2 ImiLando 32:4 - iBhayibhili Elingcwele 1978

⁴ Kwabuthaniswa abantu abanengi, bavala yonke imithombo lesifula esasigeleza phakathi kwelizwe, bathi: Amakhosi eAsiriya angawazuzi amanzi nxa efika lapha.

IBhayibhili Elingcwele LesiNdebele

⁴ Ixuku elikhulu lamadoda labuthana, lakanye bawavala amanzi awemthonjeni lawesifula esasidabula phakathi kwelizwe. Bathi, “Kungani amakhosi ase-Asiriya afanele afice amanzi amanengi na?”

2 ImiLando 32:4 ပူးပေါင်းရင်းမြစ်များ

1 AmaKhosi 19:21

Wasebuyela, wathatha inkabi zakhe ezimbili, wazihlaba, wabasa ngamajogwe umlilo wokupheka inyama yazo, wayinika abantu, bayidla. Wasesuka elandela uElija, waba yinceku yakhe.

1 AmaKhosi 3:9

Akunike inceku yakho ingqondo yokuqedisisa ukubusa abantu bakho, ukuze ngazi umahluko phakathi kokuhle lokubi; ngoba ngubani olamandla okubusa lababantu bakho abakhulu kangaka na?

2 AmaKhosi 18:13

Ngomnyaka wetshumi lane wokubusa kwenkosi uHezekiya, uSenakeribi inkosi yaseAsiriya wafika wahlasela yonke imizi yakoJuda ebiyelweyo, wayithatha.

2 AmaKhosi 18:9

Ngomnyaka wesine wokubusa kukaHezekiya owawungumnyaka wesikhombisa wokubusa kukaHosheya indodana kaEla, inkosi yakoIsrayeli, kwafika uShalimaneseri inkosi yaseAsiriya, wavimbezela iSamariya.

2 AmaKhosi 19:17

Isibili, Nkosi, amakhosi aseAsiriya azichithile izizwe lamazwe azo,

2 AmaKhosi 20:20

Ezinye indaba zikaHezekiya, lobuqhawe bakhe, lokwenza kwakhe ichibi lomfolo owaletha amanzi phakathi komuzi, kulotshiwe ogwalweni lwezindaba zamakhosi akoJuda.

2 ImiLando 30:14

Baqalisa ukusebenza, badiliza ama‐altare ayeseJerusalema, lawo wonke ama‐altare okutshisela impepha bawasusa, bawaphosela esihotsheni seKidroni.

2 ImiLando 32:1

Ngemva kwalezizenzo zobuqotho zikaHezekiya uSenakeribi inkosi yaseAsiriya wafika ukuhlasela uJuda, wamisa maqondana lemizi ebiyelweyo eqonde ukuzithumbela yona.

2 ImiLando 32:3

wacebisana lenduna zakhe lamaqhawe akhe ukuvala amanzi emithombo eyayingaphandle komuzi; bavumelana laye.

2 ImiLando 32:30

Nguye lo uHezekiya owavala umthombo wamanzi angaphezulu eGihoni, wawaqondisa ngasentshonalanga komuzi kaDavida. UHezekiya waphumelela kuyo yonke imisebenzi yakhe.

U-Isaya 10:8

ngoba lithi: Izinduna zami zonke kazisimakhosi na?

U-Isaya 22:11

Lenzela amanzi echibi elidala umgodi phakathi kwemiduli emibili. Kodwa kalikhangelanga kuNkulunkulu owakwenzayo, kalimnanzanga owakumisa kudala.

U-Isaya 22:9

Labona ukuba izikhala zazizinengi emidulini yomuzi kaDavida; lakha amanzi echibini langaphansi.

UNahume 3:14

Zikhelela amanzi ulungisele ukuvinjezelwa, uqinise inqaba zakho; ngena odakeni, uxove ibumba, ulungise ibhokisi lokubumba izitina.