2 ImiLando 21:12 - iBhayibhili Elingcwele 1978

¹² Kwafika kuye incwadi ivela kuElija umprofethi isithi: INkosi, uNkulunkulu kaDavida uyihlo, ithi: Ngoba ungahambanga ezindleleni zikaJehoshafati uyihlo lezikaAsa inkosi yakoJuda,

IBhayibhili Elingcwele LesiNdebele

¹² UJehoramu wemukela incwadi eyayivela ku-Elija umphrofethi isithi: “Nanku okutshiwo nguThixo, uNkulunkulu kayihlo uDavida, uthi: ‘Kawuhambanga ezindleleni zikaJehoshafathi uyihlo lezika-Asa inkosi yakoJuda.

2 ImiLando 21:12 ပူးပေါင်းရင်းမြစ်များ

1 AmaKhosi 15:11

UAsa wenza okulungileyo phambi kweNkosi njengoDavida ukhokho wakhe.

1 AmaKhosi 17:1

UElija waseTishibi eGileyadi wathi kuAhabi: Ngifunga iNkosi, uNkulunkulu kaIsrayeli, engiyinceku yayo, ukuthi kakuyikuba khona amazolo lezulu kuliminyaka ngaphandle kwelizwi lami.

1 AmaKhosi 22:43

Walandela zonke indlela zikaAsa uyise, kaphambukanga kuzo, wenza okulungileyo phambi kweNkosi. Kodwa indawo eziphakemeyo zokukhonzela kazivalwanga; abantu babelokhu benikela imihlatshelo, betshisa impepha endaweni eziphakemeyo.

2 AmaKhosi 2:1

Kwathi iNkosi isizathatha uElija imuse ezulwini ngesivunguzane, uElija loElisha babehamba bevela eGiligali.

2 AmaKhosi 2:11

Besahamba belokhu bekhuluma, kwafika inqola yokulwa yomlilo lamabhiza omlilo kwabehlukanisa. UElija wenyukela ezulwini ngesivunguzane.

2 ImiLando 14:1

UAbija waya kwabaphansi, bamngcwabela emzini kaDavida. UAsa indodana yakhe waba yinkosi esikhundleni sakhe. Ensukwini zakhe ilizwe laba lokuthula iminyaka elitshumi.

UJeremiya 36:2

Thatha umqulu wencwadi, ulobe kiwo wonke amazwi engiwakhulume kuwe ngoIsrayeli langoJuda langazo zonke izizwe, kusukela osukwini engakhulume kuwe ngoIsrayeli langoJuda langazo zonke izizwe, kusukela osukwini engakhuluma ngalo kuwe, ensukwini zikaJosiya, kuze kube lamhla.

UJeremiya 36:23

Kwathi lapho uJehudi esefundile amakhasi amathathu lobe amane, inkosi yawasika ngengqamu, yawaphosela emlilweni osembawuleni, waze watsha waphela wonke umqulu wencwadi.

UDanyeli 5:5

Kwahle kwavela iminwe yesandla somuntu, yabhala emdulini obhadiweyo wesigodlo senkosi maqondana loluthi lwesibane; inkosi yasibona isandla sibhala.