2 ImiLando 6:16 - iBhayibhili Elingcwele 1978

¹⁶ Ngakhoke, Nkosi, Nkulunkulu kaIsrayeli, gcina isithembiso owasenza lenceku yakho uDavida ubaba usithi: Kawuyikuswela muntu ozabusa abakoIsrayeli uba amadodana akho enanzelela ukuhamba kwawo phambi kwami, ehamba ngomlayo wami njengawe.

IBhayibhili Elingcwele LesiNdebele

¹⁶ Ngakho Thixo, Nkulunkulu ka-Israyeli, gcinela inceku yakho uDavida ubaba isithembiso owasenza kuye usithi, ‘Kawuyikuswela umuntu ozakuma phambi kwami esihlalweni sobukhosi buka-Israyeli, nxa amadodana akho ezahamba ngokomthetho wami phambi kwami, njengalokhu okwenzileyo wena.’

2 ImiLando 6:16 ပူးပေါင်းရင်းမြစ်များ

1 AmaKhosi 2:4

ukuze iNkosi iqinise ilizwi layo eyalikhuluma mayelana lami isithi: Uba amadodana akho eqaphelisa indlela zawo, ehamba ngobuqotho phambi kwami ngenhliziyo yonke langomoya wonke, kawuyikuswela muntu wokubusa uIsrayeli.

1 AmaKhosi 6:12

Mayelana lendlu oyakhayo, uba uhamba ngezimiso zami, ulalela imithetho yami, ugcina yonke imilayo yami uhamba ngayo, ngizaligcwalisa ilizwi lami kuwe engalikhuluma kuyihlo uDavida;

2 ImiLando 13:5

Kalikwazi yini ukuba iNkosi uNkulunkulu kaIsrayeli yawunika kokuphela umbuso wakoIsrayeli kuDavida lamadodana akhe ngesivumelwano esingelakuphela?

2 ImiLando 21:7

Kodwa iNkosi kayiyichithanga indlu kaDavida ngenxa yesivumelwano eyayisenze loDavida, lokhu yayithembise ukumnika inhlansi yena lamadodana akhe kuze kube nini lanini.

2 ImiLando 23:3

Ibandla lonke lenza isivumelwano lenkosi uJowashi endlini kaNkulunkulu. UJehoyada wathi kubo: Nanguke umntwana wenkosi; kabuse njengokutsho kweNkosi uNkulunkulu mayelana labantwana bakaDavida.

2 ImiLando 6:17

Ngakhoke, Nkosi, Nkulunkulu kaIsrayeli, kaligcwaliseke ilizwi lakho owalikhuluma kuDavida, inceku yakho.

2 ImiLando 7:17

Wenake, uba uhamba phambi kwami njengoyihlo uDavida, usenza konke engikulaye khona, ugcine izimiso zami lemithetho yami,

2 ImiLando 7:18

ngizaqinisa umbuso wakho, njengesivumelwano engasenza loyihlo uDavida ngisithi: Kawuyikuswela muntu ozabusa uIsrayeli.

AmaHubo 119:1

Babusisiwe abandlela zabo ziqotho, abahamba ngomlayo weNkosi.

AmaHubo 119:9

Insizwa ingayigcina kanjani indlela yayo ihlambulukile na? Ngokuqaphela okwelizwi lakho.

AmaHubo 132:11

INkosi yafunga kuDavida ngeqiniso, kayiyikusaphula isifungo sayo; yathi: Enye yamadodana akho ngizakuyibeka esihlalweni sakho sobukhosi.

AmaHubo 132:12

Uba abantwana bakho begcina isivumelwano sami lemilayo yami engizakubafundisa yona, labantwana babo bazakuhlala esihlalweni sakho sobukhosi kuze kube nininini.

AmaHubo 26:3

Ngoba uthando lwakho olungapheliyo luphambi kwamehlo ami, ngihamba ngokuthembeka kuwe.

UHezekhiyeli 36:37

INkosi uNkulunkulu ithi: Lalokhu abakoIsrayeli bazangicela ukuba ngibenzele khona, ukuba ngandise abantu babo ngangomhlambi,