2 ImiLando 31:2 - iBhayibhili Elingcwele 1978

² UHezekiya wasebeka abapristi lamaLevi ezikhundleni zabo, izigaba ngezigaba, wanika lowo lalowompristi lomLevi umsebenzi wakhe owokunikela umnikelo wokutshiswa lomnikelo wokuthula, lowokubongwa lokudumisa, lowokusebenza emasangweni ethempeli.

IBhayibhili Elingcwele LesiNdebele

² UHezekhiya wamisa abaphristi labaLevi ngezigaba ngamunye wabo kusiya ngemisebenzi yabo yobuphristi kumbe eyabaLevi eyokunikela ngeminikelo yokutshiswa leminikelo yobudlelwano, ukukhonza, ukubonga kanye lokuhlabelela indumiso emasangweni endaweni ehlala uThixo.

2 ImiLando 31:2 ပူးပေါင်းရင်းမြစ်များ

1 ImiLando 16:37

UDavida wasebatshiya oAsafi lezihlobo zakhe phambi komtshokotsho wesivumelwano seNkosi ukukhonza khona njalonjalo njengokudingekayo insuku ngensuku;

1 ImiLando 24:1

Nanzi izigaba zamadodana kaAroni. Amadodana kaAroni ayengoNadabi loAbihu loEleyazare loIthamari.

1 ImiLando 24:24

emadodaneni kaUziyeli kunguMika; emadodaneni kaMika kunguShamiri;

1 ImiLando 25:25

eyetshumi lesificaminwembili yadla uHanani, lamadodana akhe lezihlobo zakhe belitshumi lambili;

1 ImiLando 26:26

UShelomothi lezihlobo zakhe babephethe inotho yonke yezinto ezingcwele uDavida inkosi, lezinhloko zezindlu, lezinduna zezinkulungwane lezinduna zamakhulu, labaphathi bempi, ababezahlukanisele uNkulunkulu.

2 ImiLando 23:8

AmaLevi labo bonke abakoJuda benza konke njengokutsho kukaJehoyada umpristi. Leyo laleyonduna yaletha abantu bayo ababengayikulinda ngeSabatha kanye lalabo ababezakulinda ngeSabatha; ngoba uJehoyada umpristi wayengazikhululanga izigaba.

2 ImiLando 24:14

Kwathi sebeqedile bayiletha imali eseleyo enkosini lakuJehoyada, kwenziwa ngayo izitsha zethempeli, ezenkonzo lezeminikelo yokutshiswa, lemiganu yempepha, lezinye izitsha zegolide lezesiliva. Banikela njalonjalo iminikelo yokutshiswa ethempelini insuku zonke zikaJehoyada.

2 ImiLando 31:17

Abapristi babalwa ngezindlu zabo; amaLevi, kusukela kwabaleminyaka engamatshumi amabili kusiya phezulu, abalwa ngomsebenzi wabo ngezigaba zabo.

2 ImiLando 35:2

Wabeka abapristi emsebenzini wabo, wabakhuthaza enkonzweni yethempeli.

2 ImiLando 5:11

Kwathi lapho sebephuma abapristi endaweni engcwele — ngoba bonke abapristi ababekhona babezihlambulule bengalandelanga izigaba zabo —

2 ImiLando 8:14

Ngesimiso sikaDavida uyise wamisa izigaba zabapristi zenkonzo yabo, lezamaLevi zokuhlabelela izindumiso lokusiza abapristi njengokufunekayo ngalolo lalolosuku, lezabalindi bamasango kulelo lalelosango; ngoba wayetsho njalo uDavida umuntu kaNkulunkulu.

U-Ezra 6:18

Bamisa abapristi ngezigaba zabo, lamaLevi ngamaqembu awo, ukuphatha inkonzo kaNkulunkulu eJerusalema, njengokulotshiweyo ogwalweni lukaMose.

UNehemiya 11:17

loMathaniya indodana kaMika kaZabidi kaAsafi owayenguye owayeqalisa imikhuleko yokubonga; loBakibukiya owesibili phakathi kwabafowabo; loAbida indodana kaShamuwa kaGalali kaJeduthuni.

AmaHubo 134:1

Wozani, libonge iNkosi lina lonke zinceku zayo, elima endlini yeNkosi ebusuku.

UJeremiya 33:11

ilizwi lokuthaba lelizwi lokuthokoza, ilizwi lomyeni lelomlobokazi, lelizwi labahlabelayo lapho beletha iminikelo yabo yokubonga ethempelini lami besithi: Bongani iNkosi yamabandla, ngoba ilungile, ngoba uthando lwayo olungapheliyo lumi kuze kube nininini. Ngoba ngizabuyisa abantu belizwe babe njengakuqala, kutsho iNkosi.

ULukha 1:5

Ensukwini zikaHerodi inkosi yaseJudiya kwakukhona umpristi othiwa nguZekariya, owesigaba sikaAbija; wayelomkakhe owamadodakazi kaAroni, ibizo lakhe linguElizabethi.

ULukha 1:8

Kwathi lesenza inkonzo yobupristi phambi kukaNkulunkulu njengokumiswa kwesikhathi sesigaba sakibo,