2 ImiLando 20:17 - iBhayibhili Elingcwele 1978

¹⁷ Kakusini lodwa elizakulwa kulimpi; manini liqine, lizakubona ukunqoba iNkosi ezakulenzela khona, lina abakoJuda labaseJerusalema. Lingesabi litshaywe luvalo; kusasa phumani liyekulwa labo, iNkosi izakuba lani.

IBhayibhili Elingcwele LesiNdebele

¹⁷ Aliyikuyilwa limpi. Lunganini ezindaweni; lime ngesibindi lizabona ukuhlenga kukaThixo azalenzela khona, Oh lina bakaJuda lani beJerusalema. Lingesabi, lingadangali. Phumani kusasa liyehlasela, uThixo uzakuba lani.’ ”

2 ImiLando 20:17 ပူးပေါင်းရင်းမြစ်များ

1 AmaKhosi 20:13

Kwasekufika umprofethi othile kuAhabi inkosi yakoIsrayeli, wathi: INkosi uNkulunkulu ithi: Uyayibona yonke limpi na? Ngizayinikela esandleni sakho lamhla, uzukwazi ukuba mina ngiyiNkosi.

2 ImiLando 15:2

waphuma ukuhlangabezana loAsa, wathi kuye: Lalela, Asa, lani lonke abakoJuda labakoBenjamini; iNkosi uNkulunkulu ilani nxa lani liselayo. Uba liyidinga, izalivumela ukuba liyifumane; kodwa uba liyilahla, layo izalilahla.

2 ImiLando 20:16

Kusasa phumani liyekulwa labo; bazakhwela ngomqanso waseZizi; lizabafumanisa ekupheleni kwesihotsha ngasempumalanga kwenkangala yaseJeruweli.

2 ImiLando 32:7

Qinani lime isibindi; lingesabi litshaywe luvalo phambi kwenkosi yeAsiriya kanye lempi yonke yayo; ngoba kukhona kithi omkhulu kulaye.

2 ImiLando 32:8

Yena ulamandla omuntu, kodwa thina sileNkosi uNkulunkulu wethu ukusisiza lokusilwela. Abantu bazuza isibindi ngamazwi kaHezekiya inkosi yakoJuda.

AmaHubo 46:7

INkosi yamabandla ilathi, uNkulunkulu kaJakobe uyisiphephelo sethu.

U-Eksodasi 14:25

yaqobotsha amavili ezinqola ukuba zihambe nzima, aze athi amaGibithe: Asibalekele abakoIsrayeli, ngoba iNkosi iyabalwela imelene lathi.

U-Eksodasi 6:1

Kodwa iNkosi yathi kuMose: Khathesi uzakubona lokho engizakukwenza kuFaro; ngenxa yesandla esilamandla uzakubayekela ukuba bahambe, abaxotshe elizweni lakhe ngesandla esiqinileyo.

U-Isaya 30:15

INkosi uNkulunkulu, oNgcwele kaIsrayeli, ithi: Phendukelani kimi, lihlale ngokuthula, ng’khona lizakusizwa; amandla enu asekuchumeni lekuthembeni; kodwa kalikufuni.

U-Isaya 30:7

Ngoba usizo lwaseGibithe kalulamsebenzi, luyize; ngakhoke ngilibize ngokuthi ngumgobo ongelangozi.

U-Isaya 37:6

yena wathi kuzo: Liyitshele inkosi yenu ilizwi leNkosi uNkulunkulu lisithi: Ungesabi ngenxa yamazwi owezwileyo, ezingithuke ngawo inceku zenkosi yaseAsiriya.

U-Isaya 41:10

ungesabi, ngoba mina ngilawe, ungapheli amandla, ngoba mina nginguNkulunkulu wakho; ngizakukuqinisa, ngikusize, ngikusekele ngesandla sami sokunene esinqobayo.

Izililo 3:26

Kuhle ukuyithemba, lokulindela ngokuthula ukukhulula kwayo.

uAmosi 5:14

Dingani okuhle, atshi okubi, ukuba liphile, ukuze ibe lani iNkosi uNkulunkulu wamabandla njengokutsho kwenu.

AmaNani 14:9

Kodwa lingayivukeli iNkosi; futhi lingesabi abantu balelolizwe, ngoba sizabadla sibaqede. Kabaselaso isivikelo; iNkosi ilathi; ngakho lingabesabi.

UMatewu 1:23

Khangela, intombi izakuthatha isisu ibelethe indodana, ezakubizwa ngokuthi nguEmanuweli, okuyikuthi ngokuphendulelwa, uNkulunkulu ulathi.

UMatewu 28:20

libafundise ukugcina konke engililaye ngakho; khangelani, mina ngilani insuku zonke kuze kube sekupheleni kwesikhathi.

AbaseRoma 8:31

Phoke, sizakuthini ngalokhu na? Uba uNkulunkulu engakithi, ngubani ongamelana lathi na?

UDutheronomi 3:22

Lingabesabi, ngoba iNkosi uNkulunkulu wenu uqobo izalilwela.

2 uTimothi 4:22

INkosi kayibe lomoya wakho. Umusa kawube lani lonke.

Abahluleli 7:21

Bonke bema endaweni zabo bezihanqile izihonqo, lempi yonke yavuka itshaywa luvalo, yabaleka.

1 USamuyeli 17:47

Wonke lumhlangano uzakwazi ukuba uNkulunkulu kakhululi ngomhedla langomkhonto; ngoba ukulwa kungokweNkosi, izakukunikela esandleni sethu.