2 ImiLando 33:3 - iBhayibhili Elingcwele 1978

³ Wabuya wakha indawo eziphakemeyo zokukhonzela uyise uHezekiya ayezivalile, wakhela oBali ama‐altare, wamisa insika zikankulunkulukazi uAshera, wadumisa zonke inkanyezi zaphezulu, wazikhonza.

IBhayibhili Elingcwele LesiNdebele

³ Wavuselela izindawo zokukhonzela ezazibhidlizwe nguyise uHezekhiya; waphinda wakhela oBhali ama-alithare kanye lezinsika zika-Ashera. Wakhothamela zonke izinkanyezi zezulu wazikhonza.

2 ImiLando 33:3 ပူးပေါင်းရင်းမြစ်များ

1 AmaKhosi 14:23

Ngoba labo bazakhela indawo eziphakemeyo zokukhonzela, lensika zokukhonzela, lezinsika zikankulunkulukazi uAshera phezu kwawo wonke amaqaqa aphakemeyo, langaphansi kwazo zonke izihlahla eziluhlaza.

2 AmaKhosi 18:4

Wavala indawo eziphakemeyo zokukhonzela, wadiliza insika zokukhonzela, wagamulela phansi insika zikankulunkulukazi uAshera, wachoboza inyoka yethusi uMose ayeyenzile, ngoba kuze kube yilezonsuku abantu bakoIsrayeli babelokhu betshisela impepha kuyo, bayibiza ngokuthi nguNehushitani.

2 AmaKhosi 21:3

Wabuya wakha indawo eziphakemeyo zokukhonzela uyise uHezekiya ayeziqedile, wakhela uBali ama‐altare, wenza insika zikankulunkulukazi uAshera, njengokwenza kukaAhabi inkosi yakoIsrayeli, wadumisa zonke inkanyezi zaphezulu, wazikhonza.

2 AmaKhosi 23:11

Entubeni yethempeli wasusa amabhiza amakhosi akoJuda ayewahlukanisele ilanga, wona ayeseduze lendlu kaNathani‐Meleki umthenwa eyayingaphandle, wazitshisa ngomlilo inqola zelanga.

2 AmaKhosi 23:4

Inkosi yalaya uHilikiya umpristi omkhulu lompristi omlandelayo labalindi beminyango ukuba bakhuphe ethempelini zonke izitsha ezazenzelwe uBali lonkulunkulukazi uAshera, lazo zonke inkanyezi zaphezulu, wazitshisela ngaphandle kweJerusalema eziqintini zaseKidroni, wathwalela eBetheli umlotha wazo.

2 ImiLando 28:24

Waseqoqa izitsha zendlu kaNkulunkulu, wazibulala, wavala iminyango yendlu; wazenzela ama‐altare kulo lonke iJerusalema.

2 ImiLando 30:14

Baqalisa ukusebenza, badiliza ama‐altare ayeseJerusalema, lawo wonke ama‐altare okutshisela impepha bawasusa, bawaphosela esihotsheni seKidroni.

2 ImiLando 31:1

Kwathi konke lokho sekuphelile, bonke abakoIsrayeli ababekhona baya emizini yakoJuda, badiliza izinsika zokukhonzela, bagamulela phansi insika zikankulunkulukazi uAshera, bavala indawo eziphakemeyo zokukhonzela, badiliza ama‐altare elizweni lonke lakoJuda lakoBenjamini lakoEfrayimi lakoManase, baze bakuqeda konke. Basebebuyelake bonke abantu bakoIsrayeli emizini yabo lasezindaweni zabo.

2 ImiLando 32:12

Kasuye yini lo uHezekiya owavala indawo zayo eziphakemeyo zokukhonzela, wadiliza ama‐altare ayo, watshela abakoJuda labaseJerusalema ukuba bafanele bakhuleke phambi kwealtare libe linye, batshisele kulo imihlatshelo na?

