2 ImiLando 32:23 - iBhayibhili Elingcwele 1978

²³ Abanengi baletha iziphiwo eNkosini uNkulunkulu eJerusalema lezinto eziligugu kuHezekiya inkosi yakoJuda okwamenza wahlonitshwa yizo zonke izizwe kusukela kulesosikhathi.

IBhayibhili Elingcwele LesiNdebele

²³ Abanengi balethela uThixo iminikelo eJerusalema kanye lezipho eziligugu kuHezekhiya inkosi yakoJuda. Kusukela lapho waba lesithunzi wahlonitshwa yizizwe zonke.

2 ImiLando 32:23 ပူးပေါင်းရင်းမြစ်များ

1 AmaKhosi 10:10

Inkosikazi yaseSheba yasinika inkosi uSolomoni igolide elingamathalenta alikhulu lamatshumi amabili, lamakha amanengi kakhulu, lamatshe amahle. Kakuzanga kulethwe amakha amanengi njengala inkosikazi yaseSheba eyawanika inkosi uSolomoni.

1 AmaKhosi 10:25

Bonke bamlethela izipho, izinto zesiliva lezegolide, lezambatho, lemure, lamakha, lamabhiza lezimbongolo; kwaba njalo iminyaka ngeminyaka.

1 AmaKhosi 4:21

USolomoni wabusa yonke imibuso kusukela emfuleni iYufrathi kuze kufike elizweni lamaFilistiya lasemingceleni yaseGibithe, yathela kuye, yamsebenzela zonke insuku zokuphila kwakhe.

2 AmaKhosi 19:30

Abaseleyo koJuda bazagxumeka impande phansi, bathele izithelo ngaphezulu;

1 ImiLando 29:25

INkosi yamnika uSolomoni udumo olukhulu phambi kwabo bonke abakoIsrayeli, yamnika ubukhosi obungazanga bube khona kwenye inkosi ngaphambi kwakhe koIsrayeli.

2 ImiLando 1:1

USolomoni indodana kaDavida waqina embusweni wakhe, leNkosi uNkulunkulu wakhe yayilaye, yamenza waba mkhulu kakhulu.

2 ImiLando 17:11

Abathile kumaFilistiya bamlethela uJehoshafati izipho, bathela langesiliva; lamaArabiya lawo aletha kuye inqama ezizinkulungwane eziyisikhombisa lamakhulu ayisikhombisa, lezimpongo ezizinkulungwane eziyisikhombisa lamakhulu ayisikhombisa.

2 ImiLando 17:5

Ngakhoke iNkosi uNkulunkulu yawuqinisa umbuso esandleni sakhe, labo bonke abakoJuda bathela kuye; waba lenotho enengi lodumo.

2 ImiLando 9:24

Wonke amlethela izipho, izinto zesiliva lezegolide, lezambatho, lemure, lamakha, lamabhiza lezimbongolo; kwaba njalo iminyaka ngeminyaka.

U-Ezra 7:27

UEzra wasesithi: Kayibongwe iNkosi uNkulunkulu wabokhokho eyafaka into enjengale enhliziyweni yenkosi ukuba ithempeli eliseJerusalema libe lodumo,

AmaHubo 68:29

usethempelini lakho eliseJerusalema lapho amakhosi akulethela khona izipho.

AmaHubo 72:10

Amakhosi aseTarshishi lawasezihlengeni azaletha izipho, amakhosi aseSheba laseSeba alethe izipho.

AmaHubo 76:11

Yenzani izifungo zenu eNkosini uNkulunkulu wenu, libuye lizigcwalise. Bonke abamphahlileyo kabalethe izipho kuye owesabekayo,

UMatewu 2:11

Zasezingena endlini, zabona umntwana loMariya unina, zakhothamela phansi, zamkhonza, zasibukula izitsha zazo ezilempahla eligugu, zamkhunga ngeziphiwo, igolide lamakha lenhlaka.