2 ImiLando 26:23 - iBhayibhili Elingcwele 1978

²³ U‐Uziya waya kwabaphansi, bamngcwaba kuboyise emalibeni angayisiwo awamakhosi, ngoba bathi: Ulobulephero. UJothamu indodana yakhe waba yinkosi esikhundleni sakhe.

IBhayibhili Elingcwele LesiNdebele

²³ U-Uziya waphumula labokhokho bakhe wangcwatshwa eduze kwabo ensimini yokungcwaba eyayingeyamakhosi ngoba abantu bathi, “Wayelobulephero.” Ngakho uJothamu indodana yakhe wathatha isikhundla sakhe waba yinkosi.

2 ImiLando 26:23 ပူးပေါင်းရင်းမြစ်များ

2 ImiLando 21:20

Wayeleminyaka engamatshumi amathathu lambili ekuqaleni kwakhe ukubusa, wabusa eJerusalema iminyaka eficaminwembili; wafa engakhalelwa muntu. Bamngcwabela emzini kaDavida, kodwa kungesikho emalibeni amakhosi.

2 ImiLando 26:18

bamelana layo inkosi uUziya, bathi kuye: Kakusumsebenzi wakho, wena Uziya, ukutshisela iNkosi impepha, kodwa kungumsebenzi wabapristi amadodana kaAroni abahlukaniselwe ukutshisa impepha. Phuma endaweni engcwele, ngoba usuwenze okubi; lokhu kakuyikukulethela udumo oluvela eNkosini uNkulunkulu.

2 ImiLando 27:1

UJothamu wayeleminyaka engamatshumi amabili lanhlanu lapho eqalisa ukubusa; wabusa iminyaka elitshumi lesithupha eJerusalema. Ibizo likanina lalinguJerusha indodakazi kaZadoki.

2 ImiLando 28:27

UAhazi waya kwabaphansi, bamngcwabela phakathi komuzi eJerusalema, ngoba kabamlethanga emalibeni amakhosi akoJuda. UHezekiya indodana yakhe waba yinkosi esikhundleni sakhe.

2 ImiLando 33:20

UManase wasesiya kwabaphansi, wangcwatshelwa endlini yakhe. UAmoni indodana yakhe waba yinkosi esikhundleni sakhe.

U-Isaya 6:1

Ngomnyaka wokufa kwenkosi uUziya ngayibona iNkosi uNkulunkulu ihlezi esihlalweni sobukhosi esiphezulu lesiphakemeyo; umsila wengubo yayo wagcwalisa ithempeli.