2 ImiLando 25:7 - iBhayibhili Elingcwele 1978

⁷ Kodwa kwafika umuntu kaNkulunkulu kuye, wathi: Nkosi yami ungayivumeli impi yakoIsrayeli ukuhamba lawe, ngoba iNkosi uNkulunkulu kayilabo abakoIsrayeli, bonke laba abakoEfrayimi.

IBhayibhili Elingcwele LesiNdebele

⁷ Kodwa kwafika kuye inceku kaNkulunkulu yathi: “Nkosi yami, amabutho ako-Israyeli la akufanelanga aphume impi kanye lawe ngoba uThixo kakho kwabako-Israyeli, kakho lakubani ebantwini bako-Efrayimi.

2 ImiLando 25:7 ပူးပေါင်းရင်းမြစ်များ

2 USamuyeli 12:1

INkosi yasithuma uNathani umprofethi kuDavida. Wafika wathi kuye: Kwakukhona amadoda amabili emzini othile, enye yayinothile, enye yayingumyanga.

1 AmaKhosi 12:28

Emva kokunakana ngalindaba wenza amathole amabili egolide, wathi ebantwini: Seliye kakhulu eJerusalema; khangelani, nampa onkulunkulu benu, Israyeli, abalikhupha eGibithe.

1 AmaKhosi 13:1

Kwathi uJerobowamu emi phambi kwealtare ukutshisa impepha, kwafika umuntu kaNkulunkulu eBetheli evela koJuda ethunywa yilizwi leNkosi.

2 AmaKhosi 4:9

Owesifazana wasesithi kumkakhe: Ngiyabona ukuthi lumuntu ohlala esedlula lapha ungumuntu ongcwele kaNkulunkulu.

2 ImiLando 13:12

UNkulunkulu ulathi, ungumholi wethu, labapristi bakhe bakhona ukukhalisa impondo ukusibizela ekulweni lani. Madoda akoIsrayeli, musani ukulwa leNkosi, uNkulunkulu wabokhokho benu, ngoba lingeke liphumelele.

2 ImiLando 19:2

UJehu indodana kaHanani umboni waphuma ukumhlangabeza, wathi kuye: Kufanele yini ukuba usize ababi, ubathande labo abazonda iNkosi na? Ngenxa yalokhu ulaka lweNkosi luzakwehlela phezu kwakho.

2 ImiLando 25:6

Wabuya waqatsha koIsrayeli amaqhawe alamandla azinkulungwane ezilikhulu ngamathalenta esiliva alikhulu.

UHosiya 9:13

Njengokubona kwami abantwana bakaEfrayimi bazakuba yimpango; uEfrayimi kakhuphele abantwana bakhe ukubulawa.

1 uTimothi 6:11

Kodwa wena muntu kaNkulunkulu balekela lokhu; nxwanela ukulunga, lokuhle, lokukholwa, lothando, lokubekezela, lobumnene.

2 uTimothi 3:17

ukuze umuntu kaNkulunkulu aphelele, alungiselwe yonke imisebenzi emihle.