2 ImiLando 5:4 - iBhayibhili Elingcwele 1978

⁴ Beza bonke abadala bakoIsrayeli, amaLevi awuthwala umtshokotsho wesivumelwano,

IBhayibhili Elingcwele LesiNdebele

⁴ Kwathi bonke abadala bako-Israyeli sebefikile, abaLevi bathatha ibhokisi lesivumelwano sikaThixo,

2 ImiLando 5:4 ပူးပေါင်းရင်းမြစ်များ

1 AmaKhosi 8:3

Beza bonke abadala bakoIsrayeli, abapristi bawuthwala umtshokotsho wesivumelwano,

1 ImiLando 15:2

Wasesithi: Kakungabi lamuntu ozathwala umtshokotsho kaNkulunkulu kuphela amaLevi, ngoba iNkosi uNkulunkulu yawakhethela ukuthwala umtshokotsho wayo lokuyikhonza kuze kube nininini.

2 ImiLando 5:5

awuletha kanye lethente lokuhlangana, lazo zonke izitsha ezingcwele ezazisethenteni ethempelini.

2 ImiLando 5:7

Abapristi basebewungenisa umtshokotsho wesivumelwano seNkosi endaweni yawo, endlwaneni engaphakathi eyindawo engcwele kakhulu, bawubeka ngaphansi kwempiko zamakherubi.

AmaNani 4:15

Lapho uAroni lamadodana akhe sebeqedile ukusibekela impahla engcwele lazo zonke izitsha zakhona, ekususweni kwezihonqo, amadodana kaKohathi azakuza ukukuthwala, kodwa kawayikuthinta izinto ezingcwele ukuba angafi. Yizo lezo izinto zethente lokuhlangana amadodana kaKohathi azakuzithwala.

UJoshuwa 3:6

UJoshuwa wathi kubapristi: Thathani umtshokotsho wesivumelwano, lihambe ngaphambi kwabantu. Basebewuthatha umtshokotsho wesivumelwano, bahamba ngaphambi kwabantu.

UJoshuwa 6:6

Ngakho uJoshuwa indodana kaNuni wabiza abapristi wathi kibo: Thwalani umtshokotsho wesivumelwano, kuthi abapristi abayisikhombisa bahambe phambi komtshokotsho weNkosi bephethe impondo zenqama eziyisikhombisa.