2 ImiLando 31:5 - iBhayibhili Elingcwele 1978

⁵ Lowomlayo usumenyezelwe endaweni zonke, abantu bakoIsrayeli banikela kakhulu ngokwesivuno sokuqala, okwamabele lokwewayini, lokwamafutha, lokwenyosi, zonke izithelo zamasimu abo; baletha okwetshumi kwazo zonke izinto, kwaba kunengi.

IBhayibhili Elingcwele LesiNdebele

⁵ Masinyazana ngemva kwesiqondiso, abako-Israyeli banikela kakhulu ngokwesivuno sakuqala samabele, lokwewayini elitsha, lokwamafutha lokwenyosi lakho konke okwakutholakala emasimini. Baletha okunengi kakhulu, okwetshumi kukho konke.

2 ImiLando 31:5 ပူးပေါင်းရင်းမြစ်များ

UNehemiya 13:12

Bonke abakoJuda basebeletha okwetshumi kwamabele lokwewayini lokwamafutha eziphaleni.

Izaga 3:9

Dumisa iNkosi ngemfuyo yakho, langezithelo zakho zokuqala zonke;

UNehemiya 13:31

ngenza imithetho yokulethwa kwenkuni zeminikelo ngesikhathi esimisiweyo, leyezithelo zokuqala. Nkulunkulu wami, ungikhumbule ngokuhle.

UNehemiya 12:44

Ngalolosuku kwamiswa abantu bokuphatha izindlu zokulondoloza iziphiwo lezithelo zokuqala lokwetshumi, lokuqoqa izabelo zabapristi lezamaLevi ezimiswe ngumlayo ngamasimu emizi. Bonke abakoJuda babethokoza kakhulu ngokukhonza kwabapristi lamaLevi,

U-Eksodasi 35:5

Thathelani iNkosi umnikelo phakathi kwenu; lowo ovumayo kalethe umnikelo eNkosini, igolide lesiliva lethusi,

Isambulo 14:4

Labo yibo abangangcoliswanga yisifazana, ngoba bazigcina behlambululukile; yibo abalandela iWundlu loba lisiya ngaphi. Labo bahlengwa ebantwini, baba yizithelo zokuqala kuNkulunkulu lakulo iWundlu.

UJakhobe 1:18

Ngokuthanda kwakhe wasizala ngelizwi leqiniso, ukuba sibe ngamazibulo ezidalwa zakhe.

1 AbaseKhorinte 15:20

Kodwake uKristu wavuswa isibili kwabafileyo, waba yingqabutho yabafileyo.

AmaNani 18:12

Lonke ikhethelo lamafutha, lekhethelo lonke lewayini, lekhethelo lonke lamabele, lengqabutho yalokho abakunikela eNkosini, ngiyakunika khona.

U-Eksodasi 34:26

Ikhethelo lezithelo zakuqala zamasimu akho ulilethe endlini yeNkosi uNkulunkulu wakho. Ungapheki izinyane ngochago lukanina.

U-Eksodasi 34:22

Uzakugcina umkhosi wamaviki owokuvunwa kwamabele akho akuqala, lomkhosi wokuvuna kwasekupheleni komnyaka.

U-Eksodasi 23:19

Ikhethelo lezithelo zokuqala zamasimu akho uzakuliletha endlini yeNkosi uNkulunkulu wakho. Ungapheki izinyane ngochago lukanina.

U-Eksodasi 22:29

Lingaphuzi ukunikela isivuno senu lewayini lenu. Lizakunginika amazibulo emadodaneni enu,

AbaseRoma 8:23

Kakusikho okudaliweyo kuphela, kodwa lathi uqobo lwethu esinikwe ingqabutho zikaMoya, siyabubula ngaphakathi kwethu, silindele ukwamukelwa sibe ngabantwana bakaNkulunkulu lokukhululwa kwemizimba yethu.

ULevi 27:30

Okwetshumi konke kwelizwe, loba okwenhlanyelo yelizwe loba okwezithelo zezihlahla, kungokweNkosi; kungcwele eNkosini.

AmaNani 18:8

INkosi yathi kuAroni: Mina Nkosi ngikunike ukuba uphathe iminikelo enikelwe kimi, zonke izinto ezingcwele zabakoIsrayeli; ngizinikile wena lamadodana akho zibe yisabelo senu, ngesimiso esingelakuphela.

AmaNani 18:13

Ingqabutho yakho konke okuvuthwayo kuqala emasimini abo abayiletha eNkosini izakuba ngeyakho. Bonke abahlambulukileyo endlini yakho bangakudla.