2 ImiLando 32:31 - iBhayibhili Elingcwele 1978

³¹ Lasendabeni yezithunywa zezikhulu zaseBabiloni ezazithunywe kuye ukuzabuza ngesibonakaliso esasenziwe elizweni, uNkulunkulu wamyekela ukuba azenzele ngokuthanda kwakhe ukuba amhlole, abone konke okusenhliziyweni yakhe.

IBhayibhili Elingcwele LesiNdebele

³¹ Ekufikeni kwamanxusa ayethunywe ngababusi beBhabhiloni bezobuza ngomangaliso owawenzakele elizweni, uNkulunkulu wamtshiya ukuze amhlole ukuthi azi konke okwakusenhliziyweni yakhe.

2 ImiLando 32:31 ပူးပေါင်းရင်းမြစ်များ

UGenesisi 22:1

Kwathi emva kwalokhu uNkulunkulu wamlinga uAbrahama, wathi kuye: Abrahama! Wathi: Ngilapha.

2 ImiLando 32:24

Ngalezonsuku uHezekiya wagula, waphos’ukufa; wakhuleka eNkosini eyamphendulayo, yamnika isibonakaliso.

2 ImiLando 32:25

Kodwa uHezekiya katshengisanga ukubonga ngokuhle enzelwe khona, ngoba inhliziyo yakhe yayisiziphakamisile. Ngakho ulaka lweNkosi lwehlela phezu kwabakoJuda labaseJerusalema.

2 ImiLando 32:32

Ezinye indaba zikaHezekiya lezenzo zakhe zonke ezinhle zilotshiwe embonweni kaIsaya umprofethi indodana kaAmozi, logwalweni lwamakhosi akoJuda lawakoIsrayeli.

AmaHubo 27:9

Ungangifihleli ubuso bakho. Ungayixotshi inceku yakho ngokuthukuthela, wena obulusizo lwami, ungangixotshi, ungangitshiyi, Nkulunkulu wokukhululwa kwami.

Izaga 17:3

Igolide lesiliva kuhlolwa esithandweni somlilo, ngokunjalo kuyiNkosi ehlola inhliziyo zabantu.

UZakhariya 13:9

Ngizakuyifaka emlilweni lingxenye yesithathu, ngibancibilikise njengomuntu encibilikisa isiliva, ngibahlole njengokuhlolwa kwegolide. Bazabiza ibizo lami, ngibaphendule; ngithi: Bangabantu bami; labo bathi: INkosi inguNkulunkulu wethu.

UJohane 15:5

Mina ngilivini, lina lizingatsha; lowo ohlala kimi, lami ngihlale kuye, yena uyathela izithelo ezinengi; ngoba ngaphandle kwami lingenze lutho.

UDutheronomi 13:3

lingalaleli amazwi alowomprofethi loba lowomphuphi wamaphupho; ngoba iNkosi uNkulunkulu wenu iyalilinga ukuba yazi ukuthi liyayithanda yini iNkosi uNkulunkulu wenu ngenhliziyo yenu yonke langomphefumulo wenu wonke.

UDutheronomi 8:16

yalinika imana enkangala okhokho benu ababengayazi, ukuba ilithobise, ilihlole, ilenzele okuhle ekucineni.

UDutheronomi 8:2

Likhumbule yonke indlela iNkosi uNkulunkulu wenu elihole ngayo kuliminyaka engamatshumi amane enkangala, ukuba ilithobise, ilihlole, ibone imicabango yenhliziyo zenu ukuba ibone ukuthi lizakuyigcina imithetho yayo yini, loba ayi.

UJakhobe 1:13

Umuntu olingwayo kangatsho ukuthi: Ngiyalingwa nguNkulunkulu. Ngoba uNkulunkulu angelingwe ngokubi, laye uqobo kalingi muntu.

1 UPhethro 1:7

ukuze ubuqotho bokukholwa kwenu, okuligugu okwedlula igolide eligugayo loba lihlolwe ngomlilo, bulethe ukubonga lobukhosi lodumo ekwambulweni kukaJesu Kristu.

Abahluleli 16:20

Wathi: Samsoni, amaFilistiya aphezu kwakho! Wavuka ebuthongweni wathi: Ngizaphuma njengezikhathi zonke, ngizikhulule. Wayengazi ukuba iNkosi imtshiyile.