2 ImiLando 23:11 - iBhayibhili Elingcwele 1978

¹¹ UJehoyada waseyikhupha indodana yenkosi, wayithwalisa umqhele, wayinika icence; bayibeka yaba yinkosi, uJehoyada lamadodana akhe bayigcoba bathi: Bayethe, nkosi!

IBhayibhili Elingcwele LesiNdebele

¹¹ UJehoyada lamadodana akhe basebeveza indodana yenkosi njalo bayethesa umqhele; bayiqhubela lencwadi yesivumelwano bayibeka yaba yinkosi. Bayigcoba bavungama bathi: “Mpilonde nkosi!”

2 ImiLando 23:11 ပူးပေါင်းရင်းမြစ်များ

2 USamuyeli 1:10

Ngakhoke ngasengisondela ngimqedisela, ngoba bengisazi ukuba angeke aphile emva kwalokho. Ngasengithatha umqhele owawusekhanda lakhe, lesongo elalisengalweni yakhe, ngikulethile lokho lapha enkosini yami.

2 USamuyeli 16:16

Kwathi lapho uHushayi waseArki, umngane kaDavida, efika kuAbisalomu, wathi kuAbisalomu: Bayethe nkosi! Bayethe nkosi!

2 USamuyeli 5:3

Kwafika bonke abadala bakoIsrayeli enkosini uDavida, eHebroni; yenza isivumelwano labo eHebroni phambi kweNkosi; bamgcoba, waba yinkosi koIsrayeli.

1 AmaKhosi 1:25

Ngoba wehlile lamhla, wanikela imihlatshelo yezinkabi lamathole anonisiweyo lezimvu ezinengi, wamema wonke amadodana enkosi, loJowabi induna yempi, loAbiyatha umpristi; bayadla benatha phambi kwakhe, bayamemeza besithi: Bayethe, nkosi Adonija!

1 AmaKhosi 1:34

uZadoki umpristi loNathani umprofethi bamgcobe lapho abe yinkosi yakoIsrayeli; beselikhalisa impondo lisithi: Bayethe, nkosi Solomoni!

1 AmaKhosi 1:39

UZadoki umpristi wathatha uphondo lwamafutha ethenteni, wamgcoba uSolomoni. Basebekhalisa uphondo, bonke abantu bamemeza besithi: Bayethe, nkosi Solomoni!

2 AmaKhosi 11:12

UJehoyada waseyikhupha indodana yenkosi, wayithwalisa umqhele, wayinika icence; bayibeka yaba yinkosi, bayigcoba, baqakeza izandla zabo besithi: Bayethe, nkosi!

2 ImiLando 22:11

Kodwa uJehosheba indodakazi yenkosi wathatha uJowashi indodana kaAhaziya, wamkhupha emadodaneni enkosi ayebulawa, wamfihla kanye lomlizane wakhe endlini yokulala. Ngokunjaloke uJehosheba indodakazi yenkosi uJoramu, umkaJehoyada umpristi, ngoba wayengudadewabo kaAhaziya wamfihla kuAthaliya ukuba angambulali;

2 ImiLando 23:10

Wabamisa bonke abantu ukuba balinde behlomile, kusukela ngaseningizimu kwendlu kusiya enyakatho, bezingelezele ialtare lethempeli inkosi iphakathi kwabo.

2 ImiLando 23:12

Kwathi uAthaliya esizwa umsindo wabantu begijima besitsho izibongo zenkosi, wangena ethempelini, waya ebantwini;

AmaHubo 132:18

Izitha zakhe ngizakuzithela ihlazo, kodwa umqhele wakhe wobukhosi uzakukhazimula ekhanda lakhe.

AmaHubo 21:3

Wayihlangabeza ngezibusiso zokuhle, wayethwesa umqhele wegolide elihle ekhanda layo.

AmaHubo 78:5

Wamisa umthetho koJakobe, wabeka umlayo koIsrayeli, alaya ngawo okhokho ukuba bafundise abantwana babo,

AmaHubo 89:20

Ngifumene uDavida inceku yami, ngamgcoba ngamafutha angcwele;

AmaHubo 89:39

Usiphikile isivumelwano sakho lenceku yakho; wawudumaza umqhele wakhe, wawuphosela phansi.

