2 ImiLando 20:7 - iBhayibhili Elingcwele 1978

⁷ Wena, Nkulunkulu wethu, kawubaxotshanga yini abantu balelilizwe phambi kwabantu bakho uIsrayeli, walinika inzalo kaAbrahama umngane wakho ukuba libe ngelayo kuze kube nininini na?

IBhayibhili Elingcwele LesiNdebele

⁷ Oh Nkulunkulu wethu, awubaxotshanga ababekuleli lizwe phambi kwabantu bakho bako-Israyeli wabanika ukuba libe ngelabo nini lanini abesizukulwane sika-Abhrahama umngane wakho na?

2 ImiLando 20:7 ပူးပေါင်းရင်းမြစ်များ

UGenesisi 12:7

INkosi yabonakala kuAbrama yathi: Ngizakuyinika inzalo yakho lelilizwe. Wayakhela lapho ialtare iNkosi eyabonakala kuye.

UGenesisi 13:15

ngoba ilizwe lonke olibonayo ngizakukunika lona, ngilinike lenzalo yakho kuze kube nininini.

UGenesisi 17:7

Ngizamisa isivumelwano sami phakathi kwami lawe, lenzalo yakho emva kwakho ezizukulwaneni zayo, isivumelwano esingapheliyo sokuba ngibe nguNkulunkulu wakho lowenzalo yakho emva kwakho.

2 ImiLando 14:11

UAsa wakhuleka eNkosini uNkulunkulu wakhe wathi: Nkosi, kakho onjengawe ukuvikela ababuthakathaka kwabalamandla; akusisize, Nkosi Nkulunkulu wethu, ngoba thina sithembele kuwe; ngebizo lakho siphumile ukulwa lalimpi engaka; Nkosi, wena unguNkulunkulu wethu; umuntu angephikisane lawe.

2 ImiLando 20:8

Bahlala kilo, bakwakhela wena indawo engcwele ibe ngeyebizo lakho, bathi:

UNehemiya 9:8

wamfumanisa ethembekile kuwe, wenza laye isivumelwano sokunika inzalo yakhe ilizwe lamaKanani lamaHethi lamaAmori lamaPerizi lamaJebusi lamaGirigashi; usigcwalisile lesisithembiso sakho, ngoba wena ulungile.

AmaHubo 44:2

Wababeka bona elizweni, kodwa wazixotsha izizwe ngesandla sakho; wazichitha izizwe, kodwa wabandisa bona.

AmaHubo 44:3

Ngoba kabalithumbanga ilizwe ngemikhonto yabo, kabanqobanga ngamandla abo, kodwa ngesandla sakho langamandla akho, langokukhanya kobuso bakho; ngoba wawubathanda.

AmaHubo 80:8

Walikhupha ivini eGibithe, wazixotsha izizwe, walihlanyela lona.

U-Eksodasi 20:2

NgiyiNkosi uNkulunkulu wakho eyakukhupha eGibithe, endaweni yobugqili.

U-Eksodasi 33:2

Ngizakuthuma isithunywa phambi kwakho, ngixotshe amaKanani lamaAmori lamaHethi lamaPerizi lamaHivi lamaJebusi.

U-Eksodasi 6:7

Ngizalithatha libe ngabantu bami, mina ngibe nguNkulunkulu wenu; lizakwazi ukuthi ngiyiNkosi uNkulunkulu wenu olikhupha ekucindezelweni kwenu ngamaGibithe;

U-Isaya 41:8

Kodwa wena Israyeli, nceku yami, wena Jakobe engikukhethileyo, nzalo kaAbrahama umngane wami,

UJohane 11:11

Wakhuluma lokhu; wasesithi kibo: Umngane wethu uLazaro uselele, kodwa ngiyahamba ukuba ngimvuse.

UJohane 15:15

Kangisalibizi ngokuthi liyizinceku, ngoba inceku kayikwazi ukuthi inkosi yayo yenzani; kodwa sengilibiza ngokuthi lingabangane, ngoba konke engikuzwileyo kuBaba ngilazise khona.

UDutheronomi 4:38

yaxotsha phambi kwenu izizwe ezinkulu ezilamandla kulani ukuze ilingenise elizweni lazo, ilinike lona libe ngelenu njengalamhla.

UJakhobe 2:23

kwagcwaliseka lombhalo othi: UAbrahama wakholwa uNkulunkulu, kwabalelwa kuye ukuthi kuyikulunga. Wabizwa ngokuthi ngumngane kaNkulunkulu.

UJoshuwa 1:6

Qina, ume isibindi, ngoba nguwe ozanika lababantu ilizwe engafunga ukulinika okhokho babo.

UJoshuwa 23:9

Ngoba iNkosi ixotshile phambi kwenu izizwe ezinkulu lezilamandla; linake kakubanga lamuntu obelamandla ukumelana lani kuze kube lamhla.

UJoshuwa 24:13

Ngalinika ilizwe elingalisebenzanga, lemizi elingayakhanga, lihlala kiyo. Lidla izithelo zezivini lezezivande zamaoliva elingakuhlanyelanga.

UJoshuwa 24:3

Ngasengithatha ukhokho wenu uAbrahama ngaphetsheya komfula iYufrathi, ngamhola kulo lonke ilizwe laseKanani, ngayandisa inzalo yakhe yaba nengi. Ngamnika uIsaka,