2 ImiLando 20:11 - iBhayibhili Elingcwele 1978

¹¹ khangelake, basibonga ngokuzasixotsha endaweni owasinika yona.

IBhayibhili Elingcwele LesiNdebele

¹¹ Khangela ukuthi khathesi baphindisela ngokunganani ngokusemuka isipho owasipha sona ukuba sibe yilifa lethu.

2 ImiLando 20:11 ပူးပေါင်းရင်းမြစ်များ

UGenesisi 12:7

INkosi yabonakala kuAbrama yathi: Ngizakuyinika inzalo yakho lelilizwe. Wayakhela lapho ialtare iNkosi eyabonakala kuye.

UGenesisi 44:4

Esephumile emzini, engakabi khatshana, uJosefa wathi kumphathi wendlu yakhe: Suka ulandele lawomadoda; lapho usuwaficile uthi kuwo: Liphindiseleni okuhle ngokubi na?

2 ImiLando 20:12

Nkulunkulu wethu, wena kawuyikubahlulela na? Ngoba thina kasilawo amandla ukulwa lalimpi enkulu kangaka ezekusihlasela; kasikwazi esingakwenza, kodwa sikhangele kuwe.

AmaHubo 35:12

Bangiphindisela okuhle ngokubi; umphefumulo wami udabukile.

AmaHubo 7:4

uba ngiphindisele okubi kohlalisene lami ngokuhle, ngayekela isitha sami esangihlasela ngaphandle kwecala,

Izaga 17:13

Uba umuntu ephindisela okuhle ngokubi, ububi kabusoze busuke endlini yakhe.

UJeremiya 18:20

Okuhle kuyaphindiselwa ngokubi na? Ngoba bangimbele umgodi. Khumbula ukuthi ngema phambi kwakho ukubakhulumela okuhle ukuthinta ulaka lwakho kibo.

uAmosi 1:11

INkosi ithi: Ngenxa yeziphambeko ezinengi zamaEdoma kangiyikuwayekela, ngoba axotshana labafowabo ngomkhonto, aswela isihawu, lolaka lwawo lwavutha njalonjalo, ahlala ethukuthela kokuphela.

UDutheronomi 4:38

yaxotsha phambi kwenu izizwe ezinkulu ezilamandla kulani ukuze ilingenise elizweni lazo, ilinike lona libe ngelenu njengalamhla.

UJoshuwa 1:6

Qina, ume isibindi, ngoba nguwe ozanika lababantu ilizwe engafunga ukulinika okhokho babo.