2 ImiLando 24:24 - iBhayibhili Elingcwele 1978

²⁴ Lanxa impi yamaSiriya yayilabantu abalutshwana, iNkosi uNkulunkulu yanikela kuyo impi enkulu kakhulu, ngoba abakoJuda babeyilahlile iNkosi, uNkulunkulu wabakhokho babo. Ngalokho uJowashi wehlelwa ngokumfaneleyo.

IBhayibhili Elingcwele LesiNdebele

²⁴ Kwathi loba impi yama-Aramu yayikade ize lamadoda amalutshwana, uThixo wanikela ezandleni zawo ibutho elikhulu kakhulu. Njengoba abakoJuda babemlahlile uThixo, uNkulunkulu wabokhokho babo, uJowashi wehlulelwa ngokufaneleyo.

2 ImiLando 24:24 ပူးပေါင်းရင်းမြစ်များ

2 AmaKhosi 12:17

Ngalesosikhathi uHazayeli inkosi yaseSiriya wayahlasela iGathi, walithumba. Wasezimisela ukuhlasela iJerusalema,

2 ImiLando 16:7

Ngalesosikhathi uHanani umboni wafika kuAsa inkosi yakoJuda, wathi kuye: Ngoba uthembele enkosini yaseSiriya, ungathembelanga eNkosini uNkulunkulu wakho, impi yenkosi yakoIsrayeli ikuphunyukile.

2 ImiLando 22:8

Kwathi lapho uJehu esenza lokho okuyifaneleyo indlu kaAhabi, wahlangana lezikhulu zakoJuda lamadodana abafowabo kaAhaziya ababemsebenzela uAhaziya, wababulala.

2 ImiLando 24:20

Umoya kaNkulunkulu wasusehlela kuZekariya indodana kaJehoyada umpristi; wema phambi kwabantu, wathi kibo: UNkulunkulu uthi: Kungani lisaphula imilayo yami ukuba lingaphumeleli na? Ngoba lingilahlile mina Nkosi, lami ngililahlile.

2 ImiLando 28:5

Ngakho iNkosi uNkulunkulu wakhe yamnikela esandleni senkosi yaseSiriya eyamnqobayo, yathumba abantu bakhe abanengi kakhulu, yabasa eDamaseko. Futhi wanikelwa esandleni senkosi yakoIsrayeli eyamnqobayo, yabulala abantu abanengi kakhulu.

U-Isaya 13:5

Bavela elizweni elikhatshana, emikhawulweni yezulu, iNkosi kanye lezikhali zentukuthelo yayo, ukuba bachithe ilizwe lonke.

U-Isaya 30:17

Abayinkulungwane bazabaleka ngokusongelwa ngoyedwa nje, ngokusongelwa ngabahlanu lizakubaleka, libaleke kuze kuthi abaseleyo benu basale sebenjengensika ephezu kwentaba, lanjengogodo olumiswe oqaqeni.

UJeremiya 37:10

Loba liyahlula impi yonke yamaKaladiya alwayo lani, kusale nje abantu abalimeleyo, bazasukuma bonke baphume emathenteni abo, bawutshise lumuzi ngomlilo.

ULevi 26:25

Ngizakwehlisela impi phezu kwenu ezakuphindisela isivumelwano. Uba libuthana emizini yenu, ngizakuthuma umkhuhlane phakathi kwenu, linikelwe ezandleni zezitha.

ULevi 26:37

Bazakugwenxana kungathi babalekela impi, bengaxotshwa muntu. Kaliyikuba lamandla okumelana lezitha zenu.

ULevi 26:8

Abahlanu benu bazaxotsha abalikhulu, labalikhulu benu bazaxotsha abazinkulungwane ezilitshumi; izitha zenu zizakubulawa phambi kwenu empini.

UHabhakhukhi 1:12

Kawusuye owasendulo, wena Nkosi Nkulunkulu wami oNgcwele na? Kasiyikufa. Nkosi, wenzile lesisizwe ukuba sibe yinto yokwahlulela; wena Dwala, usimisele ukutshaya.

UZefaniya 1:2

Lathi: Ngizaqothula konke kuthi nya emhlabeni, itsho iNkosi;

UDutheronomi 28:25

INkosi izakukwenza unqotshwe yizitha zakho; uzakuphuma ngandlelanye ukuzihlasela, uzibalekele ngezindlela eziyisikhombisa; uzakuba yinto eyesabekayo kuyo yonke imibuso yomhlaba.

UDutheronomi 28:48

lizakukhonza izitha zenu iNkosi ezakuzithuma kini ukulihlasela, lilambe, lome, lihambeze, liswele zonke izinto. Izakubophela entanyeni yenu ijogwe lensimbi, ize ilibhubhise.

UDutheronomi 32:30

Uba umuntu emunye angaxotsha kanjani abayinkulungwane, lababili bangabadudula kanjani abazinkulungwane ezilitshumi, uba iDwala labo lingabathengisanga, leNkosi ingabanikelanga na?