2 ImiLando 5:12 - iBhayibhili Elingcwele 1978

¹² abahlabeleli bonke bamaLevi oAsafi loHemani loJeduthuni, lamadoda abo lezihlobo zabo, begqoke amalembu amahle, bephethe izigubhu lamachacho lemihubhe, bema ngasempumalanga kwealtare kanye labapristi abalikhulu lamatshumi amabili bekhalisa izimpondo.

IBhayibhili Elingcwele LesiNdebele

¹² Bonke abaLevi ababengabahlabeleli, u-Asafi, uHemani, uJeduthuni lamadodana abo lezihlobo zabo bamela ngempumalanga kwe-alithari, begqoke ilineni elihle njalo betshaya izigubhu, amachacho lemiqangala. Babephelekezelwa ngabaphristi abalikhulu lamatshumi amabili (120) bekhalisa amacilongo.

2 ImiLando 5:12 ပူးပေါင်းရင်းမြစ်များ

1 ImiLando 13:8

UDavida labo bonke abakoIsrayeli babesina phambi kukaNkulunkulu ngamandla wonke, behlabela, betshaya imihubhe, lamachacho, lezingungu, lezigubhu, lezimpondo.

1 ImiLando 15:24

OShebaniya loJoshafati loNethaneli loAmasayi loZekariya loBenaya loEliyezeri abapristi babezakhalisa izimpondo phambi komtshokotsho kaNkulunkulu. UObedi‐Edoma loJehiya labo babengabagcini bamasango omtshokotsho wesivumelwano.

1 ImiLando 15:27

UDavida lawo wonke amaLevi ayewuthwele umtshokotsho wesivumelwano labahlabeleli loKenaniya umkhokheli wabahlabeleli babegqoke ingubo zelembu elihle; uDavida wayegqoke lengubo yamahlombe yelembu elihle.

1 ImiLando 23:30

Azakuba khona insuku zonke ekuseni abonge adumise iNkosi, enze njalo lantambama,

1 ImiLando 23:5

ayizinkulungwane ezine ukuba ngabagcini bamasango; ayizinkulungwane ezine ukudumisa iNkosi ngezinto zokuhlabelela ayezenzele ukudumisa.

1 ImiLando 6:33

Nampa abantu abakhonzayo lamadodana abo; kumadodana amaKohathi kwakunguHemani umhlabeleli indodana kaJoweli kaSamuweli

1 ImiLando 6:39

UAsafi umfowabo kaHemani wema ngakwesokunene sakhe, uAsafi indodana kaBerekiya kaShimeya

2 ImiLando 29:25

Wasebeka amaLevi ethempelini leNkosi elezigubhu lamachacho lemihubhe, njengokulaywa kukaDavida lokukaGadi umboni weNkosi lokukaNathani umprofethi; ngoba lumlayo wavela eNkosini ngabaprofethi bayo.

2 ImiLando 29:26

AmaLevi ema ephethe izinto zokuhlabelela zikaDavida labapristi bephethe impondo zokukhaliswa.

2 ImiLando 7:6

Abapristi bema endaweni zabo; lamaLevi lawo ephethe izinto zokuhlabelela inkosi uDavida ayezenzele ukudumisa ngazo iNkosi uNkulunkulu lapho edumisa ngenkonzo yabo — ngoba uthando lwayo olungapheliyo lumi kuze kube nininini; maqondana lalabo abapristi bakhalisa impondo zabo, labakoIsrayeli bonke babemi.

AmaHubo 149:3

Kabadumise ibizo layo ngokusina, bayitshayele isigubhu lechacho.

AmaHubo 50:1

USomandla, uNkulunkulu, iNkosi, uyakhuluma, ubiza umhlaba kusukela ekuphumeni kwelanga kuze kube sekutshoneni kwalo.

AmaHubo 62:1

Umphefumulo wami uyamlindela uNkulunkulu ngokuthula; ukukhululwa kwami kuvela kuye.

AmaHubo 68:25

Ngaphambili kuhamba abahlabelayo, ngemuva kulandela abatshayi bamachacho, phakathi kwabo kuhamba izintombi zitshaya izigubhu.

AmaHubo 88:1

Nkosi Nkulunkulu wami, ngiyacela emini ukusizwa; ngiyakhala kuwe ebusuku.

AmaHubo 92:3

ngokutshaya ichacho elilentambo ezilitshumi, langechacho elikhala kamnandi.

Isambulo 15:6

kwaphuma ethempelini izithunywa eziyisikhombisa zilezifo eziyisikhombisa, zambethe okumhlophe kakhulu, lezifuba zazo zibotshwe ngamaqhele egolide.

Isambulo 19:8

wavunyelwa ukwambatha ilembu elihle elihlambulukileyo elikhazimulayo. — Ngoba ilembu elihle liyizenzo zokulunga zabangcwele.