2 ImiLando 6:20 - iBhayibhili Elingcwele 1978

²⁰ Ebusuku lemini amehlo akho kawakhangele lindlu, indawo owatsho ngayo ukuthi ibizo lakho lizakudunyiswa lapho, ukuze uwuzwe umkhuleko wenceku yakho ikhangele kulindawo.

IBhayibhili Elingcwele LesiNdebele

²⁰ Ebusuku lemini amehlo akho kakhangele lindlu, yona eyindawo owathi iBizo lakho lizakuba kuyo. Akuzwe umkhuleko wenceku yakho ngalindawo.

2 ImiLando 6:20 ပူးပေါင်းရင်းမြစ်များ

2 AmaKhosi 19:16

Akubeke indlebe yakho, Nkosi, uzwe, ukhangele, ubone; akuzwe amazwi kaSenakeribi awathumileyo ukuklolodela uNkulunkulu ophilayo.

2 ImiLando 16:9

Ngoba amehlo eNkosi uNkulunkulu athalaza emhlabeni wonke ukuba ibatshengise amandla ayo ngenxa yalabo abalenhliziyo ezipheleleyo kuyo. Wena wenzile ubuthutha kulokhu, ngakho kusukela lamhlanje uzakuba lezimpi ezinengi.

2 ImiLando 20:9

Uba sisehlelwa yibubi, impi loba ukutshaywa loba umkhuhlane loba indlala, sizakuma phambi kwalindlu laphambi kwakho, ngoba ibizo lakho lidunyiselwa kulindlu, sikhale kuwe osizini lwethu, wena uzakusizwa usikhulule.

2 ImiLando 6:19

Kodwake akuzwe umkhuleko wenceku yakho lokucela kwayo, Nkosi Nkulunkulu wami, ulalele ukukhala lokukhuleka kwenceku yakho ekwenzayo phambi kwakho.

2 ImiLando 6:40

Ngakhoke, Nkulunkulu wami, amehlo akho kawavulekele umkhuleko walindawo lendlebe zakho ziwulalele.

2 ImiLando 6:5

Kusukela ekubakhupheni kwami abantu bami eGibithe kangikhethanga muzi ezizweni zonke zakoIsrayeli ukwakhela khona indlu yami, ukuba ibizo lami lidunyiselwe khona, kangikhethanga muntu ukuba ngumbusi wabantu bami bakoIsrayeli;

2 ImiLando 6:6

kodwa ngakhetha iJerusalema ukuba ibizo lami lidunyiselwe khona, ngakhetha uDavida ukuphatha abantu bami uIsrayeli.

2 ImiLando 7:15

Amehlo ami azavuleka, lendlebe zami zizalalela umkhuleko owenziwa kulindawo.

UNehemiya 1:6

akubeke indlebe yakho, uvule lamehlo akho, ukuzwa umkhuleko wenceku yakho engiwukhuleka kuwe emini lebusuku ngabantu bakoIsrayeli, izinceku zakho, ngivuma izono zabo esizenzileyo kuwe. Yebo, mina lendlu kababa sonile.

AmaHubo 121:5

INkosi ingumlondolozi wakho; iNkosi ingumvikeli wakho ngakwesokunene sakho.

AmaHubo 33:18

Khangela, ilihlo leNkosi liphezu kwabayesabayo, kwalabo abathemba othandweni lwayo olungapheliyo,

AmaHubo 34:15

Amehlo eNkosi akubo abalungileyo, lezindlebe zayo zilalela ukukhala kwabo.

UDanyeli 6:10

Lapho uDaniyeli asesazi ukuthi inkosi isigwalile encwadini, wangena endlini yakhe; amawindi endlu yakhe ephezulu ayekhangele iJerusalema. Waguqa kathathu ngosuku ekhuleka edumisa uNkulunkulu wakhe njengokwenza kwakhe insuku zonke.

UDutheronomi 12:11

kung’khona lizakuya endaweni iNkosi uNkulunkulu wenu ezakuyikhetha ukuba idunyiselwe kiyo, liletha konke engililaya khona, iminikelo yenu yokutshiswa lemihlatshelo yenu, lokwetshumi kwempahla yenu, lomnikelo wokuphana kwenu, leminikelo yonke yokugcwalisa izithembiso zenu elizithembisa eNkosini.

UDutheronomi 26:2

uthathe ingxenye yezithelo zonke zokuqala zomhlaba ozakuzivuna elizweni lakho iNkosi uNkulunkulu wakho ekunika lona, uyifake esitsheni, uye endaweni iNkosi uNkulunkulu wakho ezakuyikhetha ukuba idunyiselwe kiyo.

AbaseKholose 2:9

Ngoba kuhlala kuye ngomzimba ukuphelela konke kobuNkulunkulu;