2 ImiLando 30:1 - iBhayibhili Elingcwele 1978

¹ UHezekiya wabiza bonke abakoIsrayeli labakoJuda, wabhalela abakoEfrayimi labakoManase izincwadi, ukuba beze ethempelini eJerusalema ukugcina iPhasika leNkosi uNkulunkulu kaIsrayeli.

IBhayibhili Elingcwele LesiNdebele

¹ UHezekhiya wanxusa bonke abako-Israyeli labakoJuda, wanxusa labako-Efrayimi labakoManase ngezincwadi eJerusalema, ukuthi bazokudla iPhasika ethempelini likaThixo, uNkulunkulu ka-Israyeli.

2 ImiLando 30:1 ပူးပေါင်းရင်းမြစ်များ

2 AmaKhosi 23:22

Lalingagcinwanga iPhasika elinjalo kusukela ensukwini zabehluleli abaphatha uIsrayeli, lakuzo zonke insuku zamakhosi akoIsrayeli lezamakhosi akoJuda.

2 ImiLando 11:13

Abapristi lamaLevi ababekibo bonke abakoIsrayeli beza kuRehobowamu bevela kuzo zonke indawo ababehlala kuzo.

2 ImiLando 11:16

Labo ababezimisele ukuyidinga iNkosi, uNkulunkulu kaIsrayeli, bawalandela eJerusalema amaLevi bevela kuzo zonke izizwe zakoIsrayeli ukuyahlabela iNkosi, uNkulunkulu wabokhokho babo.

2 ImiLando 25:7

Kodwa kwafika umuntu kaNkulunkulu kuye, wathi: Nkosi yami ungayivumeli impi yakoIsrayeli ukuhamba lawe, ngoba iNkosi uNkulunkulu kayilabo abakoIsrayeli, bonke laba abakoEfrayimi.

2 ImiLando 29:24

abapristi basebezibulala, banikela umnikelo wesono ngegazi lazo phezu kwealtare ukuze kwenzelwe wonke uIsrayeli indlela yokubuyisana. Ngoba inkosi uHezekiya yayilayile ukuba umnikelo wokutshiswa lomnikelo wesono yenzelwe uIsrayeli wonke.

2 ImiLando 29:36

UHezekiya labantu bonke bathokoza ngalokho uNkulunkulu abenzele khona, lokuthi kwenzakala masinyane.

2 ImiLando 30:2

Inkosi lezikhulu zayo lalo lonke ibandla eJerusalema bavumelana ukugcina iPhasika ngenyanga yesibili,

2 ImiLando 35:6

Lihlabe iwundlu lePhasika, lizihlambulule, lilungisele izihlobo zenu ukuba lenze njengokutsho kwelizwi leNkosi ngoMose.

UJeremiya 29:1

Nanka amazwi encwadi ayithumelayo uJeremiya umprofethi eseJerusalema kwabadala babathunjiweyo, lakubapristi labaprofethi, labantu bonke ayebathumbile uNebukadineza eJerusalema, wabasa eBabiloni.

UHosiya 11:8

Ngizakukulahla kanjani, Efrayimi? Ngizakukunikela kanjani, Israyeli? Ngizakukwenza kanjani ube njengeAdima? Ngizakukuphatha kanjani njengeZeboyimi na? Inhliziyo iyala phakathi kwami, lesihawu sami siyaqubuka.

UHosiya 5:4

Izenzo zabo kazibavumeli ukubuyela kuNkulunkulu wabo. Ngoba umoya wokuwula uphakathi kwabo, kabayazi iNkosi.

UJoshuwa 14:4

AbakoJosefa babeyizizwe ezimbili, abakoManase labakoEfrayimi. AbakoLevi kabanikwanga sabelo elizweni, kodwa banikwa imizi ukuhlala kiyo, lamadlelo ezinkomo zabo lezifuyo zabo.