2 ImiLando 32:8 - iBhayibhili Elingcwele 1978

⁸ Yena ulamandla omuntu, kodwa thina sileNkosi uNkulunkulu wethu ukusisiza lokusilwela. Abantu bazuza isibindi ngamazwi kaHezekiya inkosi yakoJuda.

IBhayibhili Elingcwele LesiNdebele

⁸ Yena ulengalo yenyama kuphela, kodwa thina siloThixo uNkulunkulu wethu ukusisiza lokusilwela izimpi zethu.” Abantu baba lesibindi ngenxa yalokho okwatshiwo yinkosi yakoJuda uHezekhiya.

2 ImiLando 32:8 ပူးပေါင်းရင်းမြစ်များ

2 AmaKhosi 18:5

Wayithemba iNkosi, uNkulunkulu kaIsrayeli. Kakubanga khona leyodwa inkosi efana loHezekiya emakhosini wonke akoJuda ayengaphambi kwakhe lamlandelayo.

2 AmaKhosi 6:16

UElisha wathi: Ungesabi, ngoba labo abangakithi banengi ukwedlula labo abangakibo.

1 ImiLando 5:22

Abanengi babulawa, ngoba impi yayingekaNkulunkulu. Wona ahlala ezindaweni zabo kwaze kwafika isikhathi sokuthunjwa.

2 ImiLando 13:12

UNkulunkulu ulathi, ungumholi wethu, labapristi bakhe bakhona ukukhalisa impondo ukusibizela ekulweni lani. Madoda akoIsrayeli, musani ukulwa leNkosi, uNkulunkulu wabokhokho benu, ngoba lingeke liphumelele.

2 ImiLando 14:10

UAsa waphuma ukumhlangabeza, bahlangana ukulwa esihotsheni saseZefatha eMaresha.

2 ImiLando 14:11

UAsa wakhuleka eNkosini uNkulunkulu wakhe wathi: Nkosi, kakho onjengawe ukuvikela ababuthakathaka kwabalamandla; akusisize, Nkosi Nkulunkulu wethu, ngoba thina sithembele kuwe; ngebizo lakho siphumile ukulwa lalimpi engaka; Nkosi, wena unguNkulunkulu wethu; umuntu angephikisane lawe.

2 ImiLando 16:7

Ngalesosikhathi uHanani umboni wafika kuAsa inkosi yakoJuda, wathi kuye: Ngoba uthembele enkosini yaseSiriya, ungathembelanga eNkosini uNkulunkulu wakho, impi yenkosi yakoIsrayeli ikuphunyukile.

2 ImiLando 20:15

Wathi: Lalelani lina lonke abakoJuda labaseJerusalema, lawe nkosi Jehoshafati; iNkosi ithi: Lingesabi litshaywe luvalo ngenxa yalimpi enkulu, ngoba ukulwa kakusikho okwenu, kungokukaNkulunkulu.

2 ImiLando 20:17

Kakusini lodwa elizakulwa kulimpi; manini liqine, lizakubona ukunqoba iNkosi ezakulenzela khona, lina abakoJuda labaseJerusalema. Lingesabi litshaywe luvalo; kusasa phumani liyekulwa labo, iNkosi izakuba lani.

2 ImiLando 20:20

Basebevuka ekuseni, baya enkangala yaseTekowa; ekuphumeni kwabo uJehoshafati wema wathi kibo: Ngilalelani lina abakoJuda labaseJerusalema. Thembani iNkosi uNkulunkulu wenu, lizakuqina; likholwe abaprofethi bayo, lizaphumelela.

2 ImiLando 32:15

Ngalokhoke lingamvumeli uHezekiya ukuba alikhohlise aliduhise ngalindlela, lingamkholwa, ngoba kakukho unkulunkulu owasiphi isizwe lowawuphi umbuso obe lamandla okukhulula abantu bakhe esandleni sami lesabokhokho bami. Phoke, owenu uNkulunkulu angalikhulula kanjani esandleni sami na?

UJobe 40:9

Ulamandla njengoNkulunkulu na? Ungaduma ngelizwi elinjengelakhe na?

AmaHubo 118:8

Kuhle ukuphephela eNkosini kulokuthemba umuntu.

AmaHubo 20:7

Abanye bathemba inqola zokulwa, abanye bathemba amabhiza, kodwa thina sithemba ibizo leNkosi uNkulunkulu wethu.

