2 ImiLando 23:3 - iBhayibhili Elingcwele 1978

³ Ibandla lonke lenza isivumelwano lenkosi uJowashi endlini kaNkulunkulu. UJehoyada wathi kubo: Nanguke umntwana wenkosi; kabuse njengokutsho kweNkosi uNkulunkulu mayelana labantwana bakaDavida.

IBhayibhili Elingcwele LesiNdebele

³ ibandla lonke lenza isivumelwano lenkosi ethempelini likaNkulunkulu. UJehoyada wathi kubo, “Indodana yenkosi izabusa, njengoba uThixo wathembisa abayinzalo kaDavida.

2 ImiLando 23:3 ပူးပေါင်းရင်းမြစ်များ

2 USamuyeli 5:3

Kwafika bonke abadala bakoIsrayeli enkosini uDavida, eHebroni; yenza isivumelwano labo eHebroni phambi kweNkosi; bamgcoba, waba yinkosi koIsrayeli.

2 USamuyeli 7:12

Kuzakuthi lapho insuku zakho seziphelile, usuyile kwabaphansi, ngimise omunye wabantwana bakho ukuba abe yinkosi emva kwakho, ngiqinise umbuso wakhe.

2 USamuyeli 7:16

Indlu yakho lombuso wakho kuzaqiniswa njalonjalo phambi kwami; lesihlalo sakho sobukhosi simiswe kuze kube nininini.

1 AmaKhosi 2:4

ukuze iNkosi iqinise ilizwi layo eyalikhuluma mayelana lami isithi: Uba amadodana akho eqaphelisa indlela zawo, ehamba ngobuqotho phambi kwami ngenhliziyo yonke langomoya wonke, kawuyikuswela muntu wokubusa uIsrayeli.

1 AmaKhosi 9:5

ngizaqinisa umbuso wakho koIsrayeli kuze kube nininini njengokuthembisa kwami kuDavida uyihlo ngisithi: Kawuyikuswela muntu ozabusa uIsrayeli.

2 AmaKhosi 11:17

UJehoyada wenza isivumelwano phakathi kweNkosi uNkulunkulu lenkosi labantu ukuba babe ngabantu beNkosi uNkulunkulu; wenza isivumelwano laphakathi kwenkosi labantu bayo.

1 ImiLando 11:3

Kwafika bonke abadala bakoIsrayeli enkosini uDavida eHebroni; yenza isivumelwano labo eHebroni phambi kweNkosi. Bamgcoba, waba yinkosi koIsrayeli, njengokutsho kweNkosi ngoSamuweli.

2 ImiLando 21:7

Kodwa iNkosi kayiyichithanga indlu kaDavida ngenxa yesivumelwano eyayisenze loDavida, lokhu yayithembise ukumnika inhlansi yena lamadodana akhe kuze kube nini lanini.

2 ImiLando 23:16

UJehoyada wenza isivumelwano phakathi kwakhe labantu bonke lenkosi ukuba babe ngabantu beNkosi uNkulunkulu.

2 ImiLando 6:16

Ngakhoke, Nkosi, Nkulunkulu kaIsrayeli, gcina isithembiso owasenza lenceku yakho uDavida ubaba usithi: Kawuyikuswela muntu ozabusa abakoIsrayeli uba amadodana akho enanzelela ukuhamba kwawo phambi kwami, ehamba ngomlayo wami njengawe.

2 ImiLando 7:18

ngizaqinisa umbuso wakho, njengesivumelwano engasenza loyihlo uDavida ngisithi: Kawuyikuswela muntu ozabusa uIsrayeli.

AmaHubo 89:29

Ngizakumisa inzalo yakhe kuze kube nininini, lesihlalo sakhe sobukhosi sime kokuphela.

AmaHubo 89:36

Inzalo yakhe izakuma kuze kube nininini, isihlalo sakhe sobukhosi sime njengelanga phambi kwami;