2 ImiLando 21:20 - iBhayibhili Elingcwele 1978

²⁰ Wayeleminyaka engamatshumi amathathu lambili ekuqaleni kwakhe ukubusa, wabusa eJerusalema iminyaka eficaminwembili; wafa engakhalelwa muntu. Bamngcwabela emzini kaDavida, kodwa kungesikho emalibeni amakhosi.

IBhayibhili Elingcwele LesiNdebele

²⁰ UJehoramu waba yinkosi eleminyaka engamatshumi amathathu lambili, njalo wabusa eJerusalema okweminyaka eyisificaminwembili. Wafa engakhalelwa muntu, wabekwa eMzini kaDavida, kodwa kungesikho emangcwabeni amakhosi.

2 ImiLando 21:20 ပူးပေါင်းရင်းမြစ်များ

2 AmaKhosi 8:24

UJoramu waya kwabaphansi, wangcwatshelwa kuboyise emzini kaDavida. UAhaziya indodana yakhe waba yinkosi esikhundleni sakhe.

2 ImiLando 23:21

Bonke abantu belizwe bathokoza; lomuzi waba lokuthula ngemva kokubulawa kukaAthaliya.

2 ImiLando 24:16

Bamngcwabela emzini kaDavida phakathi kwamakhosi, ngoba wayenze okulungileyo koIsrayeli lakuNkulunkulu lasendlini yakhe.

2 ImiLando 24:25

Kwathi amaSiriya esesukile kuye, emtshiye egula kakhulu, inceku zakhe zamenzela icebo ziphindisela ukubulawa kwendodana kaJehoyada umpristi, zambulalela embhedeni wakhe. Wafa, bamngcwabela emzini kaDavida, kodwa kabamngcwabanga emalibeni amakhosi.

2 ImiLando 26:23

U‐Uziya waya kwabaphansi, bamngcwaba kuboyise emalibeni angayisiwo awamakhosi, ngoba bathi: Ulobulephero. UJothamu indodana yakhe waba yinkosi esikhundleni sakhe.

2 ImiLando 28:26

Ezinye izindaba zakhe lakho konke ukwenza kwakhe, kusukela ekuqaleni kuze kube sekucineni, kulotshiwe ogwalweni lwamakhosi akoJuda lawakoIsrayeli.

2 ImiLando 28:27

UAhazi waya kwabaphansi, bamngcwabela phakathi komuzi eJerusalema, ngoba kabamlethanga emalibeni amakhosi akoJuda. UHezekiya indodana yakhe waba yinkosi esikhundleni sakhe.

2 ImiLando 33:20

UManase wasesiya kwabaphansi, wangcwatshelwa endlini yakhe. UAmoni indodana yakhe waba yinkosi esikhundleni sakhe.

Izaga 10:7

Olungileyo ukhunjulwa ngezibusiso, kodwa ibizo lomubi lizakuphela.

UJeremiya 22:18

Ngakhoke iNkosi ithi mayelana loJehoyakimi indodana kaJosiya, inkosi yakoJuda: Kabayikumkhalela ngokuthi: Hawu mfowethu! Kabayikumkhalela bathi: Hawu nkosi! loba: Hawu mhlekazi!

UJeremiya 22:28

Lumuntu uKoniya uyimbiza efileyo lesitsha esingananzwa muntu na? Uphoselelwani yena labantwana bakhe kwelinye ilizwe abangalaziyo na?