2 ImiLando 32:25 - iBhayibhili Elingcwele 1978

²⁵ Kodwa uHezekiya katshengisanga ukubonga ngokuhle enzelwe khona, ngoba inhliziyo yakhe yayisiziphakamisile. Ngakho ulaka lweNkosi lwehlela phezu kwabakoJuda labaseJerusalema.

IBhayibhili Elingcwele LesiNdebele

²⁵ Kodwa inhliziyo kaHezekhiya yagcwala ngokuzikhukhumeza ngakho kazange azihluphe ngesihawu ayesitshengisiwe; ngakho intukuthelo kaThixo yehlela phezu kwakhe lasebantwini bakoJuda labaseJerusalema.

2 ImiLando 32:25 ပူးပေါင်းရင်းမြစ်များ

2 USamuyeli 24:1

Lwabuya lwamvuthela uIsrayeli ulaka lweNkosi, wabavusela uDavida ngokuthi: Hamba uyebala uIsrayeli loJuda.

2 AmaKhosi 14:10

Ulehlule iEdoma sibili, usuzikhukhumeza, yaneliswa yibukhosi bakho, uzihlalele ekhaya; ngoba ufunelani ukuzivusela uhlupho ukuba uwe wena labakoJuda na?

2 AmaKhosi 20:12

Ngalesosikhathi uMerodaki‐Baladani indodana kaBaladani, inkosi yaseBabiloni, wathumela izithunywa zilezincwadi lesipho kuHezekiya, ngoba wayezwile ukuthi uHezekiya ubekade egula.

2 AmaKhosi 20:13

UHezekiya wazamukela, wazitshengisa yonke indlu yakhe yenotho, isiliva legolide lamakha lamafutha amahle lezikhali zakhe, lakho konke okwakukhona ezindlini zakhe zokugcina impahla; kakubanga khona lokukodwa endlini yakhe lakuwo wonke umbuso wakhe angazitshengisanga khona.

1 ImiLando 21:1

USathane wamelana loIsrayeli, wavusa uDavida ukuba abale abakoIsrayeli.

2 ImiLando 19:2

UJehu indodana kaHanani umboni waphuma ukumhlangabeza, wathi kuye: Kufanele yini ukuba usize ababi, ubathande labo abazonda iNkosi na? Ngenxa yalokhu ulaka lweNkosi luzakwehlela phezu kwakho.

2 ImiLando 24:18

Bayidela indlu yeNkosi, uNkulunkulu wabokhokho babo, bakhonza insika zikankulunkulukazi uAshera lezithombe. Ulaka lukaNkulunkulu lwehlela phezu kwabakoJuda labaseJerusalema ngenxa yalesisono sabo.

2 ImiLando 25:19

Wena uthi: Khangela, ngilehlule iEdoma; usuzikhukhumeza ngokuzincoma; kodwa hlala ekhaya, ngoba ufunelani ukuzivusela uhlupho ukuba uwe wena labakoJuda na?

2 ImiLando 26:16

Kodwa lapho eseqinile wazikhukhumeza, kwamlethela ukuchitheka. Ngoba wona eNkosini uNkulunkulu wakhe ngokungena ethempelini leNkosi ukuba atshise impepha phezu kwealtare lempepha.

2 ImiLando 32:31

Lasendabeni yezithunywa zezikhulu zaseBabiloni ezazithunywe kuye ukuzabuza ngesibonakaliso esasenziwe elizweni, uNkulunkulu wamyekela ukuba azenzele ngokuthanda kwakhe ukuba amhlole, abone konke okusenhliziyweni yakhe.

U-Isaya 39:1

Ngalesosikhathi uMerodakiBaladani, indodana kaBaladani inkosi yaseBabiloni, wathumela izithunywa zilezincwadi lesipho kuHezekiya, ngoba wayezwile ukuthi ubekade egula, usesilile.

U-Isaya 39:2

UHezekiya wazamukela, wazitshengisa yonke indlu yakhe yenotho, isiliva legolide, lamakha lamafutha amahle, lezikhali zakhe, lakho konke okwakukhona ezindlini zakhe zokugcina impahla; kakubanga khona lokukodwa endlini yakhe lakuwo wonke umbuso wakhe angazitshengisanga khona.

UHezekhiyeli 28:17

Inhliziyo yakho yaziphakamisa ngenxa yobuhle bakho; wona ukuhlakanipha kwakho ngenxa yodumo lwakho. Ngakuphosa phansi, ngakuchaya phambi kwamakhosi ukuba akukhangele ngamehlo awo.

UHezekhiyeli 28:2

Ndoda tshono kusikhulu saseTire, uthi iNkosi uNkulunkulu ithi: Ngoba inhliziyo yakho iziphakamisile, utshilo ukuthi: Mina ngingunkulunkulu, ngihlezi esihlalweni sabonkulunkulu enzikini zolwandle; kanti ungumuntu nje, kawusunkulunkulu, lanxa uzitshaya ohlakaniphileyo njengonkulunkulu.

UHezekhiyeli 28:5

Ngokuhlakanipha kwakho okukhulu ekuthengeni wandisile inotho yakho, lenhliziyo yakho isizigqaja ngenotho yakho.

UHezekhiyeli 31:10

Ngakho iNkosi uNkulunkulu ithi: Ngenxa yokuba waba mude, izihloko zawo zathinta amayezi, inhliziyo yawo yaziphakamisa ngobude bawo,

UDanyeli 11:12

Lapho impi isithunjiwe, inhliziyo yayo izaziphakamisa, ibulale amatshumi ezinkulungwane, kodwa kayiyikunqoba.

UDanyeli 5:20

Kodwa lapho inhliziyo yakhe isizikhukhumeza, lomoya wakhe ususiba lukhuni waze wazigqaja, wakhutshwa esihlalweni sakhe sobukhosi, kwasuswa lodumo lwakhe.

UDanyeli 5:23

kodwa umelene leNkosi yaphezulu; kwalethwa lezitsha zendlu yayo phambi kwakho; wena lezikhulu zakho labomkakho labanye abafazi bakho lanathela kuzo iwayini. Wadumisa onkulunkulu besiliva labegolide labethusi labensimbi labezigodo labamatshe, abangaboniyo labangezwayo labangaziyo; kodwa uNkulunkulu ophethe ngesandla sakhe umphefumulo wakho lezindlela zakho zonke ezingezakhe kawumdumisanga.

UHosiya 14:2

Lungisani amazwi enu, libuye eNkosini; lithi kiyo: Susa konke okubi kithi ukuba wamukele okuhle, sikudumise ngemilomo yethu.

UHabhakhukhi 2:4

Khangela, lowo ongelabuqotho uzakwehluleka, kodwa olungileyo uzakuphila ngokukholwa kwakhe.

2 AbaseKhorinte 12:7

Futhi ukuze ngingaziphakamisi kakhulu ngobukhulu bezambulo, nganikwa ameva enyameni, isithunywa sikaSathane, ukungidutshuza, ukuze ngingaziphakamisi kakhulu.

UDutheronomi 32:6

Liyibonga iNkosi kanjalo, lina bantu abayizithutha labangahlakaniphanga na? Kayisuye uyihlo owalidalayo, walenza, walimisa na?

UDutheronomi 8:17

Qaphelani, ukuba lingathi enhliziyweni yenu: Ngawami amandla langamandla esandla sami ngizizuzele limfuyo.

1 uTimothi 3:6

Kangabi ngosand’ukukholwa, funa ngokukhukhunyezwa awele ekulahlweni kukaSathane.