2 ImiLando 33:15

Wasusa onkulunkulu bezizweni lesithombe ethempelini, lama‐altare ayewakhile entabeni yethempeli lawaseJerusalema, wakuphosela ngaphandle komuzi.

2 ImiLando 33:19

Umkhuleko wakhe, lokuthi uNkulunkulu wakwamukela kanjani ukuncenga kwakhe, lesono sakhe sonke, lokungathembeki kwakhe, lezindawo amisa kuzo indawo eziphakemeyo zokukhonzela, lensika zikankulunkulukazi uAshera, lezithombe, engakazithobi, konke kulotshiwe ogwalweni lwezindaba zababoni.

2 ImiLando 34:25

Ngoba bangidelile, batshisela abanye onkulunkulu impepha, ukuze bangithukuthelise ngezithombe zabo abazenzayo; ngakho ulaka lwami luzakwehlela phezu kwalindawo, lungadedi.

U-Eksodasi 34:13

Lizadiliza ama‐altare abo, libulale insika zabo zokukhonzela, ligamule insika zabo ezimiselwe unkulunkulukazi uAshera;

UmTshumayeli 2:19

Ngubani owaziyo ukuba uzakuba ngumuntu ohlakaniphileyo kumbe oyisithutha na? Kanti uzakubusa konke lokho engakusebenzelayo ngisebenzisa ukuhlakanipha kwami ngaphansi kwelanga. Lalokho lakho kulize.

UmTshumayeli 9:18

Ukuhlakanipha kungcono kulezikhali zokulwa, kodwa isiphosiso esisodwa silamandla okuchitha ubuhle obunengi.

UJeremiya 17:2

abantwana babo besakhumbula ama‐altare abo, lensika zabo ezimiselwe unkulunkulukazi uAshera eziphansi kwazo zonke izihlahla eziluhlaza, lasemaqaqeni aphakemeyo,

UJeremiya 19:13

Izindlu zaseJerusalema lezamakhosi akoJuda, zonke izindlu okwatshiselwa phezu kwazo impepha kuzo zonke inkanyezi, okwachithelwa kuzo leminikelo yokuthululwa kwabanye onkulunkulu, zizangcoliswa njengendawo yaseTofethi.

UJeremiya 7:30

Abantu bakoJuda benzile okubi phambi kwami; babekile izinengiso zabo endlini lapho ibizo lami lidunyiselwa khona, ukuba bayingcolise, kutsho iNkosi.

UJeremiya 8:2

azachaywa elangeni lasenyangeni, lakuzo zonke inkanyezi, abakuthandileyo bakukhonza, abakulandeleyo bakudinga, bakudumisa; kawayikubuthwa angcwatshwe futhi, azakuba njengomquba emhlabathini.

UZefaniya 1:5

ngiqede labakhuleka kulo ilanga lenyanga lezinkanyezi phezu kwezindlu, labakhuleka kimi bangifunge, bafunge futhi loMilkomu,

Imisebenzi 7:42

Kodwa uNkulunkulu wabafulathela, wabanikela ukuba bakhonze izinkanyezi, njengokulotshiweyo encwadini yabaprofethi ukuthi: Laletha kimi imihlatshelo leminikelo iminyaka engamatshumi amane enkangala lina ndlu kaIsrayeli na?

UDutheronomi 16:21

Lingagxumeki isigodo sibe yinsika kankulunkulukazi uAshera ngaseceleni kwealtare leNkosi uNkulunkulu wenu elizakulenza;

UDutheronomi 17:3

osuke ayekhonza abanye onkulunkulu, akhothamele loba ilanga lenyanga, ingabe enye yezinkanyezi esezulwini, enze lokho iNkosi elinqabele khona,

UDutheronomi 4:19

Futhi lapho liphakamisela amehlo enu phezulu, libone ilanga lenyanga lezinkanyezi, konke okusezulwini, xwayani, funa liyengwe, likudumise likukhonze. INkosi uNkulunkulu wenu lokhu ikunike bonke abantu abangaphansi komthunzi welanga ukuba bakukhonze.