2 ImiLando 6:26 - iBhayibhili Elingcwele 1978

²⁶ Lapho iphezulu livaliwe, kungelazulu ngoba bonile kuwe, uba bekhuleka bekhangele kulindawo belivuma ibizo lakho, baphenduke esonweni sabo nxa ubatshaya,

IBhayibhili Elingcwele LesiNdebele

²⁶ Akuthi nxa emazulwini kuvalekile lingasani izulu ngoba abantu bakho bonile kuwe, njalo bathi nxa bekhuleka bekhangele kulindawo befakaza ibizo lakho betshiya izono zabo ngoba ubajezisile,

2 ImiLando 6:26 ပူးပေါင်းရင်းမြစ်များ

2 ImiLando 6:25

akuzwe wena usezulwini, uthethelele isono sabantu bakho uIsrayeli, ubabuyise futhi elizweni owalinika bona labokhokho babo.

2 ImiLando 7:13

Uba ngivala iphezulu ukuze kungabi lazulu, loba ngithumela intethe ukuchitha ilizwe, ingabe ngithumele umkhuhlane phakathi kwabantu bami,

Izaga 28:13

Ofihla iziphambeko zakhe kayikuphumelela, kodwa lowo ozivumayo azitshiye, uzahawukelwa.

U-Isaya 5:6

Ngizasenza sibe liganga, singathenwa, singahlakulwa, simile ameva lokhula. Ngizalaya amayezi ukuba angasinethisi ngezulu.

UHezekhiyeli 14:13

Ndoda, lapho ilizwe lisona kimi ngokwenza okubi, mina ngizaphakamisela isandla sami kulo, nginciphise ukudla kwalo kwensuku zonke, ngilehlisele indlala, ngiqede kulo abantu lezinyamazana.

UHosiya 5:15

Ngizabuyela futhi endaweni yami, baze bavume icala labo, bangidinge; osizini lwabo bangidingisise.

ULevi 26:19

ngiqede amandla enu aziphakamisileyo, ngenze amazulu enu abe njengensimbi ukuze izulu lingani, lomhlabathi wenu ube njengethusi;

ULukha 4:25

Kodwa ngeqiniso ngithi kini: Kwakukhona koIsrayeli abafelwakazi abanengi ensukwini zikaElija, lapho izulu lalivalekile iminyaka emithathu lenyanga eziyisithupha, kwaba khona indlala enkulu elizweni lonke;

UDutheronomi 11:17

leNkosi ilithukuthelele, ivale izulu ukuba lingani, lelizwe lingabe lisathela isithelo, libhubhe masinyane lina elizweni elihle iNkosi elinika lona.

UDutheronomi 28:23

Isibhakabhaka ngaphezu kwenu sizakuba lithusi, lomhlabathi ngaphansi kwenu ube yinsimbi.

Isambulo 11:6

Balamandla laba okuvala izulu ukuba lingani ngezinsuku zokutshumayela kwabo; futhi balamandla phezu kwamanzi okuba bawaphendule abe ligazi lawokwehlisela umhlaba izifo zonke ngokuthanda kwabo.