2 ImiLando 30:6 - iBhayibhili Elingcwele 1978

⁶ Ngakho izigijimi zahamba kulo lonke elakoIsrayeli lelakoJuda ziphethe incwadi ezivela enkosini lezikhulu zayo ezitsho ilizwi lenkosi elithi: Bantu bakoIsrayeli, buyelani eNkosini, uNkulunkulu kaAbrahama loIsaka loIsrayeli, ukuze ibuyele kulabo benu abaphunyukileyo ezandleni zamakhosi eAsiriya.

IBhayibhili Elingcwele LesiNdebele

⁶ Ngokulaya kwenkosi, izithunywa zangena kulolonke elako-Israyeli lelakoJuda ziphethe izincwadi ezazivela enkosini lasezikhulwini zayo, ezazilotshwe ukuthi: “Bantu bako-Israyeli, buyelani kuThixo, uNkulunkulu ka-Abhrahama lo-Isaka lo-Israyeli, ukuze abuyele kulabo benu abaseleyo abaphunyuke ezandleni zamakhosi ase-Asiriya.

2 ImiLando 30:6 ပူးပေါင်းရင်းမြစ်များ

1 AmaKhosi 18:36

Kwathi ngesikhathi sokunikelwa komnikelo uElija wasondela wathi: Nkosi, Nkulunkulu kaAbrahama lokaIsaka lokaIsrayeli, kakwaziwe lamhla ukuthi nguwe onguNkulunkulu koIsrayeli; lokuthi mina ngiyinceku yakho, lokuthi ngizenzile zonke lezizinto ngokutsho kwakho.

2 AmaKhosi 15:19

Ensukwini zakhe uPuli inkosi yaseAsiriya walihlasela ilizwe; uMenahema wanika uPuli amathalenta esiliva ayinkulungwane ukuba amsize ukuqinisa umbuso wakhe.

2 AmaKhosi 15:29

Ensukwini zikaPeka inkosi yakoIsrayeli uTigilathi‐Pileseri inkosi yaseAsiriya wafika wathumba iIjoni, leAbeli‐Beti‐Mahaka, leJanowa, leKedeshi, leHazori, leGileyadi, leGalili, lonke ilizwe lakoNafitali; wathumba abantu, wabesa eAsiriya.

1 ImiLando 29:18

Nkosi, Nkulunkulu kaAbrahama loIsaka loIsrayeli, okhokho, gcina kokuphela enhliziyweni zabantu bakho ukuzinikela kwabo, uqondise inhliziyo zabo kuwe.

1 ImiLando 5:26

Ngakho uNkulunkulu kaIsrayeli wavusa umoya kaPuli inkosi yaseAsiriya, othiwa nguTiligathi‐Piliseri, wathumba abakoRubeni labakoGadi lengxenye yesizwe sakoManase, wabasa eHala leHabori leHara lasemfuleni iGozani; bakhona lapho kuze kube lamhla.

2 ImiLando 28:20

Ngakho uTiligathi‐Pileseri inkosi yaseAsiriya yamhlasela, yamhlupha endaweni yokumqinisa,

U-Esta 3:13

Incwadi zathunyelwa ngezigijimi kuwo wonke amazwe enkosi kulomthetho wokuba kubhujiswe kubulawe kuphele bonke abaJuda, abatsha labadala labesifazana labantwana ngasuku lunye, ngosuku lwetshumi lantathu lwenyanga yetshumi lambili ethiwa nguAdari, lokuba kuphangwe impahla yabo.

U-Esta 8:14

Izigijimi zigade amabhiza enkosi zakhutshwa masinyane ngomlayo wenkosi ngokuphangisa, lomthetho wamenyezelwa eSusa umuzi omkhulu.

UJobe 9:25

Insuku zami zilejubane kulesigijimi, ziyabaleka, kaziboni okuhle.

U-Isaya 1:9

Uba iNkosi yamabandla ibingasitshiyelanga ingcosana yabantu, besizakuba njengeSodoma, sifane leGomora.

U-Isaya 6:13

Lanxa kusele kulo ingxenye yetshumi yabantu, izatshiswa, njengesihlahla esikhulu, okusasele isidindi saso emhlabathini, lapho isihlahla sesiganyuliwe. — Esidindini kuzavela okutsha —

UJeremiya 29:1

Nanka amazwi encwadi ayithumelayo uJeremiya umprofethi eseJerusalema kwabadala babathunjiweyo, lakubapristi labaprofethi, labantu bonke ayebathumbile uNebukadineza eJerusalema, wabasa eBabiloni.

UJeremiya 3:14

Buyani, bantwana abangathembekanga, kutsho iNkosi; ngoba ngiyinkosi yenu. Ngizalithatha, abe munye emzini, babe babili kulo usendo, ngililethe eZiyone.

UJeremiya 4:1

Uba uphenduka, wena Israyeli, kutsho iNkosi, phendukela kimi. Uba ususa phambi kwami izinengiso zakho, ungasuki kimi,

UJeremiya 51:31

Isigijimi siyagijima sihlangane lesinye, umbiki wezindaba uhlangana lombiki wezindaba, ukutshela inkosi yaseBabiloni ukuthi umuzi wayo unqotshiwe inxa zonke,

Izililo 3:40

Asilinge sihlole indlela zethu, sibuyele eNkosini.

Izililo 5:21

Sibuyise kuwe, Nkosi, sizabuya. Yenza insuku zethu zibe zintsha njengasendulo.

UHezekhiyeli 33:11

Tshono kibo uthi: INkosi ithi: Ngiyazifunga mina, kangithokozi ngokufa komubi, kodwa ngokuba omubi atshiye indlela yakhe aphile; tshiyanike, tshiyani indlela zenu ezimbi, ngoba lizafelani, lina bakoIsrayeli na?

UHosiya 14:1

Buyela eNkosini, uNkulunkulu wakho, Israyeli. Ngoba ukhutshwe yibubi bakho.

UHosiya 6:1

Wozani sibuyele eNkosini, ngoba yona isilimazile, kanti izaselapha; isitshayile, kanti izakubopha amanxeba ethu.

UZakhariya 1:3

Ngakhoke tshono ebantwini uthi: INkosi yamabandla ithi: Buyelani kimi, lami ngizabuyela kini, kutsho iNkosi yamabandla.

UZakhariya 1:4

Lingabi njengokhokho benu abaprofethi bakuqala abamemeza kibo besithi: INkosi yamabandla ithi: Phendukani ezindleleni zenu ezimbi lasezenzweni zenu ezimbi. Kodwa kabezwanga, kabanginanzanga, kutsho iNkosi.

UJakhobe 4:8

Sondelani kuNkulunkulu, laye uzakusondela kini. Gezani izandla zenu lina zoni, lihlambulule inhliziyo zenu lina abanhliziyombili.