U-Eksodasi 25:16

Uzakufaka emtshokotshweni ubufakazi engizakukunika bona.

U-Eksodasi 25:21

Uzasibeka isihlalo somusa phezu komtshokotsho, ufake emtshokotshweni ubufakazi engizakukunika bona.

U-Eksodasi 31:18

Isiqedile ukukhuluma kuMose entabeni yaseSinayi yamnika uMose amatshe amabili obufakazi alotshwe ngomunwe kaNkulunkulu.

U-Isaya 49:23

Uzakhuliswa ngamakhosi, lamakhosikazi awo abe ngabalizane bakho. Bazakuwa phambi kwakho, ubuso babo bube semhlabathini, bakhothe uthuli lwezinyawo zakho. Laphoke uzakwazi ukuthi ngiyiNkosi, lokuthi labo abangithembayo kabayikuyangeka.

U-Isaya 8:16

Abafundi bami kabagoqe umqulu wobufakazi, banameke imfundiso yami.

U-Isaya 8:20

Yebo, abantu bazakutsho njalo; kodwa amazwi abo ayize.

UMatewu 21:9

Amaxuku ayehamba ngaphambili lababelandela bamemeza bathi: Hosana kuyo iNdodana kaDavida! Ubusisiwe ozayo ebizweni leNkosi. Hosana kweliphezulu!

AmaHebheru 2:9

Kodwa siyambona uJesu owenziwa waba mncinyane okwesikhatshana kulezithunywa ethwesiwe umqhele wobukhosi, lowodumo ngenxa yenhlupheko yokufa, ukuze ngomusa kaNkulunkulu ezwe ukufa ngenxa yabo bonke.

UJakhobe 1:12

Ubusisiwe umuntu obekezelayo ekulingweni; ngoba lapho esehloliwe uzakwamukeliswa umqhele wokuphila othenjiswe nguNkulunkulu kwabamthandayo.

UJakhobe 2:5

Zwanini, bazalwane bami abathandekayo; uNkulunkulu kabakhethanga yini abayanga emhlabeni ukuba babe ngabanothileyo ngokukholwa lezindlalifa zombuso awuthembisayo kulabo abamthandayo na?

Isambulo 19:12

Amehlo akhe afana lamalangabi omlilo, lasekhanda lakhe kukhona imiqhele eminengi; ulebizo elilotshiweyo elingaziwa muntu, kodwa nguye kuphela.

Isambulo 4:10

abadala abangamatshumi amabili lane baziwisela phansi phambi kwakhe ohlezi esihlalweni sobukhosi, bamkhonza yena ophilayo kuze kube nininini, baphosela imiqhele yabo phambi kwesihlalo sobukhosi, behlabela besithi:

Isambulo 4:4

Izihlalo zobukhosi ezingamatshumi amabili lane zazihanqe lesosihlalo sobukhosi; phezu kwazo kwakuhlezi abadala abangamatshumi amabili lane bembethe ingubo ezimhlophe, bethwele imiqhele emakhanda abo.

Isambulo 5:10

wabenza baba ngumbuso labapristi kuNkulunkulu wethu; bazakubusa emhlabeni.

1 USamuyeli 10:1

USamuweli wasethatha umfuma wamagcobo, wawathela ekhanda likaSawuli; wamanga esithi: INkosi iyakugcoba ukuba ube ngumbusi wabantu bayo uIsrayeli; uzabusa abantu beNkosi, ubakhulule ezitheni zabo ezibaphahlileyo. Lokhu kuzakuba yisiboniso kuwe ukuthi iNkosi ikugcobile ukuba ngumbusi wabantu bayo.

1 USamuyeli 10:24

USamuweli wasesithi kubo bonke abantu: Liyambona lowo iNkosi emkhethileyo na? Kakho loyedwa onjengaye kubo bonke abantu. Bonke abantu bamemeza bathi: Bayethe!