2 ImiLando 6:41 - iBhayibhili Elingcwele 1978

⁴¹ Sukake, Nkosi Nkulunkulu, uze endaweni yakho yokuphumula, wena lomtshokotsho wamandla akho. Abapristi bakho, Nkosi Nkulunkulu, kabambathe ukukhululwa, labathembekileyo bakho bathokoze ngokulunga kwakho.

IBhayibhili Elingcwele LesiNdebele

⁴¹ Ngakho phakama, Oh Thixo Nkulunkulu, uze endaweni yakho yokuphumula, wena lebhokisi lesivumelwano samandla akho. Sengathi abaphristi bakho, Oh Thixo Nkulunkulu, bangembathiswa ngensindiso, sengathi labathembekileyo bakho bangathokoza ngokulunga kwakho.

2 ImiLando 6:41 ပူးပေါင်းရင်းမြစ်များ

1 ImiLando 28:2

Inkosi uDavida yasisukuma isithi: Lalelani, zihlobo zami labantu bami; bengizimisele ukwakhela umtshokotsho wesivumelwano seNkosi indlu yokuhlala leyisigcabha senyawo zikaNkulunkulu wethu, ngenza amalungiselelo okwakha.

UNehemiya 9:25

Bathumba imizi ebiyelweyo lelizwe elinothileyo, lezindlu ezigcwele zonke izinto ezinhle, imithombo egejiweyo lezivini lezihlahla zamaoliva lezihlahla ezilezithelo ezinengi. Badla basutha, bazimuka, bazithokozisa ngezinto ezinhle owabapha zona.

AmaHubo 110:2

Intonga yobukhosi bakho iNkosi izakuyelula iseZiyone. Ithi: Busa wena phakathi kwezitha zakho.

AmaHubo 132:16

Abapristi balo ngizakubembesa ngokukhulula, labangcwele balo bazakuthaba kakhulu.

AmaHubo 65:11

Uyaphelelisa umnyaka ngokuphana kwakho; izindlela zakho zigcwele okunengi.

AmaHubo 65:4

Ubusisiwe omkhethayo wena, omsondezayo ukuba ahlale emagumeni akho. Sizakusutha ngokuhle kwendlu yakho, ithempeli lakho elingcwele.

U-Isaya 61:10

Ngizathokoza kakhulu ngeNkosi, umphefumulo wami uzajabula ngoNkulunkulu wami; ngoba ingambathise ingubo yokukhululwa, inyangembesa ngengubo yokulunga, njengomyeni ezicecise ngezigqoko zomthimba, lanjengomlobokazi ezicecisa ngamatshe amahle.

U-Isaya 61:3

nginike labo abalilayo eZiyone imiqhele endaweni yomlotha, lamafutha enjabulo endaweni yengubo yokulila, indumiso endaweni yomoya odanileyo; ukuze babizwe ngokuthi yizihlahla zobuqotho, ezihlanyelwe yiNkosi, ukuba izuze udumo.

U-Isaya 61:6

Kodwa lina lizakuthiwa lingabapristi beNkosi, libizwe ngokuthi yizikhonzi zikaNkulunkulu wethu; lizakudla imfuyo yezizwe, lithokoze ngenotho yazo.

U-Isaya 66:1

INkosi ithi: Izulu liyisihlalo sami sobukhosi, lomhlaba uyisigcabha senyawo zami; ngenjani leyondlu ebelizakungakhela yona, ngenjani lendawo yami yokuphumula na?

UZakhariya 9:17

Yeka ubuhle balo lokubukeka kwalo! Amabele azakhulisa izinsizwa, lewayini elitsha likhulise izintombi.

AbaseRoma 1:16

Ngoba kangilanhloni ngevangeli; lingamandla asilisayo kaNkulunkulu kulowo okholwayo, kumJuda kuqala lakumGriki.

AbaseRoma 13:14

Kodwa yambathani iNkosi uJesu Kristu; lingananzeleli ngokusuthisa inkanuko zomzimba.

AbaseGalathiya 3:27

Lonke elabhaphathizelwa kuKristu lambethe uKristu.

AbaseFiliphi 3:3

Ngoba singabokusoka thina esikhonza uNkulunkulu ngoMoya, siziqhenya kuKristu Jesu, singathembeli kokomzimba.

AbaseFiliphi 4:4

Thokozani eNkosini njalonjalo; ngiyaphinda ngithi: Thokozani.

UJoshuwa 3:13

Kuzakuthi lapho inyawo zabapristi abathwele umtshokotsho weNkosi, iNkosi yomhlaba wonke, zinyathela amanzi eJordani, amanzi eJordani azakhawula ukugeleza, kuthi amanzi avela ngaphezu komfula abuthane abe yinqwaba.

Isambulo 19:14

Lezimpi zasezulwini zamlandela zigade amabhiza amhlophe, zambethe amalembu amahle ahlambulukileyo amhlophe.

Isambulo 19:8

wavunyelwa ukwambatha ilembu elihle elihlambulukileyo elikhazimulayo. — Ngoba ilembu elihle liyizenzo zokulunga zabangcwele.