizo lakho, bathi:

2 ImiLando 20:9

Uba sisehlelwa yibubi, impi loba ukutshaywa loba umkhuhlane loba indlala, sizakuma phambi kwalindlu laphambi kwakho, ngoba ibizo lakho lidunyiselwa kulindlu, sikhale kuwe osizini lwethu, wena uzakusizwa usikhulule.

2 ImiLando 30:8

Lingabi lenkani njengaboyihlo, kodwa zinikeleni eNkosini, lize endlini yayo engcwele esizahlukanisele yona kuze kube nininini, likhonze iNkosi uNkulunkulu wenu, ukuba ulaka lwayo ludede kini.

2 ImiLando 33:4

Wakha ama‐altare ethempelini, indlu iNkosi eyakhuluma ngayo yathi: EJerusalema ibizo lami lizadunyiselwa khona kokuphela.

2 ImiLando 33:7

Isithombe ayesenzile wasimisa endlini kaNkulunkulu, indlu uNkulunkulu akhuluma ngayo kuDavida lakuSolomoni indodana yakhe wathi: Kulindlu, laseJerusalema engilikhethe kuzo zonke izizwe zakoIsrayeli, ibizo lami lizadunyiselwa khona kuze kube nininini;

2 ImiLando 6:20

Ebusuku lemini amehlo akho kawakhangele lindlu, indawo owatsho ngayo ukuthi ibizo lakho lizakudunyiswa lapho, ukuze uwuzwe umkhuleko wenceku yakho ikhangele kulindawo.

2 ImiLando 6:4

Yathi: Kayibongwe iNkosi, uNkulunkulu kaIsrayeli, egcwalise ngesandla sayo lokho eyakuthembisa kuDavida ubaba isithi:

2 ImiLando 6:6

kodwa ngakhetha iJerusalema ukuba ibizo lami lidunyiselwe khona, ngakhetha uDavida ukuphatha abantu bami uIsrayeli.

2 ImiLando 7:16

Sengiyikhethile ngayihlambulula lindlu ukuze ibizo lami lidunyiselwe khona kuze kube nininini, amehlo ami lenhliziyo yami kuzakuba kuyo isikhathi sonke.

U-Ezra 7:16

kanye laso sonke isiliva legolide ongakuzuza elizweni lonke laseBabiloni leminikelo yesihle yabantu labapristi abayinikelela indlu kaNkulunkulu wabo eseJerusalema.

U-Eksodasi 20:24

Lingenzele ialtare lomhlabathi, linikele kulo iminikelo yenu yokutshiswa leminikelo yenu yokuthula, izimvu lenkabi zenu. Kuzo zonke indawo lapho ngilenza ibizo lami ukuba likhunjulwe khona ngizakuza kini ngilibusise.

U-Eksodasi 23:21

Siqaphele, ulalele ilizwi laso; ungasivukeli, ngoba kasiyikukuthethelela isiphambeko sakho; ngoba ibizo lami likuso.

UDanyeli 9:19

Nkosi, zwana! Nkosi, thethelela! Nkosi, lalela wenze! Ungalibali, ngenxa yebizo lakho, Nkulunkulu wami, ngoba umuzi wakho labantu bakho babizwa ngebizo lakho.

UZakhariya 3:2

Isithunywa seNkosi sathi kuSathane: INkosi kayikukhuze, wena Sathane. INkosi elikhethileyo iJerusalema kayikukhuze. Lumuntu kanjengesikhuni esikhutshwe emlilweni na?

UDutheronomi 12:11

kung’khona lizakuya endaweni iNkosi uNkulunkulu wenu ezakuyikhetha ukuba idunyiselwe kiyo, liletha konke engililaya khona, iminikelo yenu yokutshiswa lemihlatshelo yenu, lokwetshumi kwempahla yenu, lomnikelo wokuphana kwenu, leminikelo yonke yokugcwalisa izithembiso zenu elizithembisa eNkosini.

UDutheronomi 12:5

kodwa lizadinga iNkosi uNkulunkulu wenu endaweni ezakuyikhetha phakathi kwazo zonke izizwe zakini, ukuba idunyiswe khona ealtareni layo. Lizakuya khona,

1 USamuyeli 10:24

USamuweli wasesithi kubo bonke abantu: Liyambona lowo iNkosi emkhethileyo na? Kakho loyedwa onjengaye kubo bonke abantu. Bonke abantu bamemeza bathi: Bayethe!

1 USamuyeli 15:23

Ngoba ukuhlamuka kufana lesono sokuvumisa, lenkani ifana lobubi lokukhonza izithombe. Ngoba ulilahlile ilizwi leNkosi, layo ikulahlile wena ukuba ungabe usaba yinkosi.