2 ImiLando 19:11 - iBhayibhili Elingcwele 1978

¹¹ UAmariya umpristi omkhulu nguye ongumphathi wenu kuzo zonke indaba zokholo; uZebediya indodana kaIshmayeli, umbusi wendlu yakoJuda, nguye oliphetheyo ezindabeni zonke zobuntu; lamaLevi azakuba zinduna zenu. Libe lesibindi ekwenzeni kwenu; iNkosi ibe ngakulabo abaqotho!

IBhayibhili Elingcwele LesiNdebele

¹¹ U-Amariya umphristi omkhulu nguye ozalikhangela emsebenzini wonke kaThixo, kuthi uZebhadiya indodana ka-Ishumayeli, umkhokheli wesizwe sakoJuda alikhokhele ezintweni eziqondane lenkosi, abaLevi labo bazakuba yizikhulu zenu. Yenzani ngesibindi, njalo sengathi uThixo angaba lalabo abazakwenza ngobuqotho.”

2 ImiLando 19:11 ပူးပေါင်းရင်းမြစ်များ

1 ImiLando 22:11

Wena mntanami, iNkosi ibe lawe ukuze uphumelele ukwakha indlu yeNkosi uNkulunkulu wakho, njengokutsho kwayo ngawe.

1 ImiLando 22:16

ezikwaziyo ukusebenza ngegolide lesiliva lethusi lensimbi. Qalisake ukusebenza; iNkosi ibe lawe!

1 ImiLando 22:19

Vusani ingqondo zenu lenhliziyo zenu ukudinga iNkosi uNkulunkulu wenu. Qalisani ukwakha indlu yeNkosi uNkulunkulu, ukuze umtshokotsho wesivumelwano seNkosi lezitsha zikaNkulunkulu ezingcwele zingeniswe endlini eyakhelwe ibizo layo.

1 ImiLando 26:30

KwabakoHebroni uHashabiya lezihlobo zakhe, amadoda alamandla ayinkulungwane lamakhulu ayisikhombisa, babevikela uIsrayeli ngasentshonalanga kweJordani ezintweni zonke zomsebenzi kaNkulunkulu lowenkosi.

1 ImiLando 26:32

Inkosi uDavida yakhetha amadoda alamandla ayizinkulungwane ezimbili lamakhulu ayisikhombisa, ayizihlobo zikaJeriya lezinhloko zezindlu, wawenza abaphathi babakoRubeni labakoGadi labengxenye yesizwe sakoManase ezintweni zonke zomsebenzi kaNkulunkulu lowenkosi.

1 ImiLando 28:20

UDavida wasesithi kuSolomoni indodana yakhe: Dodake ume isibindi, usebenze; ungesabi utshaywe luvalo; ngoba iNkosi uNkulunkulu, yebo uNkulunkulu wami, ulawe. Kasoze wakulahla, kasoze akutshiye, uze uphele wonke umsebenzi wenkonzo yethempeli.

1 ImiLando 6:11

UAzariya wazala uAmariya; uAmariya wazala uAhitubi;

2 ImiLando 15:2

waphuma ukuhlangabezana loAsa, wathi kuye: Lalela, Asa, lani lonke abakoJuda labakoBenjamini; iNkosi uNkulunkulu ilani nxa lani liselayo. Uba liyidinga, izalivumela ukuba liyifumane; kodwa uba liyilahla, layo izalilahla.

2 ImiLando 15:7

Kodwa lina manini isibindi, liqine, ngoba umsebenzi wenu uzakuba lomvuzo.

2 ImiLando 19:6

wathi kibo: Linanzelele elikwenzayo, ngoba kalahluleli ebizweni lomuntu kodwa eleNkosi uNkulunkulu; yona izalisiza ekwahluleleni.

2 ImiLando 19:8

EJerusalema uJehoshafati wabeka amaLevi athile labapristi lenhloko zezindlu zakoIsrayeli ukuba bahlulele ebizweni leNkosi uNkulunkulu, balamule lemibango yabaseJerusalema;

U-Ezra 7:5

kaAbishuwa kaFiniyasi kaEleyazare kaAroni umpristi omkhulu.

AmaHubo 112:5

Kuyamlungela umuntu ophanayo lowebolekisayo, owenza izinto zakhe ngokulunga.

AmaHubo 37:23

Izinyathelo zomuntu ziqondiswa yiNkosi, iyamqinisa lowo othanda izindlela zayo;

Izaga 2:20

Ngakhoke hamba endleleni yabalungileyo, uhambe ngendlela yabaqotho.

UmTshumayeli 2:26

Ngoba uNkulunkulu uyamnika umuntu omthokozisayo ukuhlakanipha lolwazi lokuthokoza; kodwa isoni uyasinika umsebenzi wokubutha lokubuthelela ukuze sinike yena othokozisa uNkulunkulu. Lalokho lakho kulize lamaya.

UJeremiya 6:16

INkosi ithi: Manini emaqamulweni ezindlela libone, libuze ngemikhondo yasendulo ukuthi ingaphi indlela enhle, lihambe ngayo, lizuze ukuthula. Kodwa bathi: Kasiyikuhamba ngayo.

UMalaki 2:7

Ngoba umpristi umele agcine ukwazi okuqotho, labantu bamele badinge ukufundiswa kuye, ngoba uyisithunywa seNkosi yamabandla.

ULukha 23:50

Kwakukhona umuntu othiwa nguJosefa, owayelilungu lomphakathi, eyindoda elungileyo.

Imisebenzi 11:24

Ngoba wayeyindoda elungileyo, egcwele uMoya oNgcwele lokukholwa; kwengezelelwa eNkosini abantu abanengi.

1 AbaseKhorinte 16:13

Lindani, lime ekukholweni kwenu, libe lesibindi, libe lamandla.

2 uTimothi 2:1

Ngakhoke, wena mntanami, qina emuseni okuKristu Jesu.

UJoshuwa 1:6

Qina, ume isibindi, ngoba nguwe ozanika lababantu ilizwe engafunga ukulinika okhokho babo.

UJoshuwa 1:9

Kangikulayanga na? Ngathi: Qina, ume isibindi; ungesabi, utshaywe luvalo, ngoba iNkosi uNkulunkulu wakho ilawe kuyo yonke indawo lapha uya khona.