2 ImiLando 30:12 - iBhayibhili Elingcwele 1978

¹² Isandla seNkosi sasilabakoJuda ukubanika inhliziyonye ukwenza lokho inkosi lezikhulu ezazikutshilo ngelizwi leNkosi uNkulunkulu.

IBhayibhili Elingcwele LesiNdebele

¹² Njalo lakoJuda isandla sikaNkulunkulu sasisebantwini ukubapha ukubambana engqondweni ukuze benze lokho inkosi lezikhulu zayo eyayithe abakwenze, njengokutsho kwelizwi likaThixo.

2 ImiLando 30:12 ပူးပေါင်းရင်းမြစ်များ

2 ImiLando 29:15

Babuthanisa izihlobo zabo, bazihlambulula, bangena njengokutsho kwenkosi ngamazwi eNkosi uNkulunkulu, balihlambulula ithempeli.

2 ImiLando 29:25

Wasebeka amaLevi ethempelini leNkosi elezigubhu lamachacho lemihubhe, njengokulaywa kukaDavida lokukaGadi umboni weNkosi lokukaNathani umprofethi; ngoba lumlayo wavela eNkosini ngabaprofethi bayo.

2 ImiLando 29:36

UHezekiya labantu bonke bathokoza ngalokho uNkulunkulu abenzele khona, lokuthi kwenzakala masinyane.

2 ImiLando 8:15

Kaphambukanga kulokho inkosi uDavida eyayikutshilo mayelana labapristi lamaLevi lezindlu zenotho.

U-Ezra 7:27

UEzra wasesithi: Kayibongwe iNkosi uNkulunkulu wabokhokho eyafaka into enjengale enhliziyweni yenkosi ukuba ithempeli eliseJerusalema libe lodumo,

AmaHubo 110:3

Abantu bakho bazakuzinikela ngokujabula mhla uhola izimpi zakho; emadabukakusa insizwa zakho zizakuza kuwe entabeni ezingcwele, zilamandla amatsha njengamazolo asekuseni.

UJeremiya 24:7

ngibanike inhliziyo yokwazi ukuba mina ngiyiNkosi; bazakuba ngabantu bami, ngibe nguNkulunkulu wabo, ngoba bazabuyela kimi ngenhliziyo yabo yonke.

UJeremiya 32:39

Ngizabanika inhliziyonye lendlelanye, ukuba bangesabe zonke insuku, kube kuhle kubo lakubantwana babo emva kwabo.

UHezekhiyeli 36:26

Ngizalinika inhliziyo entsha, ngifake lomoya omutsha phakathi kwenu, ngikhuphe inhliziyo elukhuni kini, ngilinike inhliziyo ebuthakathaka.

Imisebenzi 4:19

Kodwa uPetro loJohane babaphendula bathi: Yahlukanisani lina ukuba kulungile yini phambi kukaNkulunkulu ukulalela lina kulokulalela uNkulunkulu,

2 AbaseKhorinte 3:5

kungesikho ukuthi silamandla thina ngokwethu okucabanga ukuthi ulutho luvela kithi, kodwa amandla ethu avela kuNkulunkulu;

UDutheronomi 4:2

Kaliyikwengezelela lutho elizwini engililaya ngalo, lingaphunguli lutho kulo, ukuba ligcine imilayo yeNkosi uNkulunkulu wenu engililaya yona.

AbaseFiliphi 2:13

ngoba uNkulunkulu usebenza kini elenza ukuba lithande lisebenzele intando yakhe.

1 AbaseThesalonika 4:2

Ngoba liyayazi imilayo esalinika yona ngayo iNkosi uJesu.

AmaHebheru 13:20

Kungathi uNkulunkulu wokuthula owamkhuphula kwabafileyo uJesu, iNkosi yethu, umalusi omkhulu wezimvu ngegazi lakhe lesivumelwano esimiyo njalo,

AmaHebheru 13:21

angaliphelelisa kukho konke okuhle, ukuze lenze intando yakhe, esebenza kini lokho okumthokozisayo ngoJesu Kristu; kakube kuye ubukhosi kuze kube nininini. Ameni.