2 ImiLando 34:3 - iBhayibhili Elingcwele 1978

³ Ngomnyaka wesificaminwembili wokubusa kwakhe esesengumfana waqala ukumdinga uNkulunkulu kaDavida ukhokho wakhe; ngomnyaka wetshumi lambili waqala ukuhlambulula uJuda leJerusalema, wavala indawo eziphakemeyo zokukhonzela, wadiliza insika zikankulunkulukazi uAshera, wasusa izithombe ezibaziweyo lezibunjiweyo.

IBhayibhili Elingcwele LesiNdebele

³ Ngomnyaka wesificaminwembili wokubusa kwakhe, elokhu esesengumntwana, waqalisa ukumdinga uNkulunkulu kakhokho wakhe uDavida. Ngomnyaka wetshumi lambili waqalisa ukuhlambulula elakoJuda laseJerusalema, wavala izindawo zokukhonzela, izinsika zika-Ashera, izithombe ezibaziweyo lezikhandiweyo.

2 ImiLando 34:3 ပူးပေါင်းရင်းမြစ်များ

1 AmaKhosi 13:2

Walimemeza ialtare ngelizwi leNkosi wathi: Wena altare, altare, iNkosi ithi: Kuzazalwa indodana endlini kaDavida ezakuthiwa nguJosiya; izanikela imihlatshelo phezu kwakho ngabapristi bezindawo eziphakemeyo zokukhonzela abatshisa impepha phezu kwakho, lamathambo abantu azatshiselwa phezu kwakho.

2 AmaKhosi 10:27

Badiliza insika kaBali, badiliza lendlu yakhe, bayenza yaba yindlu yokuyela phandle kuze kube lamhla.

2 AmaKhosi 18:4

Wavala indawo eziphakemeyo zokukhonzela, wadiliza insika zokukhonzela, wagamulela phansi insika zikankulunkulukazi uAshera, wachoboza inyoka yethusi uMose ayeyenzile, ngoba kuze kube yilezonsuku abantu bakoIsrayeli babelokhu betshisela impepha kuyo, bayibiza ngokuthi nguNehushitani.

2 AmaKhosi 20:5

Buyela umtshele uHezekiya umbusi wabantu bami ukuthi iNkosi, uNkulunkulu kaDavida ukhokho wakho, ithi: Ngiwuzwile umkhuleko wakho, ngabona lenyembezi zakho; ngizakukusilisa; ngosuku lwesithathu uzakuya ethempelini.

2 AmaKhosi 23:14

Wadiliza insika zokukhonzela, wagamula insika zikankulunkulukazi uAshera, wafaka amathambo abantu amanengi endaweni zazo.

2 AmaKhosi 23:4

Inkosi yalaya uHilikiya umpristi omkhulu lompristi omlandelayo labalindi beminyango ukuba bakhuphe ethempelini zonke izitsha ezazenzelwe uBali lonkulunkulukazi uAshera, lazo zonke inkanyezi zaphezulu, wazitshisela ngaphandle kweJerusalema eziqintini zaseKidroni, wathwalela eBetheli umlotha wazo.

1 ImiLando 22:5

UDavida wathi: USolomoni indodana yami usengumfana, kakabi lakwazi, indlu ezakwakhelwa iNkosi uNkulunkulu kumele ibe nkulu, ibatshazwe ibe lodumo emazweni wonke. Ngakhoke mina ngizakwenza amalungiselelo ngayo. Ngakho uDavida wasedingake impahla ezinengi zokwakha engakafi.

1 ImiLando 28:9

Wenake, Solomoni mntanami, ubomazi uNkulunkulu kaIsrayeli, umkhonze ngenhliziyo yonke langengqondo evumayo; ngoba iNkosi iyazihlola zonke inhliziyo, iyawazi amacebo wonke lemicabango yonke. Uba wena uyidinga, izakuziveza kuwe; kodwa uba uyitshiya, izakukulahla kokuphela.

