2 ImiLando 32:5 - iBhayibhili Elingcwele 1978

⁵ UHezekiya waqinisa wakha wonke umduli owawusudilikile, wakha imiphotshongo phezu kwawo, langaphandle kwawo wakha omunye umduli; waqinisa idundulu elithiwa yiMilo emzini kaDavida. Wenza lezikhali lezihlangu ezinengi.

IBhayibhili Elingcwele LesiNdebele

⁵ Ngakho wasebenza ngamandla evuselela umduli lokwakha imiphotshongo phezu kwawo. Wakha omunye umduli ngaphandle kwalowo waseqinisa imithangala eyayivele ingeyoMuzi kaDavida. Wenza lezikhali lezihlangu ezinengi kakhulu.

2 ImiLando 32:5 ပူးပေါင်းရင်းမြစ်များ

2 USamuyeli 5:9

UDavida wahlala enqabeni, wayibiza ngokuthi ngumuzi kaDavida. UDavida wakha umuzi inxa zonke, kusukela edundulwini elithiwa yiMilo kusiya phakathi.

1 AmaKhosi 11:27

Yilokhu okwenza ayivukele inkosi. Kwathi uSolomoni esakha idundulu elithiwa yiMilo, wavala isikhala somuzi kayise uDavida.

1 AmaKhosi 9:24

Ngemva kokusuka kwendodakazi kaFaro emzini kaDavida isiya endlini yayo uSolomoni ayeyakhele yona wakha idundulu elithiwa yiMilo.

2 AmaKhosi 12:20

Izinceku zakhe zamenzela icebo, zambulala endlini yaseMilo endleleni eya eSila.

2 AmaKhosi 25:4

Basebewufohlela umuzi. Inkosi lawo wonke amadoda empi babaleka ebusuku ngendlela yesango eliphakathi kwemiduli emibili eduze lesivande senkosi, lanxa amaKaladiya ayewuhanqile umuzi. Bahamba baqonda ngaseAraba.

2 ImiLando 12:1

Kwathi uRehobowamu eselamandla, lombuso wakhe usuqinile, wawudela umlayo weNkosi, labo bonke abakoIsrayeli benza njalo.

2 ImiLando 23:1

Ngomnyaka wesikhombisa uJehoyada waqunga isibindi, wenza isivumelwano lezinduna zamakhulu, oAzariya indodana kaJerohamu loIshmayeli indodana kaJehohanani loAzariya indodana kaObedi loMahaseya indodana kaAdaya loElishafati indodana kaZikiri.

2 ImiLando 25:23

UJowashi inkosi yakoIsrayeli wambamba uAmaziya inkosi yakoJuda, indodana kaJowashi, kaAhaziya, eBeti‐Shemeshi, wamletha eJerusalema, wadilizela phansi umduli weJerusalema ibanga elizingalo ezingamakhulu amane, kusukela eSangweni lakoEfrayimi kusiya eSangweni leNgonsi.

2 ImiLando 26:8

AmaAmoni athela kuUziya, udumo lwakhe lwanda lwaze lwafinyelela emngceleni waseGibithe, ngoba waba lamandla kakhulu.

2 ImiLando 33:14

Ngemva kwalokho wakha umduli ongaphandle komuzi kaDavida ngasentshonalanga kweGihoni esihotsheni, wawufikisa ngaseSangweni leNhlanzi, wawubhodisa iOfeli, wawenza waphakama kakhulu. Wabeka labaphathi bamabutho kuyo yonke imizi ebiyelweyo yakoJuda.

Izaga 25:28

Umuntu ongazithintiyo unjengomuzi odilikelwe ngumthangala wawo.

UJeremiya 39:4

Kwathi lapho uZedekiya inkosi lawo wonke amabutho bebabona, babaleka, baphuma emzini ebusuku ngendlela yensimu yenkosi, ngesango eliphakathi kwemiduli emibili, baqonda eAraba.

UJoweli 2:8

Kabasunduzani, yilowo lalowo uhamba ngendlela yakhe; bafohla phakathi kwezikhali, bengavinjelwa.

Abahluleli 9:6

Abantu bonke baseShekema labo bonke baseBeti‐Milo babuthana, basuka bayabeka uAbimeleki abe yinkosi ngasesihlahleni esikhulu eShekema.