2 ImiLando 2:6 - iBhayibhili Elingcwele 1978

⁶ Kodwa ngubani olamandla okumakhela indlu lokhu iphezulu, yebo, lezulu eliphezulu kakhulu, lingelakumanela na? Minake ngingubani ukuba ngimakhele indlu ngaphandle kwendawo nje yokutshisela impepha phambi kwakhe na?

IBhayibhili Elingcwele LesiNdebele

⁶ Ngubani ozamakhela ithempeli, njengoba lamazulu, kanye lamazulu aphezulu engqongeni, angeke amanele. Pho ngingubani mina ukuba ngimakhele ithempeli, ngaphandle kwendawo yokutshisela imihlatshelo phambi kwakhe?

2 ImiLando 2:6 ပူးပေါင်းရင်းမြစ်များ

2 USamuyeli 7:18

Inkosi uDavida yasingena ihlala phambi kweNkosi, yathi: Kambe mina ngingubani, Nkosi Nkulunkulu, lendlu yami iyini, ukuze ungifikise lapha na?

1 AmaKhosi 7:13

Inkosi uSolomoni yabiza uHiramu waseTire.

1 AmaKhosi 7:14

Yena wayeyindodana yomfelwakazi wesizwe sakoNafitali, uyise wayengumuntu waseTire, owayekhanda ngethusi. UHiramu wayengumuntu ohlakaniphileyo elokuqedisisa ekwazi ukukhanda ngethusi; weza kuSolomoni, wasebenza yonke imisebenzi yakhe.

1 AmaKhosi 8:27

Kambe uNkulunkulu uzahlala yini emhlabeni? Khangela, iphezulu, lezulu eliphezulu kakhulu kakukulingananga; pho, lindlu engiyakhileyo ingayini kuwe na?

1 ImiLando 22:15

Ulezisebenzi ezinengi, ababazi bamatshe, labakha ngamatshe, lababazi bezigodo, lazo zonke inhlobo zezingcitshi ezingelakubalwa,

1 ImiLando 29:14

Kodwa mina ngiyini, labantu bami bayini, ukuba sibe lamandla okunikela ngenhliziyo na? Ngoba zonke izinto zivela kuwe, sinikele kuwe okungokwakho.

2 ImiLando 1:10

Akungiphe ukuhlakanipha lokuqedisisa ukuba ngibahole kuhle lababantu; ngoba ngubani ongabusa lababantu bakho abanengi kangaka na?

2 ImiLando 6:18

Kambe uNkulunkulu uzahlala emhlabeni labantu na? Khangela, iphezulu, lezulu eliphezulu kakhulu kakukulingananga; pho, lindlu engiyakhileyo ingayini kuwe na?

U-Eksodasi 3:11

Kodwa uMose wathi kuNkulunkulu: Ngingubani mina ukuba ngiye kuFaro, ngikhuphe abantu bakoIsrayeli eGibithe na?

U-Eksodasi 31:5

lokuba abaze amatshe okufakwa, abaze njalo izigodo, enze yonke imisebenzi yobungcitshi.

U-Isaya 66:1

INkosi ithi: Izulu liyisihlalo sami sobukhosi, lomhlaba uyisigcabha senyawo zami; ngenjani leyondlu ebelizakungakhela yona, ngenjani lendawo yami yokuphumula na?

UJeremiya 23:24

Umuntu angacatsha endaweni ezisithekileyo ukuze ngingamboni na? kutsho iNkosi. Angithi ngigcwele izulu lomhlaba na?

2 AbaseKhorinte 2:16

Kulaba abesibili silivumba elibulalayo, kodwa kulabo abokuqala siliphunga elisilisayo. Ngubani olingene lezizinto na?

Abase-Efesu 3:8

Mina engimncinyane kulabo bonke abangcwele ngawuphiwa lowomusa wokutshumayela kwabezizwe ivangeli lenotho kaKristu engelakulinganiswa,

UDutheronomi 12:11

kung’khona lizakuya endaweni iNkosi uNkulunkulu wenu ezakuyikhetha ukuba idunyiselwe kiyo, liletha konke engililaya khona, iminikelo yenu yokutshiswa lemihlatshelo yenu, lokwetshumi kwempahla yenu, lomnikelo wokuphana kwenu, leminikelo yonke yokugcwalisa izithembiso zenu elizithembisa eNkosini.

UDutheronomi 12:14

kodwa kuleyondawo iNkosi ezakuyikhetha kwesinye sezizwe zakini nikelani lapho iminikelo yenu yokutshiswa, lenze konke engililaya khona.

UDutheronomi 12:26

Izinto ezingcwele elifanele ukuzinikela, leminikelo yokugcwalisa izithembiso zenu lizakuzithatha, liye endaweni ezakuyikhetha iNkosi,