2 ImiLando 22:9 - iBhayibhili Elingcwele 1978

⁹ Wasedinga uAhaziya, bambamba esecatshile eSamariya, bamletha kuJehu, wabulawa. Bamngcwaba ngoba bathi: Ungumntanomntanakhe kaJehoshafati owadinga iNkosi ngenhliziyo yakhe yonke. Indlu kaAhaziya kayibanga loyedwa olamandla okubusa.

IBhayibhili Elingcwele LesiNdebele

⁹ Wasedinga u-Ahaziya abantu bakhe bambamba esecatshile eSamariya, bamletha kuJehu, wabulawa. Bamngcwaba ngoba bathi: “Wayeyindodana kaJehoshafathi owadinga uThixo ngenhliziyo yakhe yonke.” Ngakho kwakungaselamuntu endlini ka-Ahaziya olamandla okuwumisa umbuso.

2 ImiLando 22:9 ပူးပေါင်းရင်းမြစ်များ

1 AmaKhosi 13:21

wasesithi kulowomuntu kaNkulunkulu owayevela koJuda: INkosi ithi: Ngoba ungalilalelanga ilizwi leNkosi uNkulunkulu, ungagcinanga umlayo wayo eyakulaya ngawo,

1 AmaKhosi 14:13

Bonke abakoIsrayeli bazamkhalela bamngcwabe; nguye kuphela kwabakoJerobowamu ozangcwatshwa, ngoba kukhona kuye okuthile okuyithokozisayo iNkosi, uNkulunkulu kaIsrayeli.

2 AmaKhosi 9:34

Wasengena esidla enatha, wathi: Ake limthathe lowesifazana oqalekisiweyo limngcwabe, ngoba uyindodakazi yenkosi.

2 ImiLando 19:3

Kodwake kusekhona okuhle okuthile kuwe, ngoba uziqedile insika zikankulunkulukazi uAshera elizweni, wayimisela inhliziyo yakho ukumdinga uNkulunkulu.

2 ImiLando 21:17

bahlasela koJuda, bangena khona, bathumba yonke impahla abayifumanayo eyayingeyesigodlo senkosi kanye lamadodana ayo labafazi bayo, kakwaze kwasala leyodwa indodana ngaphandle kukaJehowahazi, indodana yayo encinyane.

2 ImiLando 21:20

Wayeleminyaka engamatshumi amathathu lambili ekuqaleni kwakhe ukubusa, wabusa eJerusalema iminyaka eficaminwembili; wafa engakhalelwa muntu. Bamngcwabela emzini kaDavida, kodwa kungesikho emalibeni amakhosi.

2 ImiLando 21:4

UJoramu esengenile esikhundleni sikayise eseqinile, wabulala bonke abafowabo kanye lezinye izikhulu zakoIsrayeli.

2 ImiLando 22:8

Kwathi lapho uJehu esenza lokho okuyifaneleyo indlu kaAhabi, wahlangana lezikhulu zakoJuda lamadodana abafowabo kaAhaziya ababemsebenzela uAhaziya, wababulala.

2 ImiLando 24:25

Kwathi amaSiriya esesukile kuye, emtshiye egula kakhulu, inceku zakhe zamenzela icebo ziphindisela ukubulawa kwendodana kaJehoyada umpristi, zambulalela embhedeni wakhe. Wafa, bamngcwabela emzini kaDavida, kodwa kabamngcwabanga emalibeni amakhosi.

2 ImiLando 25:27

Kusukela esikhathini atshiya ngaso iNkosi bamenzela icebo eJerusalema, wasebalekela eLakishi; kodwa bathumela abantu khona, bambulalela khona.

2 ImiLando 33:24

Inceku zakhe zamenzela icebo, zambulala endlini yakhe.

UJeremiya 29:13

Lizakungidinga, lingifumane; lapho lingifunisisa ngayo yonke inhliziyo yenu,