2 ImiLando 28:9 - iBhayibhili Elingcwele 1978

⁹ Kwakukhona lapho umprofethi weNkosi uOdedi; waphuma ukuyihlangabeza impi eyayisiza eSamariya, wathi kiyo: Ngoba iNkosi uNkulunkulu wabokhokho benu ibibathukuthelele abakoJuda, ibanikele ezandleni zenu; lina libabulele ngolunya olufinyelele ezulwini.

IBhayibhili Elingcwele LesiNdebele

⁹ Kodwa umphrofethi wenkosi okwakuthiwa ngu-Odedi wayekhonale, ngakho waphuma ukuyahlangabeza ibutho ekuphendukeni kwalo eSamariya. Wathi kulo, “Ngenxa yokuthi uThixo, uNkulunkulu waboyihlo wayethukuthelele abakoJuda, wabanikela ezandleni zenu. Kodwa lina selibabhubhise ngolaka oluze lwayathinta ezulwini.

2 ImiLando 28:9 ပူးပေါင်းရင်းမြစ်များ

UGenesisi 11:4

Bathi: Wozani, asakheni umuzi lomphotshonga osihloko sawo sifinyelela ezulwini, sizenzele ibizo elikhulu singahlakazeki emhlabeni wonke.

UGenesisi 4:10

Yathi: Wenzeni na? Ilizwi legazi lomfowenu liyakhala kimi livela emhlabathini.

1 AmaKhosi 20:13

Kwasekufika umprofethi othile kuAhabi inkosi yakoIsrayeli, wathi: INkosi uNkulunkulu ithi: Uyayibona yonke limpi na? Ngizayinikela esandleni sakho lamhla, uzukwazi ukuba mina ngiyiNkosi.

1 AmaKhosi 20:22

Lowomprofethi wasesiza enkosini yakoIsrayeli wathi kuyo: Qinisa amabutho akho; cabanga kuhle lokho ofanele ukukwenza; ngoba ekuqaleni komnyaka ozayo inkosi yaseSiriya izakukuhlasela futhi.

1 AmaKhosi 20:42

Yena wathi kuyo: INkosi uNkulunkulu ithi: Ngoba umyekele umuntu ebengimmisele ukubhujiswa, uzakufa wena endaweni yakhe, labantu bakho bazakufa endaweni yabakhe.

1 ImiLando 21:13

UDavida wasesithi kuGadi: Ngisebunzimeni obukhulu; kungcono ukuba ngiwele esandleni seNkosi, ngoba umusa wayo mkhulu, kulokuba ngiwele esandleni somuntu.

2 ImiLando 28:5

Ngakho iNkosi uNkulunkulu wakhe yamnikela esandleni senkosi yaseSiriya eyamnqobayo, yathumba abantu bakhe abanengi kakhulu, yabasa eDamaseko. Futhi wanikelwa esandleni senkosi yakoIsrayeli eyamnqobayo, yabulala abantu abanengi kakhulu.

U-Ezra 9:6

ngathi: Wena Nkulunkulu wami, ngilenhloni, ngiyesaba ukukukhangela, Nkulunkulu wami, ngoba ububi bethu buphakeme ngaphezu kwamakhanda ethu lesono sethu sifinyelele ezulwini.

AmaHubo 69:26

Ngoba otshaywe nguwe bayamzingela, laye olinyazwe nguwe bayamengeza amanxeba.

U-Isaya 47:6

Ngabathukuthelela abantu bami, ngabayangisa, ngabanikela esandleni sakho, kawubahawukelanga; walenza laba nzima ijogwe lakho phezu kwabadala.

UJona 1:2

lathi: Suka uye eNineve kulowana umuzi omkhulu, umemezele kuwo ukuthi ububi babantu bawo bufinyelele kimi.

UZakhariya 1:15

Ngithukuthele kakhulu ngezizwe ezichelesileyo, ngoba ngathi ngisazondile kancinyane, zandisa ububi.

Isambulo 18:5

ngoba izono zalo zifinyelele ezulwini, loNkulunkulu ukhumbule ukungalungi kwalo.

Abahluleli 3:8

Ngakho ulaka lweNkosi lwavutha kuIsrayeli, yabanikela esandleni sikaKushani‐Rishathayimi inkosi yaseAramu eliphakathi kwemifula emibili; abakoIsrayeli bayisebenzela inkosi uKushani‐Rishathayimi iminyaka eficaminwembili.