1 ImiLando 29:1

Inkosi uDavida yathi ebandleni lonke: Umntanami uSolomoni onguye yena yedwa okhethwe nguNkulunkulu usengumfana, kalalwazi, lomsebenzi mkhulu; ngoba lesisigodlo kasiso somuntu, kodwa ngeseNkosi uNkulunkulu.

2 ImiLando 14:6

Wakha imizi ebiyelweyo koJuda, ngoba ilizwe lalilokuthula. Wayengalwi izimpi ngaleyominyaka, ngoba iNkosi yamnika ukuthula.

2 ImiLando 15:2

waphuma ukuhlangabezana loAsa, wathi kuye: Lalela, Asa, lani lonke abakoJuda labakoBenjamini; iNkosi uNkulunkulu ilani nxa lani liselayo. Uba liyidinga, izalivumela ukuba liyifumane; kodwa uba liyilahla, layo izalilahla.

2 ImiLando 30:14

Baqalisa ukusebenza, badiliza ama‐altare ayeseJerusalema, lawo wonke ama‐altare okutshisela impepha bawasusa, bawaphosela esihotsheni seKidroni.

2 ImiLando 33:15

Wasusa onkulunkulu bezizweni lesithombe ethempelini, lama‐altare ayewakhile entabeni yethempeli lawaseJerusalema, wakuphosela ngaphandle komuzi.

2 ImiLando 33:17

Kodwake abantu babelokhu benikela endaweni eziphakemeyo zokukhonzela, kodwa kuphela eNkosini uNkulunkulu wabo.

2 ImiLando 33:22

Wenza okubi phambi kweNkosi njengokwenza kukayise uManase; wahlabela zonke izithombe uyise uManase ayezenzile, wazikhonza.

2 ImiLando 34:33

UJosiya wasesusa wonke amanyala ayekhona elizweni lakoIsrayeli, wabenza bonke ababehlala koIsrayeli bayikhonze iNkosi uNkulunkulu wabo. Ngensuku zakhe zonke kabaphambukanga ekuyilandeleni iNkosi, uNkulunkulu wabokhokho babo.

AmaHubo 119:9

Insizwa ingayigcina kanjani indlela yayo ihlambulukile na? Ngokuqaphela okwelizwi lakho.

AmaHubo 71:5

Ngoba wena, Nkosi, ulithemba lami, Nkosi, kusukela ebutsheni bami ngikuthembile.

U-Eksodasi 34:13

Lizadiliza ama‐altare abo, libulale insika zabo zokukhonzela, ligamule insika zabo ezimiselwe unkulunkulukazi uAshera;

Izaga 20:11

Lomntwana uyaziwa ngezenzo zakhe, loba zilungile ziqotho.

Izaga 8:17

Ngiyathanda labo abangithandayo, lalabo abangidingisisayo bayangifumana.

UmTshumayeli 12:1

Futhi khumbula uMenzi wakho ensukwini zobutsha bakho zingakafiki insuku ezimbi, ingakasondeli iminyaka, lapho uzakuthi: Kangithokozi ngayo.

ULevi 26:30

Ngizakuvala indawo zenu eziphakemeyo zokukhonzela, ngidilize ama‐altare enu empepha, ngiphosele izidumbu zenu phezu kwezidumbu zezithombe zenu, nginengwe yini.

UMikha 1:5

Konke lokhu kungenxa yezono zikaJakobe, langenxa yezono zikaIsrayeli. Siyini isono sikaJakobe na? Kasisilo iSamariya na? Siyini isono sikaJuda na? Kasisilo iJerusalema na?

UMatewu 6:33

Kodwa funani kuqala umbuso wakhe lokulunga kwakhe; ng’khona lezizinto zonke zizakwengezelelwa kini.

2 uTimothi 3:15

lokuthi kusukela ebuntwaneni wayazi imibhalo engcwele elamandla okukufundisela ukusiliswa ngokukholwa kuKristu Jesu.