AmaHubo 46:11

INkosi yamabandla ilathi, uNkulunkulu kaJakobe uyisiphephelo sethu.

AmaHubo 46:7

INkosi yamabandla ilathi, uNkulunkulu kaJakobe uyisiphephelo sethu.

U-Eksodasi 4:31

Abantu bakholwake; lapho sebezwile ukuthi iNkosi ibahambele abakoIsrayeli, lokuthi ibonile ukuhlupheka kwabo, bakhothamisa amakhanda, badumisa.

Izaga 12:25

Ukukhathazeka kwenhliziyo kuyamdanisa umuntu, kodwa ilizwi elihle liyamthokozisa.

U-Isaya 30:32

Kuzakuthi lapho iNkosi ibatshaya ngenduku yayo, kuzwakale ukukhala kwezigubhu lamachacho, lapho isilwa labo.

U-Isaya 31:3

AmaGibithe angabantu, kawasuye uNkulunkulu, lamabhiza awo ayinyama, kawasiwo umoya. Lapho iNkosi iphakamisa isandla sayo, uzakhubeka osizayo, laye osizwayo awele phansi, babhubhe bobabili.

U-Isaya 36:18

Qaphelani ukuba uHezekiya angalikhohlisi ngokuthi: INkosi uNkulunkulu izakusikhulula. Kambe onkulunkulu bezinye izizwe bawakhulula yini amazwe abo esandleni senkosi yaseAsiriya na?

U-Isaya 41:10

ungesabi, ngoba mina ngilawe, ungapheli amandla, ngoba mina nginguNkulunkulu wakho; ngizakukuqinisa, ngikusize, ngikusekele ngesandla sami sokunene esinqobayo.

U-Isaya 8:10

Yenzani icebo, kodwa lizakwahluleka; khulumani ilizwi, kodwa kaliyikuma, ngoba uNkulunkulu ulathi.

UJeremiya 17:5

INkosi ithi: Uqalekisiwe umuntu othemba abantu, othemba emandleni abantu, olenhliziyo edela iNkosi.

UJeremiya 42:11

Lingayesabi inkosi yaseBabiloni eliyesabayo, kutsho iNkosi; ngoba mina ngilani ukuba ngilisize ngilophule esandleni sayo.

UZakhariya 4:6

Sasesisithi kimi: Nanti ilizwi leNkosi kuZerubabeli lithi: Ukuphumelela kwakho kakusikho ngempi langamandla, kodwa ngomoya wami, kutsho iNkosi yamabandla.

Imisebenzi 18:10

ngoba mina ngilawe, kakho umuntu ozakukuhlasela, akulimaze, ngoba ngilabantu abanengi kulumuzi.

UDutheronomi 20:1

Lapho liphuma impi ukuyahlasela izitha zenu, beselibona amabhiza lezinqola, labantu abanengi kulani, lingabesabi; ngoba iNkosi uNkulunkulu wenu eyalikhupha eGibithe ilani.

UDutheronomi 20:3

Zwana, Israyeli! Selisondela empini lamhla ukuhlasela izitha zenu; inhliziyo yenu kayingapheli amandla; lingesabi, lingathuthumeli, lingatshaywa luvalo ngabo;

UDutheronomi 20:4

ngoba iNkosi uNkulunkulu wenu ihamba lani ukuba ililwele ezitheni zenu, ilikhulule.

2 uTimothi 4:17

Kodwa iNkosi yangimela, yangipha amandla okuba ngitshumayele ivangeli ngokupheleleyo, ukuze bonke abezizwe balizwe; ngakhutshwa emlonyeni wesilwane.

2 uTimothi 4:22

INkosi kayibe lomoya wakho. Umusa kawube lani lonke.

UJoshuwa 10:42

UJoshuwa wathumba wonke lamakhosi lamazwe awo ngasikhathi sinye, ngoba iNkosi uNkulunkulu kaIsrayeli yamlwela uIsrayeli.

1 UJohane 4:4

Bantwana, lina lingabakaNkulunkulu, futhi selibahlule bona, ngoba lowo okini mkhulu kulalowo osemhlabeni.

1 USamuyeli 17:45

UDavida wathi kumFilistiya: Wena uza kimi uphethe umhedla, lomkhonto, tomdikadika; kodwa mina ngiza kuwe ngebizo leNkosi yamabandla, uNkulunkulu wezimpi zakoIsrayeli omeyisileyo.