2 ImiLando 26:15 - iBhayibhili Elingcwele 1978

¹⁵ EJerusalema wenza imitshina eyaqanjwa ngabantu abahlakaniphileyo, wayibeka phezu kwemiphotshongo lasezingonsini ukuba itshoke imitshoko, iphosa lamatshe amakhulu. Udumo lwakhe lwafinyelela khatshana, ngoba wasizwa ngokumangalisayo waze waqina.

IBhayibhili Elingcwele LesiNdebele

¹⁵ EJerusalema wakhandisa imitshina yokufutha imitshoko leyokujikijela amatshe amakhulu ayikhandisa emadodeni ayezingcitshi eyayisetshenziswa emiphotshongweni esemajikweni. Udumo lwakhe lwanda lwayafika kude, ngoba wancediswa kakhulu waze waba lamandla amakhulu kakhulu.

2 ImiLando 26:15 ပူးပေါင်းရင်းမြစ်များ

2 ImiLando 2:14

ozalwa yindodakazi yakoDani, uyise wayengowaseTire; uyakwazi ukusebenza ngegolide langesiliva langethusi langensimbi langamatshe langezigodo langamalembu ayibubende laluhlaza labomvu, langamalembu amahle, uyakwazi ukubalaza lokwenza imizebenzi yonke yobungcitshi angayinikwa, angasebenza lezingcitshi zakho lezingcitshi zenkosi yami uyihlo uDavida.

2 ImiLando 2:7

Ngakhoke akungithumele umuntu okwaziyo ukusebenza ngegolide langesiliva langethusi langensimbi langamalembu ayibubende labomvu laluhlaza, lokwaziyo ukubalaza, ozasebenza labanti bami abakwaziyo ukusebenza koJuda leJerusalema abamiswa ngubaba uDavida.

2 ImiLando 26:14

U‐Uziya wayenzela yonke impi izihlangu, lemikhonto, lezingowane zensimbi, lamabhatshi ensimbi, lemitshoko, lamatshe ezavutha.

2 ImiLando 26:16

Kodwa lapho eseqinile wazikhukhumeza, kwamlethela ukuchitheka. Ngoba wona eNkosini uNkulunkulu wakhe ngokungena ethempelini leNkosi ukuba atshise impepha phezu kwealtare lempepha.

U-Eksodasi 31:4

ukuba aqambe imisebenzi yobungcitshi, asebenze ngegolide langesiliva langethusi,

U-Isaya 29:14

ngakhoke ngizakubuya ngethuse lababantu ngezinto ezimangalisayo; lokuhlakanipha kwabahlakaniphileyo babo kuzakuphela, lokuqedisisa kwabaqedisisayo babo kuphele.

UHabhakhukhi 1:5

Khangelani phakathi kwezizwe, libone limangale kakhulu. Ngoba mina Nkosi ngenza imisebenzi ensukwini zenu elingayikuyikholwa lapho ulilandiselwa.

UMatewu 4:24

Udumo lwakhe lwaphumela elizweni lonke laseSiriya; baletha kuye bonke abagulayo, ababephethwe yizifo ngezifo lobuhlungu, lababengenwe ngomoya ababi, lababelesithuthwane, lezilima; wabasilisa.

UDutheronomi 20:20

Izihlahla elizaziyo ukuthi kazidliwa, yilezo kuphela elingazigamula ukuba lakhe ngazo inqaba zokuvimbezela umuzi olwa lani, uze uwe.