2 ImiLando 4:19 - iBhayibhili Elingcwele 1978

¹⁹ USolomoni wazenzake zonke izinto ezazisendlini kaNkulunkulu, ialtare legolide, amatafula ezinkwa ezahlukaniselwe uNkulunkulu,

IBhayibhili Elingcwele LesiNdebele

¹⁹ USolomoni wenza zonke izinto ezazisethempelini likaNkulunkulu: i-alithari legolide; amatafula esinkwa esiNgcwele;

2 ImiLando 4:19 ပူးပေါင်းရင်းမြစ်များ

2 AmaKhosi 24:13

yathumba layo yonke inotho yethempeli lenotho yesigodlo senkosi, yabulala zonke izitsha zegolide ezisethempelini leNkosi, uSolomoni inkosi yakoIsrayeli owayezenzile, njengokutsho kweNkosi uNkulunkulu.

1 ImiLando 28:16

langobunzima begolide balelo lalelotafula yezinkwa ezahlukaniselwe uNkulunkulu lobesiliva samatafula esiliva.

2 ImiLando 2:3

USolomoni wathumela ilizwi kuHuramu inkosi yaseTire esithi: Njengokwenza kwakho kuDavida ubaba umthumela amaphane okuzakhela indlu yokuhlala, yenza njalo lakimi.

2 ImiLando 36:10

Ekuqaleni komnyaka inkosi uNebukadineza yathumela abantu ukuba alethwe eBabiloni, lezitsha eziligugu zethempeli; yabeka umfowabo uZedekiya ukuba abe yinkosi yakoJuda laseJerusalema.

2 ImiLando 36:18

Lazo zonke izitsha zendlu kaNkulunkulu ezinkulu lezincinyane, lenotho yayo, lenotho yenkosi leyezikhulu zayo, konke lokhu yakusa eBabiloni.

2 ImiLando 4:8

Wenza lamatafula alitshumi, wawabeka ethempelini, amahlanu aba ngaseningizimu, amahlanu aba ngasenyakatho. Wenza lemiganu yokuchela elitshumi.

UJeremiya 28:3

Ingakapheli iminyaka emibili ngizabuyisela kulindawo izitsha zonke zethempeli, ezathathwa nguNebukadineza inkosi yaseBabiloni kulindawo, wazisa eBabiloni.

UDanyeli 5:23

kodwa umelene leNkosi yaphezulu; kwalethwa lezitsha zendlu yayo phambi kwakho; wena lezikhulu zakho labomkakho labanye abafazi bakho lanathela kuzo iwayini. Wadumisa onkulunkulu besiliva labegolide labethusi labensimbi labezigodo labamatshe, abangaboniyo labangezwayo labangaziyo; kodwa uNkulunkulu ophethe ngesandla sakhe umphefumulo wakho lezindlela zakho zonke ezingezakhe kawumdumisanga.

UMatewu 12:4

ukuthi wangena endlini kaNkulunkulu, wadla izinkwa ezahlukaniselwe uNkulunkulu ezingavunyelwe ukudliwa nguye lababelaye kodwa ngabapristi bodwa na?

Isambulo 8:3

Kwasekufika esinye isithunywa, sema ngasealtare siphethe umganu wegolide wokutshisela impepha; sanikwa impepha enengi ukuba siyinikele kanye lemikhuleko yabo bonke abangcwele phezu kwealtare legolide eliphambi kwesihlalo sobukhosi.

Isambulo 9:13

Isithunywa sesithupha salukhalisa uphondo; ngezwa ilizwi livela ezimpondweni ezine zealtare legolide eliphambi kukaNkulunkulu,