2 ImiLando 21:10 - iBhayibhili Elingcwele 1978

¹⁰ Ngakho iEdoma lawuhlamuka umbuso wakoJuda kuze kube lamhla. LeLibina lalo lawuhlamuka umbuso wakhe, ngoba wayeyidelile iNkosi, uNkulunkulu wabokhokho bakhe.

IBhayibhili Elingcwele LesiNdebele

¹⁰ Kuze kube lamhla abase-Edomi balokhu behlamukela uJuda. AbaseLibhina labo bahlamuka ngasolesi isikhathi, ngoba uJehoramu wayefulathele uThixo, uNkulunkulu waboyise.

2 ImiLando 21:10 ပူးပေါင်းရင်းမြစ်များ

1 AmaKhosi 11:31

wathi kuJerobowamu: Zithathele lapha iziqa ezilitshumi, ngoba iNkosi, uNkulunkulu kaIsrayeli, ithi: Khangela, sengizahluthuna umbuso esandleni sikaSolomoni, ngikunike izizwe ezilitshumi.

1 AmaKhosi 11:33

Ngizakwenza lokhu ngoba ungitshiyile, wakhonza uAshitorethi unkulunkulukazi waseSidoni, loKemoshi unkulunkulu waseMowabi, loMilkomu unkulunkulu wamaAmoni, kahambanga ngendlela zami, enze okuhle phambi kwami, elondoloza izimiso zami lemithetho yami njengoyise uDavida.

2 AmaKhosi 19:8

Inceku enkulu yabuyela, yafumanisa inkosi yaseAsiriya isihlasela iLibina; yayisizwile ukuthi inkosi isisukile eLakishi.

2 ImiLando 13:10

Kodwa thina, iNkosi inguNkulunkulu wethu, kasiyidelanga; silabo abapristi abayikhonzayo iNkosi abangamadodana kaAroni, besizwa ngamaLevi.

2 ImiLando 15:2

waphuma ukuhlangabezana loAsa, wathi kuye: Lalela, Asa, lani lonke abakoJuda labakoBenjamini; iNkosi uNkulunkulu ilani nxa lani liselayo. Uba liyidinga, izalivumela ukuba liyifumane; kodwa uba liyilahla, layo izalilahla.

2 ImiLando 21:11

Futhi wamisa indawo eziphakemeyo zokukhonzela entabeni zakoJuda, wenza abaseJerusalema bakhonze izithombe, waduhisa abakoJuda.

2 ImiLando 21:8

Ensukwini zakhe iEdoma lawuvukela umbuso wakoJuda, bazibekela eyabo inkosi.

2 ImiLando 21:9

UJoramu wangena kwelaseEdoma kanye lezinduna zakhe zempi, lenqola zakhe zonke zokulwa; wavuka ebusuku, wawachitha amaEdoma ayesemzingelezele yena lenduna zenqola zakhe zokulwa.

2 ImiLando 28:6

Ngoba uPeka indodana kaRemaliya wabulala koJuda abantu abazinkulungwane ezilikhulu lamatshumi amabili ngasuku lunye, bonke bengamaqhawe, ngoba babeyidelile iNkosi, uNkulunkulu wabokhokho babo.

U-Isaya 1:28

Kodwa abahlamuki lezoni bazabhujiswa kanyekanye, labadela iNkosi baqedwe.

UJeremiya 2:13

Ngoba abantu bami benzile izinto ezimbi ezimbili; bangihlamukele, mina mthombo wamanzi okuphila, bazigebhela imithombo etshayo, engabambi manzi.

UJeremiya 2:19

Ububi bakho buzakukutshaya, lokuhlehlela kwakho emuva kuzakukukhuza. Yazi, ubone ukuthi kuyinto embi ukuyihlamukela iNkosi uNkulunkulu wakho, lokuthi ukungesaba kakukho kuwe, kutsho iNkosi uNkulunkulu wamabandla.

UDutheronomi 31:17

Intukuthelo yami izakubavuthela ngalolosuku, ngibatshiye, ngibafihlele ubuso bami, bazachitheka behlelwe ngokubi okunengi lezinhlupheko ezinengi, baze bathi ngalolosuku: Angithi okubi lokhu kusehlele ngoba uNkulunkulu wethu kakho phakathi kwethu na?

UDutheronomi 32:21

Bavusile umona wami ngalokho okungesuye unkulunkulu; bangithukuthelisile ngezinto zabo eziyize. Ngakhoke ngizavusa umona wabo ngabangesibo abantu, ngibathukuthelise ngesizwe esiyisithutha.

UJoshuwa 10:29

UJoshuwa wasedlula eMakeda kanye laye wonke uIsrayeli, baya eLibina, balihlasela iLibina;

UJoshuwa 21:13

Abantwana bakaAroni umpristi banikwa iHebroni, umuzi wokuphephela umbulali, kanye lamadlelo alo, leLibina lamadlelo alo,

Abahluleli 10:13

Kantike lingitshiyile lakhonza abanye onkulunkulu; ngalokhoke kangisayikulikhulula futhi.