2 ImiLando 24:25 - iBhayibhili Elingcwele 1978

²⁵ Kwathi amaSiriya esesukile kuye, emtshiye egula kakhulu, inceku zakhe zamenzela icebo ziphindisela ukubulawa kwendodana kaJehoyada umpristi, zambulalela embhedeni wakhe. Wafa, bamngcwabela emzini kaDavida, kodwa kabamngcwabanga emalibeni amakhosi.

IBhayibhili Elingcwele LesiNdebele

²⁵ Ama-Aramu athi esehlehla, atshiya uJowashi elimele kakhulu. Izikhulu zakhe zamhlamukela ngokubulala kwakhe indodana kaJehoyada umphristi, zahle zambulalela embhedeni wakhe. Ngakho wafa wayangcwatshwa eMzini kaDavida, kodwa kungasikho emathuneni amakhosi.

2 ImiLando 24:25 ပူးပေါင်းရင်းမြစ်များ

1 AmaKhosi 15:27

UBahasha indodana kaAhija, owendlu kaIsakari, wamenzela amacebo, wambulala eGibethoni elamaFilistiya, lapho uNadabi loIsrayeli wonke bevimbezele iGibethoni.

2 ImiLando 21:16

INkosi yasimvusela uJoramu amaFilistiya lamaArabiya ababehlala eduze lamaEtiyopiya;

2 ImiLando 22:6

wabuyela eJezereli ukuyakwelatshwa amanxeba ayewalinyazwe eRama, ekulweni kwakhe loHazayeli inkosi yaseSiriya. UAhaziya indodana kaJoramu inkosi yakoJuda wahamba ukuyambona eJezereli, ngoba wayegula.

2 ImiLando 22:9

Wasedinga uAhaziya, bambamba esecatshile eSamariya, bamletha kuJehu, wabulawa. Bamngcwaba ngoba bathi: Ungumntanomntanakhe kaJehoshafati owadinga iNkosi ngenhliziyo yakhe yonke. Indlu kaAhaziya kayibanga loyedwa olamandla okubusa.

2 ImiLando 24:16

Bamngcwabela emzini kaDavida phakathi kwamakhosi, ngoba wayenze okulungileyo koIsrayeli lakuNkulunkulu lasendlini yakhe.

2 ImiLando 24:26

Labo ababemenzele icebo babengoZabadi indodana kaShimeyathi owesifazana womAmoni, loJehozabadi indodana kaShimirithi owesifazana womMowabi.

2 ImiLando 25:27

Kusukela esikhathini atshiya ngaso iNkosi bamenzela icebo eJerusalema, wasebalekela eLakishi; kodwa bathumela abantu khona, bambulalela khona.

2 ImiLando 25:3

Kwathi umbuso wakhe usuqinile, wabulala inceku zakhe ezazibulele inkosi uyise.

2 ImiLando 28:27

UAhazi waya kwabaphansi, bamngcwabela phakathi komuzi eJerusalema, ngoba kabamlethanga emalibeni amakhosi akoJuda. UHezekiya indodana yakhe waba yinkosi esikhundleni sakhe.

AmaHubo 10:14

Uyabona wena, yebo, uyabona ukukhathazeka lenhlupheko ukuze ukubeke ezandleni zakho. Ongelamandla uyazinikela kuwe; wena ungumsizi wezintandane.

Isambulo 16:6

ngoba abantu bachitha igazi labangcwele lelabaprofethi, wabanika ukuba balinathe igazi; lokhu kubafanele.