2 ImiLando 22:7 - iBhayibhili Elingcwele 1978

⁷ Kwakumiswe nguNkulunkulu ukuba ukubhubha kukaAhaziya kumfikele ngokuhambela kwakhe uJehoramu. Ngoba ekufikeni kwakhe khona waphuma loJehoramu ukuyahlangabeza uJehu indodana kaNimshi, iNkosi uNkulunkulu eyayimmisele ukubhubhisa indlu kaAhabi.

IBhayibhili Elingcwele LesiNdebele

⁷ Ngokwethekelela kuka-Ahaziya kuJoramu, uNkulunkulu wayemise ukumbhubhisa u-Ahaziya. Ngoba ekufikeni kwakhe khonale wahle waphuma loJoramu ukuyahlangabeza uJehu indodana kaNimishi owayegcotshwe nguThixo ukubhubhisa indlu ka-Ahabi.

2 ImiLando 22:7 ပူးပေါင်းရင်းမြစ်များ

1 AmaKhosi 12:15

Inkosi kayibalalelanga abantu; ngoba lokhu kwenziwa yiNkosi uNkulunkulu ukuze igcwalise ilizwi layo eyayilikhulume ngoAhija waseShiloni kuJerobowamu indodana kaNebati.

1 AmaKhosi 12:24

uthi iNkosi ithi: Lingaphumi ukulwa lezihlobo zenu abantu bakoIsrayeli. Buyelani lonke emizini yenu, ngoba lokhu kuyintando yami. Basebelilalela ilizwi leNkosi uNkulunkulu, babuyela emizini yabo njengokutsho kwayo.

1 AmaKhosi 19:16

loJehu indodana kaNimshi umgcobe abe yinkosi yakoIsrayeli, loElisha indodana kaShafati waseAbeli‐Mehola umgcobe abe ngumprofethi esikhundleni sakho.

1 AmaKhosi 22:20

iNkosi yathi: Ngubani ozakhohlisa uAhabi ukuba ahambe ayefela eRamothi‐Gileyadi na? Omunye watsho okunye, lomunye okunye.

2 AmaKhosi 10:11

UJehu wasebulala bonke ababesasele endlini kaAhabi eJezereli, zonke izikhulu zakhe labangane bakhe, labapristi bakhe, kaze atshiya loyedwa.

2 AmaKhosi 9:21

UJehoramu wasesithi: Bophelani inqola yami. Basebeyibophela inqola yakhe. UJehoramu inkosi yakoIsrayeli loAhaziya inkosi yakoJuda basebephuma, ilowo lalowo ekhwele inqola yakhe, behlangabezana loJehu, bahlangana laye esiqintini sikaNabothi waseJezereli.

2 AmaKhosi 9:27

UAhaziya inkosi yakoJuda esekubonile lokhu wabaleka, waqonda eBeti‐Hagani. UJehu waxotshana laye, wathi: Mcibeni; basebemciba esenqoleni yakhe emqansweni waseGuri eliseduze leIbileyamu. Wabalekela eMegido, wafela khona.

2 ImiLando 10:15

Inkosi kayibalalelanga abantu; ngoba lokhu kwenziwa yiNkosi uNkulunkulu ukuze igcwalise ilizwi layo eyayilikhulume ngoAhija waseShiloni kuJerobowamu indodana kaNebati.

2 ImiLando 22:6

wabuyela eJezereli ukuyakwelatshwa amanxeba ayewalinyazwe eRama, ekulweni kwakhe loHazayeli inkosi yaseSiriya. UAhaziya indodana kaJoramu inkosi yakoJuda wahamba ukuyambona eJezereli, ngoba wayegula.

AmaHubo 9:16

INkosi izibonakalisile, yahlulela; ababi bathiywe emsebenzini wezandla zabo.

Izaga 16:9

Inhliziyo yomuntu ilungisa indlela yakhe, kodwa yiNkosi eqondisa ukuhamba kwakhe.

U-Isaya 46:10

ngibikezela ngaphambili okuzakwenzeka, lasendulo izinto ezingakenziwa, ngisithi: Icebo lami lizakuma njalo, ngizaphelelisa konke engikufunayo;

UHosiya 14:9

Lowo ohlakaniphileyo aziqedisise lezizinto; lowo oqondayo azazi; ngoba indlela zeNkosi zilungile, labaqotho bayahamba ngazo, kodwa izoni ziyakhubeka kuzo.

UMalaki 4:3

Lizabanyathela ababi, ngoba bazakuba njengomlotha ngaphansi kwenyawo zenu mhla wosuku lokwenza kwami, kutsho iNkosi yamabandla.

UDutheronomi 32:35

Ngokwami ukuphindisela lokubuyisela, ngesikhathi sokutshelela kwenyawo zabo; ngoba usuku lwabo lwengozi selusondele, lokho abakulungiselweyo kuzafika masinyane.

UJoshuwa 11:20

Ngoba kwakuyiNkosi eyenza inhliziyo zabo zaba lukhuni ukuze balwe loIsrayeli, bachithwe baphele, bangahawukelwa kodwa babhujiswe, njengokulaya kweNkosi kuMose.

Abahluleli 14:4

Uyise lonina babengazi ukuba lokho kuvela eNkosini eyayifuna ithuba lokulwa lamaFilistiya ayebabusa abakoIsrayeli ngalesosikhathi.